13.32C Vancouver 13.32C VancouverSep 30, 2021 7:34 PM -
ਪ੍ਰੀਮਿਅਰ ਜੌਨ ਹੌਰਗਨ ਅਤੇ ਇੰਡੀਜਨਸ ਰਿਲੇਸ਼ਨਸ ਅਤੇ ਰੀਕੰਸੀਲੀਏਸ਼ਨ ਮੰਤਰੀ, ਮਰੇ ਰੈਂਕਿਨ ਨੇ ਬੀ.ਸੀ. ਵਾਸੀਆਂ ਨੂੰ ਅਪੀਲ ਕੀਤੀ ਹੈ ਕਿ ਅੱਜ ਸੰਤਰੀ ਸ਼ਰਟ ਪਹਿਨੇ ਜਾਣ।
ਉਨ੍ਹਾਂ ਕਿਹਾ ਕਿ ਇਸ ਨਾਲ 'ਐਵਰੀ ਚਾਈਲਡ ਮੈਟਰਸ' ਮੁਹਿੰਮ ਨੂੰ ਸਹਿਯੋਗ ਜਾਹਿਰ ਕੀਤਾ ਜਾ ਸਕਦਾ ਹੈ।
ਅੱਜ ਪਹਿਲਾ ਨੈਸ਼ਨਲ ਡੇਅ ਫਾਰ ਟਰੂਥ ਐਂਡ ਰੀਕੰਸੀਲੀਏਸ਼ਨ ਹੈ ਅਤੇ ਬੀ.ਸੀ. 'ਚ ਔਰੇਂਜ ਸ਼ਰਟ ਡੇਅ ਵੀ ਮਨਾਇਆ ਜਾ ਰਿਹਾ ਹੈ।
ਪ੍ਰੀਮਿਅਰ ਹੌਰਗਨ ਨੇ ਕਿਹਾ ਕਿ ਸੰਤਰੀ ਰੰਗ ਪਹਿਨੇ ਕੇ ਲੋਕ ਰੈਜ਼ੀਡੈਂਸ਼ੀਅਲ ਸਕੂਲ ਸਿਸਟਮ ਦੇ ਸੱਚ ਨੂੰ ਕਬੂਲਣ ਪ੍ਰਤੀ ਆਪਣੀ ਸਹਿਮਤੀ ਜਾਹਿਰ ਕਰ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਸਰਵਾਈਵਰਸ, ਪਰਿਵਾਰਾਂ ਅਤੇ ਕਮਿਊਨਿਟੀਸ ਨੂੰ ਸਨਮਾਨ ਵੀ ਪੇਸ਼ ਕੀਤਾ ਜਾ ਸਕਦਾ ਹੈ।
ਪ੍ਰੀਮਿਅਰ ਹੌਰਗਨ ਨੇ ਕਿਹਾ ਕਿ ਲੋਕਾਂ ਨੂੰ ਰੈਜ਼ੀਡੈਂਸ਼ੀਅਲ ਸਕੂਲਾਂ ਦੇ ਸੱਚ ਦਾ ਤਾਂ ਅੰਦਾਜਾ ਸੀ ਪਰ ਕੈਮਲੂਪਸ ਦੇ ਸਕੂਲ ਕੋਲ 200 ਤੋਂ ਵਧੇਰੇ ਅਨਮਾਰਕਡ ਗ੍ਰੇਵਸ ਮਿਲਣ ਨਾਲ ਲੋਕ ਦੰਗ ਰਹਿ ਗਏ ਸਨ।
