16.56C Vancouver 16.56C VancouverMay 13, 2021 9:30 PM -
ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਦਾ ਕਹਿਣਾ ਹੈ ਕਿ ਮਰੀਨ, ਏਵੀਏਸ਼ਨ ਅਤੇ ਰੇਲ ਦੇ ਖੇਤਰਾਂ 'ਚ ਤਰੱਕੀ ਹੋ ਰਹੀ ਹੈ ਅਤੇ ਟੀ.ਐਸ.ਬੀ. ਦੀਆਂ ਸਿਫਾਰਸ਼ਾਂ ਨੂੰ ਲਾਗੂ ਕਰਨ 'ਤੇ ਕਦਮ ਚੁੱਕੇ ਜਾ ਰਹੇ ਹਨ।
ਇਹ ਸਿਫਾਰਸ਼ਾਂ ਕਿਸ਼ਤੀਆਂ ਦੀ ਡੁੱਬਣ, ਕ੍ਰੈਸ਼ ਵਾਪਰਨ ਅਤੇ ਹੋਰ ਅਜਿਹੀਆਂ ਘਟਨਾਵਾਂ ਨਾਲ ਸੰਬੰਧਤ ਸਨ ਜਿਸ ਦੌਰਾਨ ਲੋਕਾਂ ਨੇ ਜਾਨ ਗਵਾਈ ਜਾਂ ਉਨ੍ਹਾਂ ਨੂੰ ਸੱਟਾਂ ਲੱਗੀਆਂ।
ਬੋਰਡ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਸਾਲਾਨਾ 'ਰਿਸਪਾਂਸ ਦੇ ਰੀ-ਅਸੈਸਮੈਂਟ' 'ਚ ਪਾਇਆ ਗਿਆ ਹੈ ਕਿ 62 ਸਿਫਾਰਸ਼ਾਂ ਵਿੱਚੋਂ 12 ਨੂੰ ਪੂਰੀ ਤਰ੍ਹਾਂ 'ਸੈਟਿਸਫੈਕਟਰੀ' ਰੇਟਿੰਗ ਹਾਸਿਲ ਹੋਈ ਹੈ।
ਇਸ ਦੇ ਨਾਲ ਚੋਟੀ ਦੀ ਰੇਟਿੰਗ ਹਾਸਿਲ ਕਰਨ ਵਾਲੀਆਂ ਸਿਫਾਰਸ਼ਾਂ ਨੂੰ 85% ਤਕ ਪਹੁੰਚਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਹਾਲਾਂਕਿ ਇਹ ਵੀ ਦੱਸਿਆ ਗਿਆ ਕਿ ਫਿਸ਼ਿੰਗ ਨਾਲ ਸੰਬੰਧਤ ਕਿਸ਼ਤੀਆਂ 'ਤੇ ਵਧੇਰੇ ਸਟੇਬਿਲਿਟੀ ਦੀ ਲੋੜ ਦੀ ਸਿਫਾਰਸ਼ 'ਤੇ 'ਅਨ-ਸੈਟਿਸਫੈਕਟਰੀ' ਰੈਂਕਿੰਗ ਦਿੱਤੀ ਗਈ ਹੈ।
ਇਹ ਸਿਫਾਰਸ਼ ਉਸ ਵੇਲੇ ਲਾਗੂ ਕੀਤੀ ਗਈ ਸੀ ਜਦ ਬੀ.ਸੀ. ਦੇ ਪਾਣੀਆਂ 'ਚ ਨੂਟਕਾ ਸਾਊਂਡ ਕੋਲ ਸਾਲ 2015 'ਚ ਇੱਕ ਕਿਸ਼ਤੀ ਡੁੱਬ ਗਈ ਸੀ ਅਤੇ 3 ਲੋਕਾਂ ਦੀ ਮੌਤ ਹੋ ਗਈ ਸੀ।
