13.79C Vancouver 13.79C VancouverFeb 18, 2026 2:02 PM - Connect Newsroom - Ramandeep Kaur with files from The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅੱਜ ਬ੍ਰਿਟਿਸ਼ ਕੋਲੰਬੀਆ ਪਹੁੰਚ ਰਹੇ ਹਨ। ਪ੍ਰਧਾਨ ਮੰਤਰੀ ਦੇ ਪ੍ਰੋਗਰਾਮ ਅਨੁਸਾਰ, ਉਹ ਰਿਚਮੰਡ ਵਿਚ ਸਥਾਨਕ ਭਾਈਚਾਰੇ ਨਾਲ ਲੂਨਰ ਨਿਊ ਯੀਅਰ ਦੇ ਜਸ਼ਨਾਂ ਵਿਚ ਸ਼ਾਮਲ ਹੋਣਗੇ। ਇਸ ਤੋਂ ਇਲਾਵਾ ਉਹ ਵੈਨਕੂਵਰ ਵਿਚ ਇੱਕ ਨਿੱਜੀ ਰਿਹਾਇਸ਼ 'ਤੇ ਆਯੋਜਿਤ ਲਿਬਰਲ ਪਾਰਟੀ ਦੇ ਫੰਡਰੇਜ਼ਰ ਪ੍ਰੋਗਰਾਮ ਵਿਚ ਹਿੱਸਾ ਲੈਣਗੇ, ਇਸ ਵੀ.ਆਈ.ਪੀ.ਪ੍ਰੋਗਰਾਮ ਦੀ ਟਿਕਟ $1,775 ਰੱਖੀ ਗਈ ਹੈ।
ਇਸ ਦੌਰੇ ਦੌਰਾਨ ਪੀ. ਐੱਮ. ਕਾਰਨੀ ਇੱਕ ਕਿਫਾਇਤੀ ਰਿਹਾਇਸ਼ ਪ੍ਰੋਜੈਕਟ ਦਾ ਜਾਇਜ਼ਾ ਵੀ ਲੈਣਗੇ।। ਪ੍ਰਧਾਨ ਮੰਤਰੀ ਦਫ਼ਤਰ ਨੇ ਸਪੱਸ਼ਟ ਕੀਤਾ ਹੈ ਕਿ ਇਸ ਦੌਰੇ ਦੌਰਾਨ ਮਾਰਕ ਕਾਰਨੀ ਵੱਲੋਂ ਕਿਸੇ ਵੀ ਨਵੇਂ ਸਰਕਾਰੀ ਐਲਾਨ ਜਾਂ ਫੰਡਿੰਗ ਦੀ ਉਮੀਦ ਨਹੀਂ ਹੈ। ਇਹ ਦੌਰਾ ਮੁੱਖ ਤੌਰ 'ਤੇ ਪਾਰਟੀ ਗਤੀਵਿਧੀਆਂ ਅਤੇ ਭਾਈਚਾਰਕ ਮਿਲਣੀ 'ਤੇ ਕੇਂਦਰਿਤ ਰਹੇਗਾ।
ਪਿਛਲੇ ਹਫ਼ਤੇ ਕਾਰਨੀ ਨੇ ਹੋਰਨਾਂ ਸਿਆਸੀ ਆਗੂਆਂ ਨਾਲ ਟੰਬਲਰ ਰਿਜ ਵਿਚ ਹੋਈ ਸਮੂਹਿਕ ਗੋਲੀਬਾਰੀ ਦੀ ਤ੍ਰਾਸਦੀ ਤੋਂ ਪ੍ਰਭਾਵਿਤ ਪਰਿਵਾਰਾਂ ਨਾਲ ਮੁਲਾਕਾਤ ਕੀਤੀ ਸੀ ਅਤੇ ਭਾਈਚਾਰੇ ਨਾਲ ਹਮਦਰਦੀ ਪ੍ਰਗਟਾਈ ਸੀ।
