ਬਰੂਨੇਈ ਅਤੇ ਸਿੰਗਾਪੁਰ ਦੇ ਤਿੰਨ ਦਿਨਾਂ ਦੌਰੇ 'ਤੇ ਰਵਾਨਾ ਹੋਏ ਪ੍ਰਧਾਨ ਮੰਤਰੀ ਮੋਦੀ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਮੰਗਲਵਾਰ ਨੂੰ ਬਰੂਨੇਈ ਅਤੇ ਸਿੰਗਾਪੁਰ ਦੇ ਤਿੰਨ ਦਿਨਾਂ ਦੌਰੇ 'ਤੇ ਰਵਾਨਾ ਹੋਏ ਹਨ। ਬਰੂਨੇਈ ਤੋਂ ਬਾਅਦ ਉਹ ਸਿੰਗਾਪੁਰ ਜਾਣਗੇ। ਇਹ ਦੌਰਾ 4-5 ਸਤੰਬਰ ਵਿਚਕਾਰ ਹੋਵੇਗਾ। ਪੀਐੱਮ ਮੋਦੀ ਨੇ ਇੱਕ ਟਵੀਟ ਵਿਚ ਕਿਹਾ ਕਿ ਇਸ ਦੌਰੇ ਦਾ ਮਕਸਦ ਭਾਰਤ ਦੇ ਰਿਸ਼ਤੇ ਨੂੰ ਮਜਬੂਤ ਕਰਨਾ ਹੋਵੇਗਾ।

ਬਰੂਨੇਈ ਵਿਚ ਉਹ ਸੁਲਤਾਨ ਹਾਜੀ ਬੋਲਕੀਆ ਨਾਲ ਮੁਲਾਕਾਤ ਕਰਨਗੇ, ਜਿਨ੍ਹਾਂ ਨੇ ਪੀਐੱਮ ਮੋਦੀ ਨੂੰ ਸੱਦਾ ਦਿੱਤਾ ਸੀ। ਉਥੇ ਹੀ, ਸਿੰਗਾਪੁਰ ਵਿਚ ਰਾਸ਼ਟਰਪਤੀ ਥਰਮਨ ਸ਼ਨਮੁਗਰਤਨਮ ਅਤੇ ਹੋਰ ਸੀਨੀਅਰ ਮਿਨਿਸਟਰਸ ਨਾਲ ਮੁਲਾਕਾਤ ਕਰਨਗੇ। ਪੀਐੱਮ ਮੋਦੀ ਦੀ ਬਰੂਨੇਈ ਯਾਤਰਾ ਰੱਖਿਆ ਸਾਂਝੇਦਾਰੀ ਲਈ ਮਹੱਤਵਪੂਰਨ ਹੈ।

ਦੋਵੇਂ ਦੇਸ਼ ਇਸ ਖੇਤਰ ਵਿੱਚ ਸਹਿਯੋਗ ਲਈ ਇੱਕ ਸਾਂਝਾ ਵਰਕਿੰਗ ਗਰੁੱਪ ਬਣਾਉਣਾ ਚਾਹੁੰਦੇ ਹਨ। ਭਾਰਤ ਅਤੇ ਬਰੂਨੇਈ ਵਿਚਕਾਰ ਊਰਜਾ ਖੇਤਰ ਅਤੇ ਪੁਲਾੜ ਖੇਤਰ ਵਿੱਚ ਵੀ ਸਹਿਯੋਗ ਵਧਣ ਦੀ ਉਮੀਦ ਹੈ।

ਦੋਵੇਂ ਮੁਲਕਾਂ ਦੇ ਕੂਟਨੀਤਕ ਸਬੰਧ 1984 ਵਿਚ ਸਥਾਪਤ ਹੋਏ ਸਨ ਅਤੇ ਇਸ ਸਾਲ ਇਸ ਰਿਸ਼ਤੇ ਨੂੰ 40 ਸਾਲ ਪੂਰੇ ਹੋਏ ਹਨ। ਵਰਤਮਾਨ ਵਿਚ ਕਰੀਬ 14 ਹਜ਼ਾਰ ਭਾਰਤੀ ਬਰੂਨੇਈ ਵਿਚ ਰਹਿੰਦੇ ਹਨ।