9.83C Vancouver 9.83C VancouverOct 25, 2021 7:14 PM - The Canadian Press
ਵੈਨਕੂਵਰ ਆਈਲੈਂਡ ਅਤੇ ਬੀ.ਸੀ. ਦੇ ਦੱਖਣੀ ਤਟ ਦੇ ਲਈ ਹਨੇਰੀਆਂ ਸੰਬੰਧੀ ਚੇਤਾਵਨੀ ਅਤੇ ਸਪੈਸ਼ਲ ਵੈਦਰ ਸਟੇਟਮੈਂਟ ਜਾਰੀ ਹਨ।
ਹਾਲਾਂਕਿ ਦੱਸਿਆ ਜਾ ਰਿਹਾ ਹੈ ਕਿ ਬੀਤੀ ਰਾਤ ਇਲਾਕੇ 'ਚ ਦਸਤਕ ਦੇਣ ਵਾਲੀ ਤੇਜ ਹਨੇਰੀ ਵਿਚਾਲੇ ਕਿਸੇ ਵੱਡੇ ਨੁਕਸਾਨ ਤੋਂ ਬਚਾਅ ਰਿਹਾ ਹੈ।
ਐਨਵਾਇਰਨਮੈਂਟ ਕੈਨੇਡਾ ਦਾ ਕਹਿਣਾ ਹੈ ਕਿ ਇਲਾਕੇ ਦੇ ਪਾਣੀਆਂ 'ਚ ਸ਼ਨੀਵਾਰ ਰਾਤ ਇੱਕ ਤੂਫਾਨ ਨੇ ਦਾਖਿਲਾ ਕੀਤਾ ਸੀ।
ਐਤਵਾਰ ਦੇਰ ਸ਼ਾਮ ਤੋਂ ਇਸ ਤੂਫਾਨ ਨੇ ਆਪਣਾ ਜਲਵਾ ਵਿਖਾਉਣਾ ਸ਼ੁਰੂ ਕੀਤਾ ਸੀ ਜਦ ਹਵਾਵਾਂ ਦੀ ਰਫਤਾਰ 100km ਪ੍ਰਤੀ ਘੰਟਾ ਤਕ ਪਹੁੰਚ ਗਈ ਸੀ।
ਹਵਾਵਾਂ ਦੀ ਗਤੀ 'ਚ ਕੁਝ ਕਮੀ ਵੇਖਣ ਨੂੰ ਮਿਲੀ ਹੈ ਪਰ ਵੈਨਕੂਵਰ ਆਈਲੈਂਡ ਦੇ ਕਈ ਖੇਤਰਾਂ 'ਚ ਹੁਣ ਵੀ 90 ਤੋਂ 100km ਪ੍ਰਤੀ ਘੰਟਾ ਦੀ ਰਫਤਾਰ 'ਤੇ ਹਵਾਵਾਂ ਝੁੱਲ ਸਕਦੀਆਂ ਹਨ।
ਬੀ.ਸੀ. ਹਾਈਡ੍ਰੋ ਦਾ ਕਹਿਣਾ ਹੈ ਕਿ ਵੈਨਕੂਵਰ ਆਈਲੈਂਡ ਅਤੇ ਗਲਫ ਆਈਲੈਂਡਸ 'ਤੇ ਹਜ਼ਾਰਾਂ ਕਸਟਮਰਸ ਨੇ ਦਿਨ ਦੀ ਸ਼ੁਰੂਆਤ ਬਿਨਾ ਬਿਜਲੀ ਦੇ ਕੀਤੀ।
ਕੋਰਟਸ ਆਈਲੈਂਡ ਦੇ ਇਲਾਕੇ 'ਚ ਬੱਤੀ ਗੁਲ ਹੋ ਗਈ ਅਤੇ ਇਸ ਇਲਾਕੇ 'ਚ ਸ਼ਾਮ ਤਕ ਬਿਜਲੀ ਪਹੁੰਚਣ ਦੇ ਆਸਾਰ ਨਹੀਂ ਮੰਨੇ ਜਾ ਰਹੇ ਹਨ।
ਲੋਅਰ ਮੇਨਲੈਂਡ ਅਤੇ ਸਨਸ਼ਾਈਨ ਕੋਸਟ ਦੇ ਕਈ ਇਲਾਕਿਆਂ 'ਚ ਵੀ ਬੱਤੀ ਗੁਲ ਦੱਸੀ ਗਈ।
