ਡੇਵਿਡ ਈਬੀ ਨੇ ਕੈਨੇਡਾ ਵਿਚ ਹੋਰ ਸੂਬਿਆਂ ਨਾਲ ਮੁਫ਼ਤ ਵਪਾਰ ਨੂੰ ਜਲਦ ਲਾਗੂ ਕਰਨ ਦੀ ਆਖੀ ਗੱਲ

ਪ੍ਰੀਮੀਅਰ ਡੇਵਿਡ ਈਬੀ ਨੇ ਕੈਨੇਡਾ ਵਿਚ ਹੋਰ ਸੂਬਿਆਂ ਨਾਲ ਮੁਫ਼ਤ ਵਪਾਰ ਨੂੰ ਜਲਦ ਲਾਗੂ ਕਰਨ ਦੀ ਗੱਲ ਆਖੀ ਹੈ। ਉਨ੍ਹਾਂ ਕਿਹਾ ਕਿ ਵਿਧਾਨ ਸਭਾ ਵਿਚ ਇਸ ਸਬੰਧੀ ਕਾਨੂੰਨ ਪਹਿਲਾਂ ਹੀ ਪੇਸ਼ ਕੀਤਾ ਜਾ ਚੁੱਕਾ ਹੈ ਅਤੇ ਅਸੀਂ ਇਸ ਨੂੰ ਤੁਰੰਤ ਲਾਗੂ ਕਰਨ ਲਈ ਤਿਆਰ ਹਾਂ।ਉਨ੍ਹਾਂ ਕਿਹਾ ਕਿ ਦੂਜੇ ਸੂਬਿਆਂ ਨੂੰ ਬੀ. ਸੀ. ਨੂੰ ਮਾਨਤਾ ਦੇਣ ਦੀ ਵੀ ਜ਼ਰੂਰਤ ਨਹੀਂ ਹੋਵੇਗੀ।

ਗੌਰਤਲਬ ਹੈ ਕਿ ਸੂਬਾ ਸਰਕਾਰ ਨੇ ਅੰਦਰੂਨੀ ਵਪਾਰ ਰੁਕਾਵਟਾਂ ਨੂੰ ਦੂਰ ਕਰਨ ਲਈ ਹਾਲ ਹੀ ਵਿਚ ਬਿੱਲ-7 ਪੇਸ਼ ਕੀਤਾ ਹੈ। ਪ੍ਰੀਮੀਅਰ ਈਬੀ ਅੱਜ ਵਿਕਟੋਰੀਆ ਵਿਚ ਜਦੋਂ ਪੱਤਰਕਾਰਾਂ ਦੇ ਰੂ-ਬ-ਰੂ ਹੋਏ ਤਾਂ ਉਨ੍ਹਾਂ ਨੂੰ ਪੁੱਛਿਆ ਗਿਆ ਸੀ ਕਿ ਫੈਡਰਲ ਸਰਕਾਰ ਨੇ ਸੂਬਿਆਂ ਵਿਚਕਾਰ ਫ੍ਰੀ ਟ੍ਰੇਡ ਡੀਲ ਸਮਝੌਤੇ ਲਈ ਸਮਾਂ-ਸੀਮਾ 1 ਜੁਲਾਈ ਰੱਖੀ ਹੈ ਅਤੇ ਕੀ ਬੀ. ਸੀ. ਇਸ ਨੂੰ ਉਦੋਂ ਤੱਕ ਪੂਰਾ ਕਰ ਪਾਵੇਗਾ ਤਾਂ ਪ੍ਰੀਮੀਅਰ ਨੇ ਕਿਹਾ ਕਿ ਬੀ. ਸੀ. ਦਾ ਬਿੱਲ ਵਿਧਾਨ ਸਭਾ ਵਿਚ ਹੈ ਅਤੇ 100 ਫੀਸਦੀ ਅਸੀਂ ਇਸ ਨੂੰ ਪੂਰਾ ਕਰ ਲਵਾਂਗੇ।