21.91C Vancouver 21.91C VancouverOct 9, 2024 4:01 PM - Connect Newsroom – Jasmine Singh, with files from The Canadian Press
ਅਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਦੇ ਮੁੱਖ ਸਲਾਹਕਾਰ ਅਤੇ ਨਸ਼ਾ ਇਲਾਜ ‘ਤੇ ਕੇਂਦ੍ਰਿਤ ਪ੍ਰਾਂਤੀ ਨੀਤੀ ਦੇ ਮੁੱਖ ਰਚਨਾਕਾਰ ਮਾਰਸ਼ਲ ਸਮਿਥ ਇਸ ਮਹੀਨੇ ਦੇ ਅੰਤ ਤੱਕ ਸਰਕਾਰੀ ਸੇਵਾ ਤੋਂ ਰਿਟਾਇਰ ਹੋ ਰਹੇ ਹਨ। ਪ੍ਰੀਮੀਅਰ ਨੇ ਵੀਰਵਾਰ ਨੂੰ ਇਹ ਐਲਾਨ ਕੀਤਾ।
ਮਾਰਸ਼ਲ ਸਮਿਥ ਨੇ ਅਲਬਰਟਾ ਦੀ ਰਿਕਵਰੀ-ਅਧਾਰਤ ਨਸ਼ਾ ਨੀਤੀ ਤਿਆਰ ਕਰਨ ਵਿੱਚ ਕੇਂਦਰੀ ਭੂਮਿਕਾ ਨਿਭਾਈ, ਜਿਸਦਾ ਧਿਆਨ ਨਸ਼ੇ ਦੀ ਲਤ ਤੋਂ ਮੁਕਤੀ ਅਤੇ ਇਲਾਜ ‘ਤੇ ਹੈ, ਨਾ ਕਿ ਹਾਰਮ-ਰਿਡਕਸ਼ਨ ਮਾਡਲਾਂ ‘ਤੇ। ਇਸ ਨੀਤੀ ਦੀ ਕੁਝ ਸਮਾਜਕ ਸੰਸਥਾਵਾਂ ਨੇ ਤਾਰੀਫ਼ ਕੀਤੀ ਹੈ, ਜਦਕਿ ਸਿਹਤ ਵਿਸ਼ੇਸ਼ਗਿਆਣਾਂ ਨੇ ਇਸ ‘ਤੇ ਆਲੋਚਨਾ ਕੀਤੀ ਹੈ ਕਿ ਇਹ ਜਾਨ ਬਚਾਉਣ ਵਾਲੀਆਂ ਸੇਵਾਵਾਂ ਦੀ ਪਹੁੰਚ ਘਟਾਉਂਦੀ ਹੈ।
ਰੌਬ ਐਂਡਰਸਨ, ਜੋ ਇਸ ਸਮੇਂ ਪ੍ਰੀਮੀਅਰ ਦੇ ਦਫ਼ਤਰ ਦੇ ਐਗਜ਼ੈਕਟਿਵ ਡਾਇਰੈਕਟਰ ਹਨ, ਮਾਰਸ਼ਲ ਸਮਿਥ ਦੀ ਰਿਟਾਇਰਮੈਂਟ ਤੋਂ ਬਾਅਦ ਨਵੇਂ ਚੀਫ਼ ਆਫ਼ ਸਟਾਫ਼ ਵਜੋਂ ਕੰਮ ਸੰਭਾਲਣਗੇ।
ਮਾਰਸ਼ਲ ਸਮਿਥ ਪਿਛਲੇ ਸਾਲ ਸਰਕਾਰੀ ਤੋਹਫ਼ਿਆਂ ਅਤੇ ਇਵੈਂਟ ਟਿਕਟਾਂ ਨਾਲ ਜੁੜੇ ਨਿਯਮਾਂ ਵਿੱਚ ਤਬਦੀਲੀਆਂ ਕਾਰਨ ਵੀ ਵਿਵਾਦਾਂ ‘ਚ ਰਹੇ ਹਨ। ਨਵੇਂ ਨਿਯਮਾਂ ਦੇ ਤਹਿਤ ਉਨ੍ਹਾਂ ਨੂੰ 500 ਡਾਲਰ ਤੋਂ ਵੱਧ ਕੀਮਤ ਵਾਲੇ ਤੋਹਫ਼ਿਆਂ ਨੂੰ ਮਨਜ਼ੂਰੀ ਦੇਣ ਦਾ ਅਧਿਕਾਰ ਮਿਲਿਆ ਸੀ। ਇਹ ਮਾਮਲਾ ਉਸ ਸਮੇਂ ਚਰਚਾ ਵਿੱਚ ਆਇਆ ਜਦੋਂ ਪ੍ਰੀਮੀਅਰ ਸਮਿਥ ਅਤੇ ਸਟਾਫ਼ ਨੇ ਐਡਮੰਟਨ ਆਇਲਰਜ਼ ਦੇ ਪਲੇਆਫ਼ ਮੈਚਾਂ ਲਈ ਟਿਕਟਾਂ ਸਵੀਕਾਰ ਕੀਤੀਆਂ, ਜੋ ਇੱਕ ਐਸੇ ਵਪਾਰੀ ਨੇ ਦਿੱਤੀਆਂ ਸਨ ਜਿਸਦੀ ਕੰਪਨੀ ਨਾਲ 80 ਮਿਲੀਅਨ ਡਾਲਰ ਦਾ ਸਰਕਾਰੀ ਠੇਕਾ ਸੀ।
