9.98C Vancouver 9.98C VancouverJul 30, 2025 1:59 PM - The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅੱਜ ਆਪਣੇ ਮੰਤਰੀ ਮੰਡਲ ਨਾਲ ਔਨਲਾਈਨ ਮੀਟਿੰਗ ਕਰ ਰਹੇ ਹਨ, ਇਸ ਬੈਠਕ ਵਿਚ ਅਮਰੀਕਾ ਨਾਲ ਚੱਲ ਰਹੀ ਵਪਾਰ ਵਾਰਤਾ ਦੀ ਸਥਿਤੀ ਅਤੇ ਮਿਡਲ ਈਸਟ ਦੇ ਹਾਲਤ 'ਤੇ ਚਰਚਾ ਕੀਤੀ ਜਾਵੇਗੀ। ਮੀਟਿੰਗ ਇਹ ਮੀਟਿੰਗ ਦੁਪਹਿਰ 2 ਵਜੇ ਈਟੀ ਲਈ ਤਹਿ ਕੀਤੀ ਗਈ ਹੈ।
ਉਥੇ ਹੀ, ਕੈਨੇਡਾ-ਅਮਰੀਕਾ ਵਪਾਰ ਲਈ ਜ਼ਿੰਮੇਵਾਰ ਮਿਸਟਰ ਡੋਮਿਨਿਕ ਲੇਬਲੈਂਕ ਵਾਸ਼ਿੰਗਟਨ ਵਿਚ ਅਮਰੀਕੀ ਅਧਿਕਾਰੀਆਂ ਨਾਲ ਮੁਲਾਕਾਤ ਕਰ ਰਹੇ ਹਨ। ਟਰੰਪ ਨੇ ਪਿਛਲੇ ਹਫ਼ਤੇ ਕਿਹਾ ਸੀ ਕਿ ਉਹਨਾਂ ਦੀ ਕੈਨੇਡਾ ਨਾਲ 1 ਅਗਸਤ ਤੱਕ ਵਪਾਰ ਡੀਲ ਕਰਨਾ ਕੋਈ ਤਰਜੀਹ ਨਹੀਂ ਹੈ।
ਸੂਤਰਾਂ ਮੁਤਾਬਕ, ਕੈਨੇਡਾ ਸਰਕਾਰ ਇਸ ਗੱਲ 'ਤੇ ਵਿਚਾਰ ਕਰ ਰਹੀ ਹੈ ਕਿ ਕੀ ਫਲਸਤੀਨ ਨੂੰ ਸਟੇਟ ਦੇ ਰੂਪ ਵਿਚ ਮਾਨਤਾ ਦਿੱਤੀ ਜਾਵੇ ਜਾਂ ਇਸ ਨਾਲ ਸ਼ਰਤਾਂ ਜੋੜੀਆਂ ਜਾਣ, ਜਿਵੇਂ ਕਿ ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਨੇ ਇਜ਼ਰਾਇਲ ਨੂੰ ਕਿਹਾ ਹੈ ਕਿ ਜੇ ਉਹ ਗਾਜ਼ਾ ਵਿਚ ਸੀਜ਼ਫਾਇਰ ਨਹੀਂ ਕਰਦਾ ਤਾਂ ਯੂ. ਕੇ. ਸਤੰਬਰ ਵਿਚ ਫਲਸਤੀਨ ਨੂੰ ਮੁਲਕ ਦਾ ਦਰਜਾ ਦੇ ਦੇਵੇਗਾ।
ਪੀ. ਐੱਮ. ਕਾਰਨੀ ਵਲੋਂ ਇਸ 'ਤੇ ਕਿਸੇ ਵੀ ਫੈਸਲੇ ਬਾਰੇ ਅੱਜ ਮੰਤਰੀ ਮੰਡਲ ਤੋਂ ਸਲਾਹ-ਮਸ਼ਰਵਾ ਲਏ ਜਾਣ ਦੀ ਸੰਭਾਵਨਾ ਹੈ।
