10.28C Vancouver 10.28C VancouverFeb 21, 2020 10:48 PM -
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨਨੇ ਕਿਹਾ ਹੈ ਕਿ ਰੇਲ ਅੜਿੱਕਿਆਂ ਕਾਰਨ ਪਿਛਲੇ ਕੁਝ ਹਫਤੇ ਬਹੁਤ ਮੁਸ਼ਕਿਲ ਸਨ ਪਰ ਕੋਸਟਲ ਗੈਸਲਿੰਕ ਪ੍ਰੋਜੈਕਟ ਅੱਗੇ ਜ਼ਰੂਰ ਵਧੇਗਾ।
ਗ੍ਰੇਟਰ ਵੈਨਕੂਵਰ ਬੋਰਡ ਆਫ ਟਰੇਡ (Greater Vancouver board of trade) ਨਾਲ ਗੱਲ ਕਰਦਿਆਂ ਪ੍ਰੀਮੀਅਰ ਹੌਰਗਨ ਨੇ ਕਿਹਾ ਕਿ ਬੀ.ਸੀ. ਵਿੱਚ ਹੁਣ ਕੋਈ ਰੇਲ ਅੜਿੱਕਾ ਨਹੀਂ ਹੈ ਅਤੇ ਉਨ੍ਹਾਂ ਨੂੰ ਉਮੀਦ ਹੈ ਕਿ ਔਂਟੈਰੀਓ ਤੋਂ ਵੀ ਵੀਕੇਂਡ ਤੱਕ ਚੰਗੀ ਖਬਰ ਆਵੇਗੀ।
ਪ੍ਰੀਮੀਅਰ ਹੌਰਗਨ ਨੇ ਕਿਹਾ ਕਿ ਮਸਲਾ ਇਹ ਹੈ ਕਿ ਕੁਝ ਲੋਕ ਗੱਲ ਕਰਨ ਲਈ ਤਿਆਰ ਨਹੀਂ।
ਉਨ੍ਹਾਂ ਨੇ ਦੱਸਿਆ ਕਿ ਅੱਜ ਹੀ ਕੈਨੇਡਾ ਦੀ ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਨਾਲ ਵੀ ਗੱਲ ਕੀਤੀ ਹੈ ਅਤੇ ਫੈਡਰਲ ਸਰਕਾਰ ਨੂੰ ਸਥਿਤੀ ਬਾਰੇ ਪੂਰੀ ਜਾਣਕਾਰੀ ਹੈ।
ਹੈਰੀਡਿਟਰੀ ਚੀਫਸ ਦੀ ਅੱਜ ਹੋਣ ਵਾਲੀ ਪ੍ਰੈੱਸ ਕਾਨਫਰੰਸ ਦੇ ਬਾਰੇ ਪ੍ਰੀਮੀਅਰ ਹੌਰਗਨ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਚੀਫਸ, ਸੂਬੇ ਅਤੇ ਫੈਡਰਲ ਸਰਕਾਰ ਨਾਲ ਗੱਲ ਕਰਨਗੇ ਅਤੇ ਆਪਣੀ ਕਮਿਊਨਿਟੀ ਵਿੱਚ ਵੀ ਗੱਲਬਾਤ ਕਰਨਗੇ ਕਿ ਸਮੱਸਿਆਵਾਂ ਦਾ ਹੱਲ ਕਿਵੇਂ ਕਰੀਏ।
