13.36C Vancouver 13.36C VancouverApr 19, 2024 5:45 PM - The Canadian Press
ਕੈਨੇਡਾ ਭਰ ਦੇ ਪ੍ਰੀਮੀਅਰ ਨੇ ਫੈਡਰਲ ਸਰਕਾਰ ਨੂੰ ਚਿਤਾਵਨੀ ਦਿੱਤੀ ਹੈ ਕਿ ਬਜਟ ਦੇ ਬਹਾਨੇ ਸੂਬਿਆਂ ਦੇ ਅਧਿਕਾਰ ਖੇਤਰਾਂ ਵਿਚ ਅੱਗੇ ਵਧਣ ਦੀ ਕੋਸ਼ਿਸ਼ ਨਾ ਕੀਤੀ ਜਾਵੇ।
ਪ੍ਰੀਮੀਅਰ ਦਾ ਕਹਿਣਾ ਹੈ ਕਿ ਹਾਊਸਿੰਗ ਸੰਕਟ ਨੂੰ ਫੈਡਰਲ ਸਰਕਾਰ ਵਲੋਂ ਇਕੱਲੇ ਨਗਰ ਪਾਲਿਕਾਵਾਂ ਨਾਲ ਕੰਮ ਕਰਕੇ ਹੱਲ ਨਹੀਂ ਕੀਤਾ ਜਾ ਸਕਦਾ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਸੀ ਕਿ ਉਹ ਹਾਊਸਿੰਗ ਫੰਡ ਮੁਹੱਈਆ ਕਰਵਾਉਣ ਲਈ ਸਿੱਧੇ ਮੇਅਰ ਕੋਲ ਜਾਣਗੇ।
ਲਿਬਰਲ ਸਰਕਾਰ ਨੂੰ ਬਜਟ ਦੇ ਸਬੰਧ ਵਿਚ ਲਿਖੇ ਪੱਤਰ ਵਿਚ ਫੈਡਰੇਸ਼ਨ ਦੇ ਕੌਂਸਲ ਦੇ ਪ੍ਰਧਾਨ ਅਤੇ ਨੋਵਾ ਸਕੋਸ਼ੀਆ ਦੇ ਪ੍ਰੀਮੀਅਰ ਟਿਮ ਹਿਊਸਟਨ ਨੇ ਰੱਖਿਆ ਖਰਚਿਆਂ ਤੋਂ ਲੈ ਕੇ ਹਾਊਸਿੰਗ ਤੱਕ ਹਰ ਚੀਜ਼ ’ਤੇ ਗੱਲ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਪ੍ਰੀਮੀਅਰ ਐਮਰਜੈਂਸੀ ਹਾਲਾਤ ਵਿਚ ਵਧੇਰੇ ਸਪੋਰਟ ਲਈ ਇਸ ਸਾਲ ਆਫਡ ਵਿੱਤੀ ਸਹਾਇਤਾ ਪ੍ਰਬੰਧਾਂ ਦੀ ਉਮੀਦ ਕਰ ਰਹੇ ਸਨ।
ਇਸੇ ਤਰ੍ਹਾਂ ਉਮੀਦ ਸੀ ਕਿ ਬਜਟ ਵਿਚ ਲਚਕਦਾਰ ਅਤਅਨੁਮਾਨਿਤ ਬੁਨਿਆਦੀ ਢਾਂਚਾ ਫੰਡ ਨੂੰ ਸ਼ਾਮਲ ਕੀਤਾ ਜਾਵੇਗਾ ਪਰ ਅਜਿਹਾ ਨਹੀਂ ਹੋਇਆ। ਹਿਊਸਟਨ ਨੇ ਕਿਹਾ ਕਿ ਬਜਟ 2024 ਤਾਂ ਹੀ ਪ੍ਰਭਾਵਸ਼ਾਲੀ ਢੰਗ ਨਾਲ ਕੰਮ ਕਰ ਸਕਦਾ ਹੈ ਜੇ ਸਰਕਾਰ ਸੂਬਿਆਂ ਨਾਲ ਮਿਲ ਕੇ ਸਹੀ ਤਰੀਕੇ ਨਾਲ ਚਲੇ।
ਗੌਰਤਲਬ ਹੈ ਕਿ ਫੈਡਰਲ ਸਰਕਾਰ ਨੇ 2031 ਤੱਕ ਲਗਭਗ 3.9 ਮਿਲੀਅਨ ਘਰ ਬਣਾਉਣ ਦੇ ਮਕਸਦ ਨਾਲ ਬਜਟ ਵਿਚ ਨਵੇਂ ਹਾਊਸਿੰਗ ਪਲੈਨ ਲਈ ਬਿਲੀਅਨ ਡਾਲਰ ਰੱਖੇ ਹਨ ਇਸ ਨਾਲ ਕੁਝ ਸ਼ਰਤਾਂ ਵੀ ਜੋੜੀਆਂ ਹਨ ਜਿਸ ਨੂੰ ਲੈ ਕੇ ਪ੍ਰੀਮੀਅਰ ਨੇ ਇਤਰਾਜ਼ ਪ੍ਰਗਟ ਕੀਤੇ ਹਨ। ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਵਲੋਂ ਸ਼ਰਤਾਂ ਨਾਲ ਫੰਡਿੰਗ ਲੈਣ ਤੋਂ ਇਨਕਾਰ ਕੀਤਾ ਹੈ।
