21.09C Vancouver 21.09C VancouverOct 27, 2020 1:11 AM -
ਬੀ.ਸੀ. ਦੇ ਪ੍ਰੀਮਿਅਰ ਇਲੈਕਟ, ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਉਹ ਅੱਜ ਤੋਂ ਕੰਮ 'ਤੇ ਵਾਪਸੀ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਹੈ ਕਿ ਉਹ ਹੁਣ ਪੇਂਡੂ ਇਲਾਕਿਆਂ ਦੇ ਨਿਵਾਸੀਆਂ ਦਾ ਭਰੋਸਾ ਜਿੱਤਣਾ ਚਾਹੁੰਦੇ ਹਨ।
ਯਾਦ ਰਹੇ ਇਸ ਸ਼ਨੀਵਾਰ ਦੀਆਂ ਚੋਣਾਂ ਦੌਰਾਨ ਐਨ.ਡੀ.ਪੀ. ਨੂੰ ਮੁੱਖ ਤੌਰ 'ਤੇ 'ਸ਼ਹਿਰੀ ਸੀਟਾਂ' 'ਤੇ ਜਿੱਤ ਹਾਸਿਲ ਹੋਈ ਮੰਨੀ ਜਾ ਰਹੀ ਹੈ।
ਹੌਰਗਨ ਨੇ ਕਿਹਾ ਕਿ ਛੋਟੇ ਭਾਈਚਾਰਿਆਂ 'ਚ ਜੰਗਲ ਮਹਿਕਮੇ ਜਿਹੀ ਖੇਤਰ ਅਹਿਮ ਹਨ, ਅਤੇ ਉਹ ਚਾਹੁੰਦੇ ਹਨ ਕਿ ਇਸ ਇੰਡਸਟਰੀ 'ਤੇ ਨਿਰਭਰ ਕਰਨ ਵਾਲਿਆਂ ਦੀਆਂ ਜ਼ਰੂਰਤਾਂ 'ਤੇ ਖੜ੍ਹਾ ਉੱਤਰਿਆ ਜਾਵੇ।
ਐਨ.ਡੀ.ਪੀ. ਦੀ 53 ਸੀਟਾਂ ਦੀ ਜਿੱਤ ਤੋਂ ਬਾਅਦ, ਪਾਰਟੀ ਨੂੰ ਗ੍ਰੀਨ ਪਾਰਟੀ 'ਤੇ ਨਿਰਭਰ ਹੋਣ ਦੀ ਲੋੜ ਨਹੀਂ ਹੈ, ਪਰ ਹੌਰਗਨ ਦਾ ਕਹਿਣਾ ਹੈ ਕਿ ਉਹ ਬੀ.ਸੀ. ਦੇ ਵਿਕਾਸ ਲਈ ਪਾਰਟੀ ਸੀਮਾਵਾਂ ਤੋਂ ਬਾਹਰ ਜਾ ਕੇ ਕੰਮ ਕਰਨਗੇ।
ਲਿਬਰਲਸ ਦੇ ਖਾਤੇ 27 ਸੀਟਾਂ ਆਈਆਂ ਹਨ, ਅਤੇ ਗ੍ਰੀਨਸ ਨੂੰ 3 ਰਾਈਡਿੰਗਸ 'ਚ ਜਿੱਤ ਹਾਸਿਲ ਹੋਈ।
4 ਰਾਈਡਿੰਗਸ 'ਤੇ ਜਿੱਤ-ਹਾਰ ਦਾ ਫੈਸਲਾ ਅਜੇ ਨਜ਼ਦੀਕੀ ਮਾਮਲਾ ਬਣਿਆ ਹੋਇਆ ਹੈ।
ਕਰੀਬ 5,00,000 ਮੇਲ-ਇਨ-ਬੈਲੇਟਸ ਦੀ ਗਿਣਤੀ ਹੋਣਾ ਅਜੇ ਬਾਕੀ ਹੈ।
