21.41C Vancouver 21.41C VancouverJul 30, 2020 3:26 PM -
ਸਟੂਡੈਂਟ ਵੋਲੰਟੀਅਰ ਪ੍ਰੋਗਰਾਮ ਨੂੰ 'ਵੀ ਚੈਰਿਟੀ' ਨੂੰ ਦਿੱਤੇ ਜਾਣ ਦੇ ਸੰਬੰਧ ਵਿਚ ਅੱਜ ਦੇਸ਼ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਹਊਸ ਔਫ਼ ਕੌਮਨਜ਼ ਦੀ ਫਾਇਨੈਂਸ ਕਮੇਟੀ ਅੱਗੇ ਆਪਣੀ ਗਵਾਹੀ ਪੇਸ਼ ਕੀਤੀ ਅਤੇ ਕਮੇਟੀ ਮੈਂਬਰਾਂ ਦੇ ਸਵਾਲਾਂ ਦੇ ਜਵਾਬ ਵੀ ਦਿੱਤੇ।
ਪ੍ਰਧਾਨ ਮੰਤਰੀ ਕਿਹਾ ਕਿ ਸਟੂਡੈਂਟ ਪ੍ਰੋਗਰਾਮ ਦੇ 'ਵੀ ਚੈਰਿਟੀ' ਵੱਲੋਂ ਸੰਚਾਲਨ ਬਾਰੇ ਉਨ੍ਹਾਂ ਨੂੰ 8 ਮਈ ਨੂੰ ਪਤਾ ਲੱਗਾ ਸੀ।
ਉਨ੍ਹਾਂ ਨੇ ਵੀ ਕਿਹਾ ਕਿ ਪ੍ਰੋਗਰਾਮ ਰਾਹੀਂ ਉਨ੍ਹਾਂ ਦਾ ਮੰਤਵ ਸਿਰਫ਼ ਨੌਜਵਾਨਾਂ ਦੀ ਸਹਾਇਤਾ ਕਰਨਾ ਸੀ।
ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵੱਲੋਂ ਜਾਂ ਉਨ੍ਹਾਂ ਦਾ ਸਟਾਫ਼ ਵੱਲੋਂ 'ਵੀ ਚੈਰਿਟੀ' ਨੂੰ ਕੋਈ 'ਫ਼ੇਵਰੇਬਲ ਟ੍ਰੀਮਟੈਂਟ' ਨਹੀਂ ਦਿੱਤਾ ਗਿਆ।
ਉਨ੍ਹਾਂ ਮੁਤਾਬਕ ਪਬਲਿਕ ਸਰਵਿਸ ਵੱਲੋਂ 'ਵੀ ਚੈਰਿਟੀ' ਨੂੰ ਚੁਣੇ ਜਾਣ ਦੇ ਫੈਸਲੇ ਵਿਚ ਵੀ ਉਨ੍ਹਾਂ ਨੇ ਦਖ਼ਲ ਨਹੀਂ ਦਿੱਤਾ ਹੈ।
ਪੀ.ਐਮ. ਮੁਤਾਬਕ ਉਨ੍ਹਾਂ ਨੂੰ ਆਪਣੀ ਪਤਨੀ ਦੇ 'ਵੀ ਚੈਰਿਟੀ' ਸੰਸਥਾ ਨਾਲ ਵੋਲੰਟੀਅਰ ਕਰਨ ਬਾਬਤ ਜਾਣਕਾਰੀ ਸੀ, ਪਰ ਸੰਸਥਾ ਉਨ੍ਹਾਂ ਦੇ ਇਵੈਂਟਸ 'ਤੇ ਆਉਣ-ਜਾਣ ਦੇ ਖਰਚੇ ਦਾ ਭੁਗਤਾਨ ਕਰਦੀ ਸੀ।
ਪੀ.ਐਮ. ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਦੀ ਪਤਨੀ ਦੇ ਸੰਸਥਾ ਨਾਲ ਵੋਲੰਟੀਅਰ ਕਰਨ ਬਾਬਤ ਐਥਿੱਕਸ ਕਮੀਸ਼ਨਰ ਤੋਂ ਮਨਜ਼ੂਰੀ ਲਈ ਗਈ ਸੀ।
ਜਸਟਿਨ ਟਰੂਡੋ ਦੀ ਚੀਫ਼ ਔਫ਼ ਸਟਾਫ਼ ਕੇਟੀ ਟੈਲਫ਼ੋਰਡ ਨੇ ਵੀ ਅੱਜ ਹਾਊਸ ਔਫ਼ ਕੌਮਨਜ਼ ਦੀ ਫ਼ਾਇਨੈਂਸ ਕਮੇਟੀ ਸਾਹਮਣੇ ਮਾਮਲੇ ਬਾਰੇ ਆਪਣੇ ਬਿਆਨ ਪੇਸ਼ ਕੀਤੇ ਹਨ।
