13.94C Vancouver 13.94C VancouverSep 22, 2023 5:46 PM - Connect News
ਕੈਨੇਡਾ ਦੀ ਸਾਈਬਰ ਇੰਟੈਲੀਜੈਂਸ ਏਜੰਸੀ ਨੇ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਨਸਕੀ ਦੀ ਫ਼ੇਰੀ ਦੌਰਾਨ ਸਾਈਬਰ ਹਮਲਿਆਂ ਦੀ ਚੇਤਾਵਨੀ ਦਿੱਤੀ ਹੈ।
ਏਜੰਸੀ ਨੇ ਕਿਹਾ ਕਿ ਕੈਨੇਡਾ ਦੀਆਂ ਵੈਬਸਾਈਟਾਂ 'ਤੇ ਸਾਈਬਰ ਹਮਲਾ ਹੋ ਸਕਦਾ ਹੈ।
ਕਮਿਊਨੀਕੇਸ਼ਨਜ਼ ਸਿਕਿਓਰਟੀ ਇਸਟੈਬਲਿਸ਼ਮੈਂਟ ਦੇ ਮੁਤਾਬਿਕ ਨਾਟੋ ਨਾਲ ਜੁੜੇ ਜਿਹੜੇ ਦੀ ਦੇਸ਼ ਵਿੱਚ ਜ਼ੇਲੇਨਸਕੀ ਦੀ ਮੇਜ਼ਬਾਨੀ ਕੀਤੀ ਹੈ ਉੱਥੇ ਸਾਈਬਰ ਹਮਲਾ ਹੋਣ ਦਾ ਖ਼ਤਰਾ ਮਹਿਸੂਸ ਕੀਤਾ ਗਿਆ ਹੈ।
ਕਮਿਊਨੀਕੇਸ਼ਨਜ਼ ਸਿਕਿਓਰਟੀ ਨੇ ਸਰਕਾਰੀ ਅਤੇ ਕ੍ਰਿਟਿਕਲ ਇਨਫ਼ਰਾਸਟਰਕਚਰ ਸਬੰਧੀ ਵੈਬਸਾਈਟਾਂ ਨੂੰ ਚੌਕਸ ਰਹਿਣ ਦੀ ਹਿਦਾਇਤ ਦਿੱਤੀ ਹੈ।
ਏਜੰਸੀ ਨੇ ਕਿਹਾ ਕਿ ਯੂਕਰੇਨ ਦਾ ਸਮਰਥਨ ਕਰਨ ਵਾਲੇ ਨਾਟੋ ਦੇਸ਼ਾਂ ਜਾਂ ਯੂਕਰੇਨ ਦੇ ਸਰਕਾਰੀ ਅਧਿਕਾਰੀਆਂ ਦੀਆਂ ਮੁਲਾਕਾਤਾਂ ਦੀ ਮੇਜ਼ਬਾਨੀ ਕਰਨ ਵਾਲੇ ਨਾਟੋ ਦੇਸ਼ਾਂ ਦੇ ਵਿਰੁੱਧ ਸਾਈਬਰ ਹਮਲੇ ਕੋਈ ਅਸਧਾਰਨ ਗੱਲ ਨਹੀਂ ਹੈ।
ਸੀਐੱਸਈ ਅਤੇ ਸਾਈਬਰ ਸੈਂਟਰ ਦਾ ਕਹਿਣਾ ਹੈ ਕਿ ਉਹ ਹੋਰ ਸਰਕਾਰੀ ਏਜੰਸੀਆਂ ਦੇ ਨਾਲ ਮਿਲ ਕੇ ਕੰਮ ਕਰ ਰਹੇ ਹਨ ਤਾਂ ਜੋ ਖ਼ਤਰਾ ਹੋਣ 'ਤੇ ਉਨ੍ਹਾਂ ਨੂੰ ਬੇਅਸਰ ਕੀਤਾ ਜਾ ਸਕੇ।
ਦੱਸ ਦਈਏ ਕਿ ਫ਼ਰਵਰੀ 2022 ਵਿੱਚ ਰੂਸ ਵੱਲੋਂ ਯੂਕਰੇਨ ‘ਤੇ ਕੀਤੇ ਹਮਲੇ ਤੋਂ ਬਾਅਦ ਜ਼ੇਲੇਨਸਕੀ ਦਾ ਇਹ ਪਹਿਲਾ ਅਧਿਕਾਰਤ ਕੈਨੇਡੀਅਨ ਦੌਰਾ ਹੈ।
