ਪ੍ਰੀਮੀਅਰ ਡੇਵਿਡ ਈਬੀ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਅਸਤੀਫੇ ’ਤੇ ਦਿੱਤਾ ਪ੍ਰਤੀਕਰਮ

ਪ੍ਰੀਮੀਅਰ ਡੇਵਿਡ ਈਬੀ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਅਸਤੀਫੇ ’ਤੇ ਪ੍ਰਤੀਕਰਮ ਦਿੰਦਿਆਂ ਉਨ੍ਹਾਂ ਦੇ ਕੰਮਾਂ ਦਾ ਧੰਨਵਾਦ ਕੀਤਾ ਹੈ। ਈਬੀ ਨੇ ਕਿਹਾ ਕਿ ਪਰਿਵਾਰਾਂ ਲਈ ਬਾਲ ਸੰਭਾਲ ਦਾ ਖ਼ਰਚ ਘੱਟ ਕਰਨ ਸਮੇਤ ਅਸੀਂ ਕਈ ਮਹੱਤਵਪੂਰਨ ਮੁੱਦਿਆਂ ’ਤੇ ਮਿਲ ਕੇ ਕੰਮ ਕੀਤਾ। ਅੱਜ ਸਾਨੂੰ ਕੈਨੇਡੀਅਨ ਕਾਮਿਆਂ ਅਤੇ ਕਾਰੋਬਾਰਾਂ ਨੂੰ ਅਮਰੀਕਨ ਟੈਰਿਫ ਤੋਂ ਬਚਾਉਣ ਲਈ ਇਕਜੁੱਟ ਹੋਣ ਦੀ ਜ਼ਰੂਰਤ ਹੈ।

ਈਬੀ ਨੇ ਕਿਹਾ ਕਿ ਬੇਸ਼ੱਕ ਕੁਝ ਮੁੱਦਿਆਂ ’ਤੇ ਅਸਹਿਮਤੀ ਹੋ ਸਕਦੀ ਹੈ ਪਰ ਉਹ ਟਰੂਡੋ ਦੇ ਕੰਮਾਂ ਲਈ ਉਨ੍ਹਾਂ ਦਾ ਧੰਨਵਾਦ ਕਰਦੇ ਹਨ।

ਗੌਰਤਲਬ ਹੈ ਕਿ 19 ਅਕਤੂਬਰ 2015 ਨੂੰ ਲਿਬਰਲਸ ਨੇ ਟਰੂਡੋ ਦੀ ਅਗਵਾਈ ਵਿਚ ਬਹੁਮਤ ਨਾਲ ਸਰਕਾਰ ਬਣਾਈ ਸੀ ਪਰ ਉਸ ਤੋਂ ਬਾਅਦ ਅਕਤੂਬਰ 2019 ਦੀਆਂ ਚੋਣਾਂ ਵਿਚ ਲਿਬਰਲਸ ਘੱਟ ਗਿਣਤੀ ਸਰਕਾਰ ਵਿਚ ਆ ਗਏ ਸਨ ਅਤੇ ਮੌਜੂਦਾ ਸਮੇਂ ਵੀ ਲਿਬਰਲਸ ਕੋਲ ਆਪਣਾ ਬਹੁਮਤ ਨਹੀਂ ਹੈ।

ਐਨਡੀਪੀ ਦੀ ਸਪੋਰਟ ਨਾਲ ਸਰਕਾਰ ਸੰਸਦ ਵਿਚ ਡਿੱਗਣ ਤੋਂ ਬਚਦੀ ਰਹੀ ਹੈ। ਹਾਲਾਂਕਿ, ਜਗਮੀਤ ਸਿੰਘ ਨੇ ਹਾਲ ਹੀ ਵਿਚ ਕਿਹਾ ਸੀ ਕਿ ਉਹ ਹੁਣ ਸੰਸਦ ਵਿਚ ਵੀ ਸਪੋਰਟ ਨਹੀਂ ਕਰਣਗੇ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਲਿਬਰਲਸ ਹੁਣ ਸੱਤਾ ਵਿਚ ਦੁਬਾਰਾ ਵਾਪਸੀ ਦੇ ਹੱਕਦਾਰ ਨਹੀਂ ਰਹੇ।