12.29C Vancouver 12.29C VancouverAug 31, 2023 7:01 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਦੇ ਪ੍ਰੀਮੀਅਰ ਡੇਵਿਡ ਈਬੀ ਨੇ ਬੈਂਕ ਆਫ ਕੈਨੇਡਾ ਨੂੰ ਹੋਰ ਵਿਆਜ ਦਰਾਂ ਵਿੱਚ ਵਾਧੇ ਨੂੰ ਰੋਕਣ ਲਈ ਕਿਹਾ ਹੈ।
ਬੈਂਕ ਆਫ ਕੈਨੇਡਾ ਦੇ ਗਵਰਨਰ ਟਿਫ ਮੈਕਲਮ ਨੂੰ ਪ੍ਰੀਮੀਅਰ ਡੇਵਿਡ ਈਬੀ ਵੱਲੋਂ ਇੱਕ ਲੈਟਰ ਲਿਖਿਆ ਗਿਆ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਇਸ ਸਮੇਂ ਇੰਟਰਸਟ ਰੇਟ ਨਾ ਵਧਾਉਣ ਦੀ ਅਪੀਲ ਕੀਤੀ ਹੈ।
ਬੈਂਕ ਆਫ ਕੈਨੇਡਾ ਨੇ ਅਗਲੇ ਮਹੀਨੇ ਦੇ ਸ਼ੁਰੂ ਵਿੱਚ ਵਿਆਜ ਦਰਾਂ 'ਤੇ ਫੈਸਲਾ ਕਰਨਾ ਹੈ।
ਈਬੀ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਵੀ ਚਿੱਠੀ ਲਿਖੀ ਹੈ ਅਤੇ ਕਿਹਾ ਹੈ ਕਿ ਇਸ ਵੇਲੇ ਮਹਿੰਗਾਈ ਨਾਲ ਲੜਨ, ਰਿਹਾਇਸ਼ ਅਤੇ ਬੁਨਿਆਦੀ ਢਾਂਚੇ ਦੇ ਸੁਧਾਰਾਂ 'ਤੇ ਧਿਆਨ ਕੇਂਦਰਤ ਕਰਨ ਦੀ ਲੋੜ ਹੈ।
ਮੈਕਲਮ ਨੂੰ ਈਬੀ ਨੇ ਚਿੱਠੀ ਵਿੱਚ ਕਿਹਾ ਹੈ ਕਿ ਹੋਰ ਵਿਆਜ ਦਰਾਂ ਵਿੱਚ ਵਾਧਾ ਨਾ ਸਿਰਫ਼ ਮੌਰਗੇਜ ਭਰ ਰਹੇ ਮਕਾਨ ਮਾਲਕਾਂ ਲਈ ਖ਼ਤਰਾ ਹੈ, ਸਗੋਂ ਕਿਰਾਏਦਾਰ, ਵਿਦਿਆਰਥੀ, ਬਜ਼ੁਰਗ, ਪਰਿਵਾਰ ਤੇ ਛੋਟੇ ਕਾਰੋਬਾਰੀ ਵੀ ਪ੍ਰਭਾਵਿਤ ਹੋਣਗੇ।
ਜ਼ਿਕਰਯੋਗ ਹੈ ਕਿ ਬੈਂਕ ਵੱਲੋਂ ਅਗਲਾ ਇੰਟਰਸਟ ਰੇਟ 'ਤੇ ਫ਼ੈਸਲਾ 6 ਸਤੰਬਰ ਨੂੰ ਲਿਆ ਜਾਣਾ ਹੈ।
Statistics Canada ਵੱਲੋਂ ਜਾਰੀ ਕੀਤੀ ਗਈ ਰਿਪੋਰਟ ਮੁਤਾਬਕ ਜੁਲਾਈ ਵਿਚ ਮਹਿੰਗਾਈ 3.3 ਫੀਸਦੀ 'ਤੇ ਪਹੁੰਚ ਗਈ।
