ਟਰੰਪ ਦੀਆਂ ਟਿੱਪਣੀਆਂ ਨੂੰ ਲੈ ਕੇ ਇੱਕ ਕੈਨੇਡੀਅਨ ਮਾਹਰ ਨੇ ਦਿੱਤਾ ਸਖ਼ਤ ਪ੍ਰਤੀਕਰਮ

ਕੈਨੇਡਾ ਨੂੰ ਅਮਰੀਕਾ ਦਾ 51ਵਾਂ ਸੂਬਾ ਬਣਾਉਣ ਦੀਆਂ ਟਰੰਪ ਦੀਆਂ ਟਿੱਪਣੀਆਂ ਨੂੰ ਲੈ ਕੇ ਇੱਕ ਕੈਨੇਡੀਅਨ ਮਾਹਰ ਨੇ ਸਖ਼ਤ ਪ੍ਰਤੀਕਰਮ ਦਿੱਤਾ ਹੈ। ਯੂਨੀਵਰਸਿਟੀ ਆਫ ਵਿਕਟੋਰੀਆ ਵਿਚ ਅੰਤਰਰਾਸ਼ਟਰੀ ਸੰਬੰਧ ਦੇ ਪ੍ਰੋਫੈਸਰ ਵਿਲ ਗ੍ਰੀਵਜ਼ ਨੇ ਕਿਹਾ ਕਿ ਔਟਵਾ ਨੂੰ ਟਰੰਪ ਦੇ ਚੁਣੇ ਹੋਏ ਰਾਜਦੂਤ ਨੂੰ ਉਦੋਂ ਤੱਕ ਇੱਥੇ ਕੰਮਕਾਜ ਸੰਭਾਲਣ ਤੋਂ ਰੋਕ ਦੇਣਾ ਚਾਹੀਦਾ ਹੈ ਜਦੋਂ ਤੱਕ ਅਮਰੀਕੀ ਰਾਸ਼ਟਰਪਤੀ ਕੈਨੇਡਾ ਦੀ ਪ੍ਰਭੂਸੱਤਾ ’ਤੇ ਹਮਲਾ ਕਰਨਾ ਨਹੀਂ ਛੱਡਦੇ।

ਗ੍ਰੀਵਜ਼ ਨੇ ਕਿਹਾ ਕਿ ਅਸੀਂ ਸੰਭਵ ਤੌਰ ’ਤੇ ਇਸ ਦਾ ਇਸਤੇਮਾਲ ਇਹ ਸੰਕੇਤ ਦੇਣ ਲਈ ਕਰ ਸਕਦੇ ਹਾਂ ਕਿ ਕੈਨੇਡਾ ਸਰਕਾਰ ਇਸ ਮਾਮਲੇ ਨੂੰ ਕਿੰਨੀ ਗੰਭੀਰਤਾ ਨਾਲ ਲੈ ਰਹੀ ਹੈ। ਪ੍ਰੋਫੈਸਰ ਨੇ ਇੱਥੋਂ ਤੱਕ ਕਿਹਾ ਕਿ ਜੇ ਟਰੰਪ ਆਪਣੀ ਸੁਰ ਨਹੀਂ ਬਦਲਦੇ ਤਾਂ ਕੈਨੇਡਾ ਨੂੰ ਜੂਨ ਵਿਚ ਐਲਬਰਟਾ ਵਿਚ ਹੋਣ ਵਾਲੇ ਜੀ 7 ਨੇਤਾਵਾਂ ਦੇ ਸੰਮੇਲਨ ਤੋਂ ਉਨ੍ਹਾਂ ਨੂੰ ਸੱਦਾ ਨਾ ਦੇਣ ਬਾਰੇ ਗੰਭੀਰਤਾ ਨਾਲ ਵਿਚਾਰ ਕਰਨਾ ਚਾਹੀਦਾ ਹੈ।

ਗ੍ਰੀਵਜ਼ ਨੇ ਕਿਹਾ ਕਿ ਕੈਨੇਡਾ ਆਪਣੀ ਧਰਤੀ ’ਤੇ ਇੱਕ ਸਨਮਾਨਿਤ ਮਹਿਮਾਨ ਵਜੋਂ ਉਸ ਦੇਸ਼ ਦੇ ਮੁਖੀ ਦੀ ਮੇਜ਼ਬਾਨੀ ਕਿਉਂ ਕਰੇ ਜੋ ਜਨਤਕ ਤੌਰ ’ਤੇ ਵਾਰ-ਵਾਰ ਸਾਡੀ ਪ੍ਰਭੂਸੱਤਾ ਨੂੰ ਚੁਣੌਤੀ ਦੇ ਰਿਹਾ ਹੈ। ਗੌਰਤਲਬ ਹੈ ਕਿ ਹਾਲ ਹੀ ਵਿਚ ਪੀ.ਐੱਮ. ਟਰੂਡੋ ਟਰੰਪ ਨੇ ਦੀ ਧਮਕੀ ਨੂੰ ਅਸਲ ਦੱਸਿਆ ਸੀ ਅਤੇ ਟਰੰਪ ਨੇ ਵੀ ਇੱਕ ਇੰਟਰਵਿਊ ਵਿਚ ਇਹ ਗੱਲ ਸਵੀਕਾਰ ਕੀਤੀ।