15.02C Vancouver 15.02C VancouverSep 13, 2022 8:25 PM - The Canadian Press
ਸੋਮਵਾਰ ਨੂੰ ਕੈਨੇਡਾ 'ਚ ਛੁੱਟੀ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।
ਇਸ ਸੰਬੰਧੀ ਐਲਾਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕੀਤਾ।
ਟਰੂਡੋ ਨੇ ਕਿਹਾ ਕਿ ਕਵੀਨ ਐਲਿਜ਼ਾਬੈਥ ਦੇ 19 ਸਿਤੰਬਰ ਨੂੰ ਹੋਣ ਵਾਲੇ ਫਿਊਨਰਲ ਮੌਕੇ ਦੇਸ਼ ਭਰ 'ਚ ਛੁੱਟੀ ਹੋਵੇਗੀ।
ਫੈਡਰਲ ਛੁੱਟੀ ਦੇ ਨਾਲ ਹੀ 19 ਸਿਤੰਬਰ ਨੂੰ ਨੈਸ਼ਨਲ ਡੇਅ ਆਫ ਮੋਰਨਿੰਗ ਵੀ ਐਲਾਨਿਆ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਫੈਡਰਲ ਵਰਕਰਾਂ ਨੂੰ ਨੋਟੀਫਾਈ ਕਰ ਦਿੱਤਾ ਜਾਵੇਗਾ ਕਿ ਉਨ੍ਹਾਂ ਨੂੰ ਇਸ ਦਿਨ ਦੀ ਛੁੱਟੀ ਹੋਵੇਗੀ।
ਟਰੂਡੋ ਅੱਜ ਨਿਊ ਬਰੰਸਵਿਕ ਪਹੁੰਚੇ ਹੋਏ ਸਨ ਅਤੇ ਇੰਫਲੇਸ਼ਨ ਸੰਬੰਧੀ ਪਲੈਨ ਬਾਰੇ ਵੇਰਵੇ ਸਾਂਝੇ ਕਰ ਰਹੇ ਸਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਕਿ ਫੈਡਰਲ ਸਰਕਾਰ ਸੂਬਿਆਂ ਅਤੇ ਟੈਰੀਟੋਰੀਸ ਨਾਲ ਵੀ ਮਿਲ ਕੇ ਕੰਮ ਕਰ ਰਹੀ ਹੈ ਅਤੇ ਇਹ ਸੂਬਾ ਪੱਧਰੀ ਸਰਕਾਰਾਂ 'ਤੇ ਨਿਰਭਰ ਕਰੇਗਾ ਕਿ ਉਹ ਵੀ ਛੁੱਟੀ ਐਲਾਨਣਾ ਚਾਹੁੰਦੇ ਹਨ ਜਾਂ ਨਹੀਂ।
ਟਰੂਡੋ ਵੱਲੋਂ ਕੀਤੇ ਗਏ ਛੁੱਟੀ ਦੇ ਐਲਾਨ ਦਾ ਪ੍ਰਭਾਵ ਫੈਡਰਲ ਕਰਮਚਾਰੀਆਂ ਅਤੇ ਫੈਡਰਲ ਪੱਧਰ 'ਤੇ ਰੈਗੂਲੇਟ ਹੋਣ ਵਾਲੀਆਂ ਇੰਡਸਟਰੀਸ 'ਤੇ ਪਵੇਗਾ।
