14.96C Vancouver 14.96C VancouverJun 7, 2024 5:04 PM - Connect Newsroom
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 9 ਜੂਨ ਨੂੰ ਸ਼ਾਮ 6 ਵਜੇ ਰਾਸ਼ਟਰਪਤੀ ਭਵਨ ਵਿਚ ਸਹੁੰ ਚੁੱਕਣਗੇ। ਖਬਰ ਹੈ ਕਿ ਉਨ੍ਹਾਂ ਨਾਲ ਪੂਰਾ ਮੰਤਰੀ ਮੰਡਲ ਸਹੁੰ ਚੁੱਕ ਸਕਦਾ ਹੈ। ਦਿੱਲੀ ਵਿਚ ਅੱਜ ਹੋਈ ਐੱਨਡੀਏ ਦੀ ਬੈਠਕ ਵਿਚ ਪੀਐੱਮ ਮੋਦੀ ਨੂੰ ਸੰਸਦੀ ਦਲ ਦਾ ਨੇਤਾ ਚੁਣਿਆ ਗਿਆ। ਇਹ ਬੈਠਕ ਦੋ ਘੰਟੇ ਚੱਲੀ, ਜਿਸ ਵਿਚ ਗਠਜੋੜ ਦੇ 13 ਨੇਤਾਵਾਂ ਨੇ ਭਾਸ਼ਣ ਦਿੱਤੇ ਪਰ ਸਭ ਤੋਂ ਵਧ ਚਰਚਾ ਨਿਤਿਸ਼ ਕੁਮਾਰ ਦੇ ਭਾਸ਼ਣ ਦੀ ਹੋ ਰਹੀ ਹੈ।
ਉਥੇ ਹੀ ਚਿਰਾਗ ਪਾਸਵਾਨ ਜਦੋਂ ਭਾਸ਼ਣ ਦੇ ਕੇ ਮੋਦੀ ਕੋਲ ਪਹੁੰਚੇ ਤਾਂ ਪ੍ਰਧਾਨ ਮੰਤਰੀ ਨੇ ਉਨ੍ਹਾਂ ਨੂੰ ਗਲੇ ਨਾਲ ਲਗਾ ਲਿਆ। ਨਿਤਿਸ਼ ਕੁਮਾਰ ਨੇ ਕਿਹਾ ਕਿ ਉਨ੍ਹਾਂ ਦੀ ਪਾਰਟੀ ਪੂਰੇ ਕਾਰਜਕਾਲ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਰਹੇਗੀ।
ਭਾਸ਼ਣ ਤੋਂ ਬਾਅਦ ਨਿਤਿਸ਼ ਨੇ ਪੀਐੱਮ ਮੋਦੀ ਦੇ ਸਨਮਾਨ ਵਿਚ ਉਨ੍ਹਾਂ ਦੇ ਪੈਰ ਛੂਹਣ ਪਹੁੰਚੇ ਗਏ, ਹਾਲਾਂਕਿ, ਮੋਦੀ ਨੇ ਉਨ੍ਹਾਂ ਦੇ ਹੱਥ ਫੜ੍ਹ ਕੇ ਸਨਮਾਨ ਸਵੀਕਾਰ ਕੀਤਾ। ਇਸ ਦੌਰਾਨ ਨਿਤਿਸ਼ ਨੇ ਕਾਂਗਰਸ ਦੀ ਅਗਵਾਈ ਵਾਲੇ ਗਠਜੋੜ ਉੱਤੇ ਨਿਸ਼ਾਨਾ ਸਾਧਿਆ, ਉਨ੍ਹਾਂ ਪੀਐੱਮ ਮੋਦੀ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਜੋ ਵਿਰੋਧੀ ਇਸ ਵਾਰ ਕੁਝ ਕੁ ਸੀਟਾਂ ਝੂਠ ਬੋਲ ਕੇ ਜਿੱਤੇ ਹਨ ਉਹ ਸਾਰੇ ਅਗਲੀ ਵਾਰ ਹਾਰਨਗੇ।
ਮੰਨਿਆ ਜਾ ਰਿਹਾ ਹੈ ਕਿ ਐੱਨ.ਡੀ.ਏ. ਵਿਚ ਸ਼ਾਮਲ ਟੀਡੀਪੀ ਨੂੰ 4, ਜੇਡੀਯੂ ਨੂੰ 3, ਐਲਜੇਪੀ ਅਤੇ ਸ਼ਿਵ ਸੈਨਾ ਨੂੰ 2-2 ਮੰਤਰੀ ਅਹੁਦੇ ਮਿਲ ਸਕਦੇ ਹਨ।
