ਪੀ ਐੱਮ ਜਸਟਿਨ ਟਰੂਡੋ ਜਮੇਏਕਾ ਜਾਣਗੇ ਪਰਿਵਾਰ ਨਾਲ ਛੁੱਟੀਆਂ ਮਨਾਉਣ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਸੋਫੀ ਗ੍ਰੇਗੋਇਰ ਵੱਖ ਹੋਣ ਤੋਂ ਬਾਅਦ ਇੱਕ ਵਾਰ ਫਿਰ ਇਕੱਠੇ ਪਰਿਵਾਰਕ ਛੁੱਟੀ 'ਤੇ ਜਾ ਰਹੇ ਹਨ। ਪ੍ਰਧਾਨ ਮੰਤਰੀ ਦਫ਼ਤਰ ਦਾ ਕਹਿਣਾ ਹੈ ਕਿ ਟਰੂਡੋ ਆਪਣੇ ਨਜ਼ਦੀਕੀ ਪਰਿਵਾਰ ਨਾਲ 26 ਦਸੰਬਰ ਤੋਂ 4 ਜਨਵਰੀ ਤੱਕ ਜਮੇਏਕਾ ਵਿੱਚ ਹੋਣਗੇ।

ਟਰੂਡੋ ਅਕਸਰ ਛੁੱਟੀਆਂ ਮਨਾਉਣ ਜਮੇਏਕਾ ਜਾਂਦੇ ਹਨ। ਪਿਛਲੇ ਸਾਲ ਕ੍ਰਿਸਮਿਸ 'ਤੇ ਵੀ ਉਹ ਉੱਥੇ ਗਏ ਸਨ। ਪ੍ਰਧਾਨ ਮੰਤਰੀ ਦਫ਼ਤਰ ਨੇ ਜਾਣਕਾਰੀ ਦਿੱਤੀ ਕਿ ਇਸ ਟੂਰ ਦੀ ਕੌਸਟ ਪਰਿਵਾਰ ਵੱਲੋਂ ਕਵਰ ਕੀਤੀ ਜਾਵੇਗੀ ਅਤੇ ਸਰਕਾਰੀ ਜਹਾਜ਼ 'ਤੇ ਯਾਤਰਾ ਖਰਚੇ ਦੀ ਭਰਪਾਈ ਵੀ ਪਰਿਵਾਰ ਕਰੇਗਾ।

ਗੌਰਤਲਬ ਹੈ ਕਿ ਪੀ ਐੱਮ ਜਸਟਿਨ ਟਰੂਡੋ ਤੇ ਸੋਫੀ ਗ੍ਰੇਗੋਇਰ ਨੇ ਇਸੇ ਸਾਲ ਵੱਖ ਹੋਣ ਦੀ ਘੋਸ਼ਣਾ ਕੀਤੀ ਸੀ ਅਤੇ ਕਿਹਾ ਸੀ ਕਿ ਬੱਚਿਆਂ ਦੀ ਖਾਤਰ ਉਹ ਕਈ ਮੌਕਿਆਂ 'ਤੇ ਕੈਨੇਡੀਅਨਜ਼ ਨੂੰ ਇਕੱਠੇ ਨਜ਼ਰ ਆਉਣਗੇ। ਦੱਸ ਦੇਈਏ ਕਿ ਵੱਖ ਹੋਣ ਤੋਂ ਬਾਅਦ ਪਹਿਲੀ ਵਾਰ ਉਹ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਇੱਕ ਹਫਤੇ ਲਈ ਛੁੱਟੀਆਂ ਮਨਾਉਣ ਲਈ ਗਏ ਸਨ।

ਟਰੂਡੋ ਕੈਨੇਡਾ ਦੇ ਦੂਜੇ ਪ੍ਰਧਾਨ ਮੰਤਰੀ ਹਨ ਜੋ ਅਹੁਦੇ 'ਤੇ ਰਹਿੰਦੇ ਹੋਏ ਆਪਣੀ ਸਾਥੀ ਤੋਂ ਵੱਖ ਹੋਏ। ਇਸ ਤੋਂ ਪਹਿਲਾਂ ਉਨ੍ਹਾਂ ਦੇ ਪਿਤਾ ਇਲੀਅਟ ਟਰੂਡੋ ਨੇ ਪੀ. ਐੱਮ. ਰਹਿੰਦੇ ਹੋਏ 1977 ਵਿੱਚ ਆਪਣੀ ਪਤਨੀ ਮਾਰਗਰੇਟ ਟਰੂਡੋ ਤੋਂ ਵੱਖ ਹੋਣ ਦੀ ਘੋਸ਼ਣਾ ਕੀਤੀ ਸੀ।