16.61C Vancouver 16.61C VancouverMar 12, 2021 1:57 AM -
ਬ੍ਰਿਟਿਸ਼ ਕੋਲੰਬੀਆ ਰੀਅਲ ਐਸਟੇਟ ਐਸੋਸੀਏਸ਼ਨ ਨੇ ਬੀਤੇ ਮਹੀਨੇ ਹੋਈ ਘਰਾਂ ਦੀ ਵਿਕਰੀ ਨੂੰ "ਬਲਿਸਟ੍ਰਿੰਗ" ਯਾਨੀ ਕਿ "ਜ਼ਬਰਦਸਤ" ਦੱਸਿਆ ਹੈ।
ਐਸੋਸੀਏਅਸ਼ਨ ਦਾ ਕਹਿਣਾ ਹੈ ਕਿ ਫਰਵਰੀ ਦੇ ਮਹੀਨੇ 'ਚ ਕਰੀਬ 11,000 ਘਰਾਂ ਦੀ ਵਿਕਰੀ ਦਰਜ ਕੀਤੀ ਗਈ ਹੈ।
ਇਸ ਨੂੰ ਸਾਲ 2020 ਦੇ ਫਰਵਰੀ ਮਹੀਨੇ ਦੇ ਮੁਕਾਬਲੇ 89% ਦਾ ਵਾਧਾ ਦੱਸਿਆ ਗਿਆ ਹੈ।
ਸਾਲ 2016 'ਚ ਸਥਾਪਿਤ ਹੋਏ ਫਰਵਰੀ ਮਹੀਨੇ ਦੀਆਂ ਵਿਕਰੀਆਂ ਦੇ ਰਿਕਾਰਡ ਤੋਂ ਇਸ ਮੌਕੇ 1,000 ਵਧੇਰੇ ਘਰਾਂ ਦੀ ਵਿਕਰੀ ਹੋਈ ਦੱਸੀ ਗਈ ਹੈ।
ਐਸੋਸੀਏਅਸ਼ਨ ਦੇ ਚੀਫ਼ ਈਕਾਨਮਿਸਟ ਬ੍ਰੈਂਡਨ ਓਗਮੰਡਸਨ ਨੇ ਕਿਹਾ ਹੈ ਕਿ ਬੀ.ਸੀ. ਦੇ ਸਾਰੇ ਇਲਾਕਿਆਂ 'ਚ ਬਾਜ਼ਾਰ ਤੇਜ਼ ਸਨ।
ਉਨ੍ਹਾਂ ਕਿਹਾ ਕਿ ਵਿਕਣ ਲਈ ਲਗਾਏ ਜਾ ਰਹੇ ਘਰਾਂ ਦੀ ਗਿਣਤੀ 'ਚ ਵੀ ਤੇਜ਼ੀ ਆ ਰਹੀ ਹੈ।
ਬੀ.ਸੀ. 'ਚ ਘਰਾਂ ਦੀ ਔਸਤਨ ਕੀਮਤ $890,000 'ਤੇ ਦਰਜ ਕੀਤੀ ਗਈ।
ਘਰਾਂ ਦੀਆਂ ਔਸਤਨ ਕੀਮਤਾਂ 'ਚ ਵੀ ਵਾਧਾ ਹੋਇਆ ਹੈ ਅਤੇ ਬੀ.ਸੀ. ਦੇ ਬਹੁਤੇ ਇਲਾਕਿਆਂ 'ਚ ਵਾਧਾ ਦਹਾਈ ਦੇ ਅੰਕੜੇ ਨੂੰ ਪਾਰ ਕਰ ਗਿਆ।
ਹਾਲਾਂਕਿ ਸਾਊਥ ਪੀਸ ਰਿਵਰ ਇਲਾਕੇ 'ਚ ਇਹ ਵਾਧਾ 7% 'ਤੇ ਦਰਜ ਕੀਤਾ ਗਿਆ।
ਬੀਤੇ ਮਹੀਨੇ ਦੌਰਾਨ ਪੋਵੈਲ ਰਿਵਰ ਇਲਾਕੇ 'ਚ ਇਹ ਅੰਕੜਾ 27% 'ਤੇ ਦਰਜ ਕੀਤਾ ਗਿਆ ਜਦਕਿ ਚਿਲਿਵੈਕ 'ਚ ਔਸਤਨ ਘਰਾਂ ਦੀ ਕੀਮਤ 24% ਵਧੇਰੇ ਮਹਿੰਗੀ ਵੇਖਣ ਨੂੰ ਮਿਲੀ।
