13.07C Vancouver 13.07C VancouverApr 30, 2020 12:23 AM -
ਬੀ.ਸੀ. ਸਰਕਾਰ ਨੇ ਕੋਵਿਡ-19 ਕਾਰਨ ਸੂਬੇ ਵਿੱਚ ਲਾਈ ਗਈ ਸਟੇਟ ਔਫ ਐਮਰਜੈਂਸੀ ਨੂੰ 2 ਹਫਤਿਆਂ ਲਈ ਵਧਾ ਦਿੱਤਾ ਹੈ।
ਸੂਬੇ 'ਚ ਐਮਰਜੈਂਸੀ ਹੁਣ 12 ਮਈ ਤੱਕ ਲਾਗੂ ਰਹੇਗੀ।
ਵਿਕਟੋਰੀਆ ਵਿੱਚ ਇੱਕ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਬੀ.ਸੀ. ਦੇ ਪ੍ਰੀਮੀਅਰ ਜੌਨ ਹੌਰਗਨ ਨੇ ਕਿਹਾ ਕਿ ਬੀ.ਸੀ. ਨੂੰ ਦੁਬਾਰਾ ਤੋਂ ਖੋਲ੍ਹਣ ਦੀਆਂ ਯੋਜਨਾਵਾਂ ਅਗਲੇ ਹਫਤੇ ਸਾਹਮਣੇ ਲਿਆਈਆਂ ਜਾਣਗੀਆਂ।
ਪ੍ਰੀਮੀਅਰ ਨੇ ਕਿਹਾ ਕਿ ਬੀ.ਸੀ. ਨੂੰ ਪੂਰੇ ਧਿਆਨ ਦੇ ਨਾਲ ਅਤੇ ਕਈ ਪੜਾਵਾਂ ਵਿੱਚ ਖੋਲ੍ਹਣ ਦੇ ਵੇਰਵੇ ਕੈਬਨਿਟ ਦੀ ਮਨਜ਼ੂਰੀ ਤੋਂ ਬਾਅਦ ਅਗਲੇ ਹਫਤੇ ਸਾਂਝੇ ਕੀਤੇ ਜਾਣਗੇ।
ਜ਼ਿਕਰਯੋਗ ਹੈ ਕਿ ਸਰਕਾਰ ਵੱਲੋਂ ਐਮਰਜੈਂਸੀ ਨੂੰ ਇੱਕ ਸਮੇਂ ਵਿੱਚ 2 ਹਫਤਿਆਂ ਲਈ ਹੀ ਐਲਾਨਿਆ ਜਾ ਸਕਦਾ ਹੈ।
