13.98C Vancouver 13.98C VancouverDec 10, 2024 6:57 PM - The Canadian Press
ਕੈਨੇਡਾ ਭਰ ਦੇ ਪ੍ਰੀਮੀਅਰ ਬੁੱਧਵਾਰ ਨੂੰ ਪੀ. ਐੱਮ. ਜਸਟਿਨ ਟਰੂਡੋ ਨਾਲ ਮੀਟਿੰਗ ਕਰਨਗੇ, ਇਹ ਮੀਟਿੰਗ ਅਮਰੀਕਾ ਨਾਲ ਵਾਪਰ ਅਤੇ ਟੈਰਿਫ ਮੁੱਦੇ ’ਤੇ ਹੋਵੇਗੀ। ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਇਹ ਜਾਣਕਾਰੀ ਦਿੱਤੀ। ਪ੍ਰੀਮੀਅਰਾਂ ਨਾਲ ਟਰੂਡੋ ਦੀ ਇਹ ਮੀਟਿੰਗ ਪਿਛਲੀ ਬੈਠਕ ਦੇ ਦੋ ਹਫ਼ਤੇ ਬਾਅਦ ਹੋ ਰਹੀ ਹੈ।
ਕੈਨੇਡੀਅਨ ਆਯਾਤ ’ਤੇ ਟਰੰਪ ਵਲੋਂ 25 ਫੀਸਦੀ ਟੈਰਿਫ ਲਗਾਉਣ ਦੀ ਦਿੱਤੀ ਗਈ ਧਮਕੀ ਦੇ ਜਵਾਬ ਵਿਚ ਤਰੀਕੇ ਤਲਾਸ਼ਣ ਸਬੰਧੀ ਇਹ ਮੀਟਿੰਗਾਂ ਹੋ ਰਹੀਆਂ ਹਨ।
ਓਨਟਾਰੀਓ ਦੇ ਪ੍ਰੀਮੀਅਰ ਨੇ ਕਿਹਾ ਕਿ ਸੈਂਟਰ ਸਰਕਾਰ ਨੇ ਟਰੰਪ ਅਤੇ ਉਨ੍ਹਾਂ ਦੇ ਅਧਿਕਾਰੀਆਂ ਨਾਲ ਗੱਲਬਾਤ ਲਈ ਪ੍ਰੀਮੀਅਰ ਸਾਹਮਣੇ ਇੱਕ ਪਲੈਨ ਪੇਸ਼ ਕਰਨ ਦੀ ਵਚਨਬੱਧਤਾ ਜਤਾਈ ਸੀ।
ਫੋਰਡ ਨੇ ਕਿਹਾ ਕਿ ਉਮੀਦ ਹੈ ਕਿ ਇਸ ਪਲੈਨ ਵਿਚ ਬਾਰਡਰ ਸਕਿਓਰਟੀ ਨੂੰ ਸਖ਼ਤ ਕਰਨਾ ਅਤੇ ਡਿਫੈਂਸ ’ਤੇ ਨਾਟੋ ਟਾਰਗੇਟ ਨੂੰ ਪੂਰਾ ਕਰਨ ਦੀ ਯੋਜਨਾ ਸ਼ਾਮਲ ਹੋਵੇਗੀ।
ਦੱਸ ਦੇਈਏ ਕਿ ਟਰੰਪ ਨੇ ਕੈਨੇਡਾ ’ਤੇ ਟੈਰਿਫ ਲਈ ਜੋ ਵੱਡੇ ਮੁੱਦੇ ਕਾਰਨ ਦੱਸੇ ਹਨ, ਬਾਰਡਰ ਸਕਿਓਰਟੀ ਉਨ੍ਹਾਂ ਵਿਚੋਂ ਇੱਕ ਹੈ। ਇਸ ਦੇ ਨਾਲ ਹੀ ਟਰੰਪ ਨਾਟੋ ਟਾਰਗੇਟ ਨੂੰ ਪੂਰਾ ਨਾ ਕਰਨ ਵਾਲੇ ਮੈਂਬਰ ਦੇਸ਼ਾਂ ’ਤੇ ਵੀ ਸਖ਼ਤ ਹਨ।
