16.61C Vancouver 16.61C VancouverMar 11, 2021 1:33 AM -
ਪ੍ਰਿੰਸ ਜੌਰਜ ਦੇ ਕਾਊਂਸਲਰਾਂ ਦਾ ਕਹਿਣਾ ਹੈ ਕਿ ਉਹ ਸੀ.ਐਨ. ਰੇਲ ਦੇ ਨਾਲ ਗੱਲ ਕਰਨੀ ਚਾਹੁੰਦੇ ਹਨ।
ਕਾਊਂਸਲਰਾਂ ਦਾ ਕਹਿਣਾ ਹੈ ਕਿ ਸੀ.ਐਨ. ਰੇਲ ਨੇ ਇੱਕ ਕ੍ਰੌਸਿੰਗ ਨੂੰ ਅਪਗ੍ਰੇਡ ਕੀਤਾ ਹੈ ਅਤੇ ਕਾਉਂਸਿਲ ਨੂੰ 118,000 ਡਾਲਰ ਦਾ ਬਿੱਲ ਭੇਜ ਦਿੱਤਾ ਹੈ।
ਕਾਉਂਸਲਰ ਕੋਰੀ ਰਾਮਸੇ ਦਾ ਕਹਿਣਾ ਹੈ ਕਿ ਕ੍ਰੌਸਿੰਗ 'ਤੇ ਫਲੈਸ਼ਿੰਗ ਲਾਈਟਸ, ਘੰਟੀਆਂ, ਗੇਟਸ ਅਤੇ ਹੋਰ ਸੁਰੱਖਿਆ ਉਪਕਰਣਾਂ ਦੀ ਲੋੜ ਨੂੰ ਖਾਰਿਜ ਨਹੀਂ ਕੀਤਾ ਜਾ ਸਕਦਾ।
ਪਰ ਉਨ੍ਹਾਂ ਕਿਹਾ ਕਿ ਰੇਲਵੇ ਦਿੱਗਜ ਵੱਲੋਂ ਕੋਈ ਐਡਵਾਂਸ ਨੋਟਿਸ ਦਿੱਤਾ ਗਿਆ ਹੁੰਦਾ ਕਿ ਇਸ ਪ੍ਰਕਾਰ ਦਾ ਬਿੱਲ ਭੇਜ ਦਿੱਤਾ ਜਾਵੇਗਾ ਤਾਂ ਚੰਗਾ ਹੁੰਦਾ।
ਉਨ੍ਹਾਂ ਕਿਹਾ ਕਿ ਕਾਉਂਸਲ ਕਈ-ਕਈ ਘੰਟੇ ਦਾ ਸਮਾਂ ਲਗਾਉਂਦੀ ਹੈ ਤਾਂ ਜੋ ਆਪਣੇ ਬਜਟ ਨੂੰ ਘਟਾਇਆ ਜਾ ਸਕੇ ਅਤੇ ਇਸ 1,00,000 ਡਾਲਰ ਤੋਂ ਵੱਧ ਦੇ ਬਿੱਲ ਨਾਲ ਉਨ੍ਹਾਂ ਨੂੰ ਝਟਕਾ ਲੱਗਿਆ ਹੈ।
ਕਾਉਂਸਿਲ ਦੀ ਇੰਟਰਗਵਰਨਮੈਂਟਲ ਰਿਲੇਸ਼ਨਜ਼ ਕਮੇਟੀ ਵੱਲੋਂ ਮਾਮਲੇ ਦੀ ਪੜਚੋਲ ਕੀਤੀ ਜਾਵੇਗੀ।
