18.67C Vancouver 18.67C VancouverSep 21, 2020 6:17 PM -
ਜੌਨ ਹੌਰਗਨ ਨੇ ਬੀ.ਸੀ. 'ਚ ਚੋਣਾਂ ਦਾ ਐਲਾਨ ਕਰ ਦਿੱਤਾ ਹੈ।
ਸੂਬੇ 'ਚ ਇਸੇ ਸਾਲ 24 ਅਕਤੂਬਰ ਨੂੰ ਚੋਣਾਂ ਹੋਣਗੀਆਂ।
ਲਿਊਟਨੈਂਟ ਗਰਵਰਨਰ ਜੈਨੇਟ ਔਸਟਿਨ ਨਾਲ ਸਵੇਰ ਦੇ ਸਮੇਂ ਹੋਈ ਮੁਲਾਕਾਤ ਤੋਂ ਬਾਅਦ, ਸਵੇਰੇ 11 ਵਜੇ ਹੌਰਗਨ ਨੇ ਇੱਕ ਨਿਊਜ਼ ਕਾਨਫਰੰਸ ਦੌਰਾਨ ਸੂਬੇ 'ਚ ਚੋਣਾਂ ਦਾ ਐਲਾਨ ਕੀਤਾ।
ਯਾਦ ਰਹੇ ਬੀ.ਸੀ. 'ਚ ਅਕਤੂਬਰ 2021 'ਚ ਚੋਣਾਂ ਹੋਣੀਆਂ ਸਨ, ਪਰ ਹੌਰਗਨ ਨੇ ਪਹਿਲਾਂ ਹੀ ਸੰਕੇਤ ਦਿੱਤੇ ਸਨ ਕਿ ਉਹ ਕੁਝ ਹੋਰ ਸਿਆਸੀ ਆਪਸ਼ਨਸ ਬਾਰੇ ਵਿਚਾਰ ਕਰ ਰਹੇ ਹਨ।
ਐਨ.ਡੀ.ਪੀ. ਨੇ ਸਾਲ 2017 'ਚ ਬੀ.ਸੀ. 'ਚ ਗ੍ਰੀਨ ਪਾਰਟੀ ਨਾਲ ਮਿਲ ਕੇ ਮਾਈਨੌਰਿਟੀ ਸਰਕਾਰ ਸਥਾਪਿਤ ਕੀਤੀ ਸੀ।
ਬੀਤੇ ਕੁਝ ਹਫ਼ਤਿਆਂ 'ਚ ਹੌਰਗਨ ਨੇ ਕਿਹਾ ਹੈ ਕਿ ਜਿਹੜੀ ਗ੍ਰੀਨ ਪਾਰਟੀ ਨਾਲ ਮਿਲ ਕੇ ਉਨ੍ਹਾਂ ਸਰਕਾਰ ਬਣਾਈ ਸੀ, ਐਂਡਰਿਊ ਵੀਵਰ ਦੇ ਪਾਰਟੀ ਤੋਂ ਬਾਹਰ ਹੋਣ ਤੋਂ ਬਾਅਦ, ਇਹ ਪਾਰਟੀ ਪਹਿਲਾਂ ਜਿਹੀ ਨਹੀਂ ਜਾਪਦੀ ਹੈ।
