16.36C Vancouver 16.36C VancouverJun 17, 2024 8:09 PM - Connect Newsroom
ਪੰਜਾਬ ਵਿਚ ਝੋਨੇ ਦੀ ਲੁਆਈ ਅਤੇ ਵਧਦੀ ਗਰਮੀ ਵਿਚਕਾਰ ਬਿਜਲੀ ਦੀ ਡਿਮਾਂਡ ਨੇ ਸਰਕਾਰ ਨੂੰ ਮੁਸ਼ਕਲ ਵਿਚ ਪਾ ਦਿੱਤਾ ਹੈ।
ਪਾਵਰ ਇੰਜੀਨੀਅਰ ਦੇ ਸੰਗਠਨ ਨੇ ਸੂਬਾ ਸਰਕਾਰ ਨੂੰ ਫਰੀ ਪਾਵਰ ਪਾਲਿਸੀ ਦਾ ਰੀਵਿਊ ਕਰਨ, ਸਰਕਾਰੀ ਦਫ਼ਤਰਾਂ ਦਾ ਸਮਾਂ ਬਦਲਣ ਅਤੇ ਸ਼ੌਪਿੰਗ ਮਾਲ ਸ਼ਾਮ 7 ਵਜੇ ਤੱਕ ਬੰਦ ਕਰਨ ਦੇ ਹੁਕਮ ਦੇਣ ਲਈ ਕਿਹਾ ਹੈ।
ਸੰਗਠਨ ਦਾ ਕਹਿਣਾ ਹੈ ਕਿ ਜੇ ਠੋਸ ਕਦਮ ਨਾ ਚੁੱਕੇ ਗਏ ਤਾਂ ਸੂਬੇ ਵਿਚ ਬਿਜਲੀ ਠੱਪ ਹੋ ਜਾਵੇਗੀ। ਪਾਵਰ ਇੰਜੀਨੀਅਰ ਦੇ ਸੰਗਠਨ ਦਾ ਕਹਿਣਾ ਹੈ ਕਿ ਪੰਜਾਬ ਵਿਚ ਬਿਜਲੀ ਦੀ ਮੰਗ ਲਗਾਤਾਰ 15,500 ਮੈਗਾਵਾਟ ਦੇ ਹਰ ਸਮੇਂ ਉਚਾਈ ਨੂੰ ਪਾਰ ਕਰ ਰਹੀ ਹੈ।
ਇਸ ਨੂੰ ਦੇਖਦੇ ਹੋਏ ਸੂਬੇ ਦੇ ਜਿਨ੍ਹਾਂ ਖੇਤਰਾਂ ਵਿਚ ਅਜੇ ਝੋਨਾ ਨਹੀਂ ਲੱਗਾ ਉਸ ਦੀ ਬਿਜਾਈ ਵੀ 25 ਜੂਨ ਤੋਂ ਪਹਿਲਾਂ ਕਰਨ ਤੋਂ ਮਨ੍ਹਾ ਕੀਤਾ ਜਾਣਾ ਚਾਹੀਦਾ ਹੈ।
ਪਾਵਰ ਇੰਜੀਨੀਅਰ ਨੇ ਕਿਹਾ ਕਿ ਸੂਬਾ ਸਰਕਾਰ ਨੂੰ ਬਿਨਾਂ ਦੇਰੀ ਕੰਟਰੋਲ ਪੂਲ ਤੋਂ 1,000 ਮੈਗਾਵਾਟ ਵਾਧੂ ਬਿਜਲੀ ਲੈਣ ਲਈ ਪਾਵਰ ਮਿਨਿਸਟਰ ਨੂੰ ਚਿੱਠੀ ਵੀ ਲਿਖਣੀ ਚਾਹੀਦੀ ਹੈ।
