10.81C Vancouver 10.81C VancouverJul 13, 2020 10:31 PM -
ਬੀ.ਸੀ. ਦੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਕਈ ਮਾਮਲੇ, ਜੋ ਕਿ ਕੈਲੋਨਾ ਦੇ ਨਾਲ ਜੁੜੇ ਹੋਏ ਹਨ, ਉਹ ਕੁਝ ਪ੍ਰਾਈਵੇਟ ਪਾਰਟੀਆਂ ਕਾਰਨ ਵਧੇ ਹੋ ਸਕਦੇ ਹਨ ਜਿੰਨਾ 'ਚ ਮੁੱਖ ਤੌਰ 'ਤੇ 20 ਤੋਂ 30 ਸਾਲ ਦੇ ਦਰਮਿਆਨ ਦੇ ਲੋਕ ਸ਼ਾਮਿਲ ਹੋਏ ਸਨ।
ਸਿਹਤ ਮੰਤਰੀ ਨੇ ਕਿਹਾ ਕਿ ਸੰਕ੍ਰਮਿਤ ਪਾਏ ਗਏ ਲੋਕ ਮੁੱਖ ਤੌਰ 'ਤੇ ਬੀ.ਸੀ. ਦੇ ਤਿੰਨ ਵੱਖੋ-ਵੱਖਰੇ ਇਲਾਕਿਆਂ ਤੋਂ ਸਨ।
ਉਨ੍ਹਾਂ ਕਿਹਾ ਕਿ ਇਸ ਤੋਂ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਨਿਜੀ ਸਮਾਗਮਾਂ ਦੀ ਇਕੱਤਰਤਾ ਵਾਇਰਸ ਸੰਬੰਧੀ ਖਤਰੇ ਨੂੰ ਵਧਾ ਸਕਦੀ ਹੈ।
ਇੰਟੀਰੀਅਰ ਹੈਲਥ ਦਾ ਕਹਿਣਾ ਹੈ ਕਿ ਵਾਇਰਸ ਲਈ ਪਾਜ਼ਿਟਿਵ ਪਾਏ ਗਏ 8 ਲੋਕਾਂ ਨੇ ਕੈਲੋਨਾ ਦੇ ਡਾਊਨਟਾਊਨ ਅਤੇ ਵਾਟਰਫਰੰਟ ਇਲਾਕਿਆਂ 'ਚ ਪਹੁੰਚ ਕੀਤੀ ਸੀ।
ਇਹ ਮਾਮਲੇ 25 ਜੂਨ ਤੋਂ 6 ਜੁਲਾਈ ਵਿਚਾਲੇ ਦੇ ਦੱਸੇ ਗਏ ਹਨ।
ਇਸ ਸੰਬੰਧੀ ਇੱਕ ਐਡਵਾਈਜ਼ਰੀ ਵੀ ਜਾਰੀ ਕੀਤੀ ਜਾ ਚੁੱਕੀ ਹੈ ਅਤੇ ਇੱਕ ਰਿਜ਼ਾਰਟ, ਬੈੱਡ ਅਤੇ ਬ੍ਰੇਕਫਾਸਟ, ਰੈਸਟੂਰੈਂਟ ਅਤੇ ਸਪਿਨ ਸਟੂਡੀਓ 'ਚ ਸੰਕਰਮਣ ਹੋਣ ਦਾ ਖਤਰਾ ਦੱਸਿਆ ਗਿਆ ਹੈ।
ਇਹ ਜਾਣਕਾਰੀਆਂ ਉਸ ਵੇਲੇ ਸਾਹਮਣੇ ਆਈਆਂ ਹਨ, ਜਦ ਸੂਬੇ 'ਚ ਟੂਰਿਜ਼ਮ ਨੂੰ ਖੋਲ੍ਹਿਆ ਜਾ ਰਿਹਾ ਹੈ।
ਸਿਹਤ ਮੰਤਰੀ ਦਾ ਕਹਿਣਾ ਹੈ ਕਿ ਟੂਰਿਜ਼ਮ ਇੰਡਸਟਰੀ 'ਤੇ ਨਿਰਭਰ ਕਰਦਾ ਹੈ ਕਿ ਉਹ ਲੋਕ ਸਿਹਤ ਨਿਰਦੇਸ਼ਾਂ ਦਾ ਪੂਰਾ ਧਿਆਨ ਰੱਖਣ।
ਐਡਰੀਅਨ ਡਿਕਸ ਨੇ ਦੱਸਿਆ ਕਿ ਇੰਟੀਰੀਅਰ ਇਲਾਕਿਆਂ ਲਈ 495 ਹੋਰ ਬੈੱਡ ਉਪਲੱਬਧ ਕਰਵਾਏ ਜਾ ਰਹੇ ਹਨ।
