ਪ੍ਰਧਾਨ ਮੰਤਰੀ ਕਾਰਨੀ ਅਬੂ ਧਾਬੀ ਅਤੇ ਜੋਹਾਨਸਬਰਗ ਦਾ ਕਰਨਗੇ ਦੌਰਾ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ 18 ਤੋਂ 24 ਨਵੰਬਰ ਤੱਕ ਅਬੂ ਧਾਬੀ ਅਤੇ ਜੋਹਾਨਸਬਰਗ ਦਾ ਦੌਰਾ ਕਰਨਗੇ, ਜਿਸ ਦਾ ਉਦੇਸ਼ ਕੈਨੇਡਾ ਦੇ ਵਪਾਰ ਅਤੇ ਨਿਵੇਸ਼ ਭਾਈਵਾਲੀ ਨੂੰ ਮਜ਼ਬੂਤ ਕਰਨਾ ਹੈ। ਯੂ. ਏ. ਈ. ਲਈ ਉਨ੍ਹਾਂ ਦਾ ਦੌਰਾ ਇੱਕ bilateral visit ਹੈ, ਜਦੋਂ ਕਿ ਜੋਹਾਨਸਬਰਗ ਵਿਚ ਪ੍ਰਧਾਨ ਮੰਤਰੀ ਸਾਊਥ ਅਫਰੀਕਾ ਵਲੋਂ ਆਯੋਜਿਤ ਕੀਤੇ ਜਾ ਰਹੇ ਜੀ-20 ਸਿਖਰ ਸੰਮੇਲਨ ਵਿਚ ਹਿੱਸਾ ਲੈਣਗੇ।

ਕਾਰਨੀ ਨੇ ਕਿਹਾ ਕਿ ਅਬੂ ਧਾਬੀ ਵਿਚ ਉਹ ਯੂ.ਏ.ਈ. ਦੇ ਰਾਸ਼ਟਰਪਤੀ ਸ਼ੇਖ ਮੁਹੰਮਦ ਬਿਨ ਜ਼ਾਇਦ ਅਲ ਨਹਿਯਾਨ ਨਾਲ ਮੁਲਾਕਾਤ ਕਰਨਗੇ, ਤਾਂ ਜੋ ਊਰਜਾ, ਖੇਤੀਬਾੜੀ, ਇਨਫਰਾਸਟਕਚਰ ਅਤੇ ਏ.ਆਈ. ਵਰਗੇ ਖੇਤਰਾਂ ਵਿਚ ਸਾਂਝੇਦਾਰੀ ਵਧਾਈ ਜਾ ਸਕੇ। ਉਹ ਨਿਵੇਸ਼ਕਾਂ ਅਤੇ ਕਾਰੋਬਾਰੀ ਲੀਡਰਸ ਨੂੰ ਵੀ ਮਿਲਣਗੇ ਤਾਂ ਜੋ ਕੈਨੇਡੀਅਨ ਨਿਰਯਾਤਾਂ ਲਈ ਪਹੁੰਚ ਵੱਧ ਸਕੇ ਅਤੇ ਕੈਨੇਡਾ ਵਿਚ ਪ੍ਰਾਈਵੇਟ ਇਨਵੈਸਟਮੈਂਟ ਨੂੰ ਸੱਦਾ ਦਿੱਤਾ ਜਾ ਸਕੇ।

ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਾਊਥ ਅਫਰੀਕਾ ਕੈਨੇਡਾ ਦਾ ਮਜ਼ਬੂਤ ਭਾਈਵਾਲ ਹੈ, ਜੋ ਇਸ ਸਾਲ ਪਹਿਲੀ ਵਾਰ ਜੀ-20 ਲੀਡਰਸ ਸਮਿਟ ਦੀ ਮੇਜ਼ਬਾਨੀ ਕਰਨ ਜਾ ਰਿਹਾ ਹੈ ਅਤੇ ਇਹ ਅਫਰੀਕੀ ਮਹਾਂਦੀਪ ’ਤੇ ਪਹਿਲਾ ਐਸਾ ਸੰਮੇਲਨ ਹੋਵੇਗਾ। ਕਾਰਨੀ ਇੱਥੇ ਊਰਜਾ, ਵਪਾਰ ਅਤੇ ਰੱਖਿਆ ਸਾਂਝੇਦਾਰੀਆਂ ਨੂੰ ਵਧਾਉਣ ਲਈ ਵਿਸ਼ਵ ਨੇਤਾਵਾਂ ਨਾਲ ਮੁਲਾਕਾਤ ਕਰਨਗੇ।