14.51C Vancouver 14.51C VancouverJun 29, 2021 3:38 PM -
ਪ੍ਰੀਮੀਅਰ ਜੌਹਨ ਹੌਰਗਨ ਬੀ.ਸੀ. ਵਿੱਚ ਕੋਵਿਡ -19 ਸੰਬੰਧੀ ਰਿ-ਓਪਨਿੰਗ ਪਲਾਨ ਦੇ ਅਗਲੇ ਪੜ੍ਹਾਅ ਦੇ ਵੇਰਵੇ ਅੱਜ ਸਾਂਝੇ ਕਰਨ ਜਾ ਰਹੇ ਹਨ।
ਇਸ ਮੌਕੇ ਉਨ੍ਹਾਂ ਨਾਲ ਸੂਬਾਈ ਸਿਹਤ ਅਫਸਰ ਡਾਕਟਰ ਬੌਨੀ ਹੈਨਰੀ ਅਤੇ ਜੌਬਸ ਮਨਿਸਟਰ ਰਵੀ ਕਾਹਲੋਂ ਵੀ ਮੌਜੂਦ ਹੋਣਗੇ।
ਚਾਰ ਫੇਜ਼ ਦੇ ਪਲਾਨ ਦਾ ਤੀਸਰਾ ਪੜ੍ਹਾਅ ਵੀਰਵਾਰ ਨੂੰ ਸ਼ੁਰੂ ਹੋਣ ਜਾ ਰਿਹਾ ਹੈ ਜੱਦ ਵਧੇਰੇ ਪਾਬੰਦੀਆਂ ਨੂੰ ਢਿੱਲ ਦਿੱਤੀ ਜਾਵੇਗੀ।
ਡਾਕਟਰ ਹੈਨਰੀ ਅਨੁਸਾਰ ਇੰਟੀਰੀਅਰ ਦੇ ਕੁਝ ਹਿੱਸਿਆਂ ਤੋਂ ਅਲਾਵਾ ਬੀ.ਸੀ. ਦੇ ਜ਼ਿਆਦਾਤਾਰ ਇਲਾਕਿਆਂ ਵਿੱਚ ਟੀਕਾਕਰਣ ਦੀ ਦਰ ਵਿੱਚ ਵਾਧਾ ਜਾਰੀ ਹੈ।
ਇਨ੍ਹਾਂ ਛੋਟੇ ਭਾਇਚਾਰਿਆਂ ਵਿੱਚ ਵੱਧ ਤੋਂ ਵੱਧ ਲੋਕਾਂ ਤੱਕ ਵੈਕਸੀਨ ਪਹੁੰਚਾਉਣ ਦੇ ਮਕਸਦ ਨਾਲ ਡ੍ਰਾਈਵ-ਥਰੂ ਅਤੇ ਮੋਬਾਈਲ ਕਲੀਨਿਕ ਸਥਾਪਤ ਕੀਤੇ ਜਾ ਰਹੇ ਹਨ।
ਸੋਮਵਾਰ ਨੂੰ ਸੂਬੇ ਵਿੱਚ ਕੋਵਿਡ-19 ਦੇ 38 ਨਵੇਂ ਮਾਮਲੇ ਰਿਪੋਰਟ ਕੀਤੇ ਗਏ ਸਨ ਜੋ ਕਿ ਅਗਸਤ ਤੋਂ ਬਾਅਦ ਹੁਣ ਤੱਕ ਦਾ ਸਭ ਤੋਂ ਘੱਟ ਅੰਕੜਾ ਹੈ।
ਹੈਨਰੀ ਮੁਤਾਬਕ ਜਿੱਦਾਂ -ਜਿੱਦਾਂ ਬੀ.ਸੀ. ਸਿਤੰਬਰ ਵਿੱਚ ਪਾਬੰਦੀਆਂ ਵਿੱਚ ਢਿੱਲ ਵੱਲ ਅਗਾਂਹ ਵੱਧਦਾ ਹੈ, ਉਨ੍ਹਾਂ ਲੋਕਾਂ ਨੂੰ ਦੂਰ ਰਹਿਣਾ ਚਾਹੀਦਾ ਹੈ ਜਿਨ੍ਹਾਂ ਨੇ ਕੋਵਿਡ -19 ਦੀ ਵੈਕਸੀਨ ਹਾਸਿਲ ਨਹੀਂ ਕੀਤੀ ਅਤੇ ਜੋ ਬੀ.ਸੀ. ਘੁੰਮਣ ਲਈ ਆਉਣਾ ਚਾਹੁੰਦੇ ਹਨ।
