20.05C Vancouver 20.05C VancouverNov 19, 2022 2:40 AM - The Canadian Press
ਡੇਵਿਡ ਇਬੀ ਨੇ ਬੀ.ਸੀ. ਦੇ ਨਵੇਂ ਪ੍ਰੀਮਿਅਰ ਵਜੋਂ ਜਿੰਮੇਵਾਰੀ ਚੁੱਕਣ ਦੇ ਨਾਲ ਹੀ 2 ਟੈਕਸ ਕ੍ਰੈਡਿਟਸ ਦਾ ਵੀ ਐਲਾਨ ਕਰ ਦਿੱਤਾ ਹੈ।
ਡੇਵਿਡ ਇਬੀ ਨੇ ਐਲਾਨ ਕੀਤਾ ਹੈ ਕਿ ਸੂਬਾ ਵਾਸੀਆਂ ਨੂੰ ਇਲੈਕਟ੍ਰੀਸਿਟੀ ਬਿੱਲਸ 'ਤੇ $100 ਦਾ ਕੌਸਟ ਆਫ ਲਿਵਿੰਗ ਕ੍ਰੈਡਿਟ ਪ੍ਰਦਾਨ ਕੀਤੇ ਜਾਵੇਗਾ।
ਇਸ ਦੇ ਨਾਲ ਹੀ ਡੇਵਿਡ ਇਬੀ ਨੇ ਐਲਾਨ ਕੀਤਾ ਕਿ ਘੱਟ ਅਤੇ ਮਿਡਲ ਇੰਕਮ ਲੋਕਾਂ ਲਈ ਬੀ.ਸੀ. ਅਫੋਰਡੇਬਿਲਿਟੀ ਕ੍ਰੈਡਿਟ ਪ੍ਰਦਾਨ ਕੀਤਾ ਜਾ ਰਿਹਾ ਹੈ।
ਇਸ ਦੀ ਸ਼ੁਰੂਆਤ ਜਨਵਰੀ 'ਚ ਹੋਵੇਗੀ। ਇਸ ਤਹਿਤ ਐਡਲਟਸ ਨੂੰ $164 ਤੱਕ ਦੇ ਕ੍ਰੈਡਿਟਸ ਅਤੇ ਬੱਚਿਆਂ ਨੂੰ $41 ਤੱਕ ਦੇ ਕ੍ਰੈਡਿਟ ਹਾਸਿਲ ਹੋ ਸਕਣਗੇ।
ਉਨ੍ਹਾਂ ਕਿਹਾ ਕਿ ਸੂਬੇ ਦੇ ਲੋਕਾਂ ਅਤੇ ਛੋਟੇ ਵਪਾਰਾਂ ਨੂੰ ਗਲੋਬਲ ਇੰਫਲੇਸ਼ਨ ਵਿਚਾਲੇ ਤਾਂਘ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਅਤੇ ਉਨ੍ਹਾਂ ਦੀ ਸਰਕਾਰ ਵਧੇਰੇ ਪ੍ਰਭਾਵ ਮਹਿਸੂਸ ਕਰਦੇ ਲੋਕਾਂ 'ਤੇ ਧਿਆਨ ਕੇਂਦਰਿਤ ਕਰ ਰਹੀ ਹੈ।
ਇੱਕ ਵਾਰ ਦਾ ਕੌਸਟ ਆਫ ਲਿਵਿੰਗ ਕ੍ਰੈਡਿਟ ਸੂਬੇ ਦੇ ਲੋਕਾਂ ਦੇ ਬੀ.ਸੀ. ਹਾਈਡ੍ਰੋ ਬਿੱਲਸ 'ਤੇ ਔਟੋਮੈਟਿਕ ਢੰਗ ਨਾਲ ਅਪਲਾਈ ਹੋ ਜਾਵੇਗਾ।
ਅੱਜ ਸਵੇਰ ਦੇ ਸਮੇਂ ਹੋਇਆ ਸਹੁੰ ਚੁੱਕ ਸਮਾਗਮ:
ਅੱਜ ਬੀ.ਸੀ. ਨੂੰ ਨਵਾਂ ਪ੍ਰੀਮਿਅਰ ਮਿਲ ਗਿਆ ਹੈ। ਡੇਵਿਡ ਇਬੀ ਨੇ ਬੀ.ਸੀ. ਦੇ ਨਵੇਂ ਪ੍ਰੀਮਿਅਰ ਵਜੋਂ ਸਹੁੰ ਚੁੱਕੀ ਹੈ।
ਵੈਨਕੂਵਰ 'ਚ ਮਸਕਵੈਮ ਕਮਿਊਨਿਟੀ ਸੈਂਟਰ 'ਚ ਪ੍ਰੀਮਿਅਰ ਅਹੁਦੇ ਲਈ ਸਹੁੰ ਚੁੱਕ ਸਮਾਗਮ ਹੋਇਆ।
ਡੇਵਿਡ ਇਬੀ ਸੂਬੇ ਦੇ 37ਵੇਂ ਪ੍ਰੀਮਿਅਰ ਬਣ ਗਏ ਹਨ।
ਪਹਿਲਾਂ ਆਊਟਗੋਇੰਗ ਪ੍ਰੀਮਿਅਰ ਜੌਨ ਹੌਰਗਨ ਨੇ ਇਸ ਸਮਾਗਮ ਦੌਰਾਨ ਲੋਕਾਂ ਨੂੰ ਸੰਬੋਧਤ ਕੀਤਾ ਅਤੇ ਆਪਣੇ ਸੋਬੋਧਨ ਦੇ ਅੰਤ 'ਚ ਉਨ੍ਹਾਂ ਡੇਵਿਡ ਇਬੀ ਨੂੰ ਵਧਾਈ ਦਿੱਤੀ ਅਤੇ ਕਿਹਾ ਕਿ ਉਹ ਸੂਬੇ ਨਵੇਂ ਪ੍ਰੀਮਿਅਰ ਡੇਵਿਡ ਇਬੀ ਦਾ ਸਵਾਗਤ ਕਰ ਰਹੇ ਹਨ।
ਇਸ ਤੋਂ ਬਾਅਦ ਲਿਊਟਨੈਂਟ ਗਵਰਨਰ ਜੈਨੇਟ ਔਸਟਿਨ ਨੇ ਡੇਵਿਡ ਇਬੀ ਨੂੰ ਸੂਬੇ ਦੇ ਪ੍ਰੀਮਿਅਰ ਵਜੋਂ ਸਹੁੰ ਚੁਕਾਈ।
ਸਹੁੰ ਚੁੱਕਣ ਤੋਂ ਬਾਅਦ ਆਪਣੇ ਸੰਬੋਧਨ ਦੌਰਾਨ ਡੇਵਿਡ ਇਬੀ ਨੇ ਆਪਣੇ ਪਰਿਵਾਰ ਅਤੇ ਸਾਥੀਆਂ ਦਾ ਧੰਨਵਾਦ ਕਰਨ ਤੋਂ ਬਾਅਦ ਉਚੇਚੇ ਤੌਰ 'ਤੇ ਜੌਨ ਹੌਰਗਨ ਦਾ ਧੰਨਵਾਦ ਕੀਤਾ।
ਉਨ੍ਹਾਂ ਕਿਹਾ ਕਿ ਕੁਝ ਦਿਨ ਪਹਿਲਾਂ ਉਨ੍ਹਾਂ ਦੀ ਹੌਰਗਨ ਨਾਲ ਮੁਲਾਕਾਤ ਹੋਈ ਸੀ ਅਤੇ ਇਸ ਮੌਕੇ ਹੌਰਗਨ ਨੇ ਪੁੱਛਿਆ ਕਿ ਸਹੁੰ ਚੁੱਕ ਸਮਾਗਮ ਦੇ ਦਿਨ ਕੀ ਡੇਵਿਡ ਇਬੀ ਉਨ੍ਹਾਂ ਦੀ ਉਪਸਥਿਤੀ ਚਾਹੁੰਦੇ ਹਨ।
ਇਬੀ ਨੇ ਕਿਹਾ, ਹੌਰਗਨ ਇਸ ਪ੍ਰਕਾਰ ਦੀ ਸ਼ਖਸੀਅਤ ਹਨ ਅਤੇ ਇੰਨੇ 'ਡਾਊਨ ਟੁ ਅਰਥ' ਹਨ।
ਉਨ੍ਹਾਂ ਹਲਕੇ ਅੰਦਾਜ 'ਚ ਕਿਹਾ ਕਿ ਲੋਕਾਂ ਨੂੰ ਲਗਦਾ ਹੈ ਕਿ ਮੇਰਾ ਕੱਦ ਬਹੁਤ ਲੰਮਾ ਹੈ ਪਰ ਉਨ੍ਹਾਂ ਕਿਹਾ ਕਿ ਇਹ ਸੱਚ ਨਹੀਂ ਹੈ ਕਿਉਂਕਿ ਮੈਂ ਹੌਰਗਨ ਦੇ ਮੋਢਿਆਂ 'ਤੇ ਖੜਾ ਹਾਂ।
ਯਾਦ ਰਹੇ ਆਮ ਤੌਰ 'ਤੇ ਵਿਕਟੋਰੀਆ 'ਚ ਗਵਰਮੈਂਟ ਹਾਊਸ ਸਹੁੰ ਚੁੱਕ ਸਮਾਗਮ ਦਾ ਟ੍ਰੈਡੀਸ਼ਨਲ ਵੈਨਿਊ ਹੁੰਦਾ ਹੈ।
ਹਾਲਾਂਕਿ ਇਸ ਵਾਰ ਟ੍ਰੈਡੀਸ਼ਨਲ ਵੈਨਿਊ ਤੋਂ ਹਟ ਕੇ ਵੱਖਰੇ ਵੈਨਿਊ ਦੀ ਚੋਣ ਕੀਤੀ ਗਈ ਹੈ।
ਸਮਾਗਮ ਦੀ ਸ਼ੁਰੂਆਤ ਵਿੱਚ ਰਿਵਾਇਤੀ ਢੰਗ ਨਾਲ ਫਰਸਟ ਨੇਸ਼ਨ ਲੋਕਾਂ ਨੇ ਕੁਝ ਸਭਿਆਚਾਰਕ ਢੋਲ ਦੀ ਗੜਗੜਾਹਟ 'ਚ ਆਪਣੇ ਵਿਚਾਰ ਸਾਂਝੇ ਕੀਤੇ।
