13.98C Vancouver 13.98C VancouverOct 26, 2020 5:33 PM -
ਫੈਡਰਲ ਪ੍ਰੋਕਿਓਰਮੈਂਟ ਮੰਤਰੀ ਅਨੀਤਾ ਅਨੰਦ ਦਾ ਕਹਿਣਾ ਹੈ ਕਿ ਟਰੂਡੋ ਸਰਕਾਰ ਦੇ ਕੋਵਿਡ-19 ਪੈਂਡੇਮਿਕ ਨੂੰ ਹੈਂਡਲ ਕਰਨ ਸੰਬੰਧੀ, ਪ੍ਰਪੋਜ਼ ਕੀਤੀ ਗਈ ਜਾਂਚ ਨਾਲ ਕੁਝ ਵਪਾਰਿਕ ਤੌਰ 'ਤੇ ਸੰਵੇਦਨਸ਼ੀਲ ਜਾਣਕਾਰੀ ਜਾਰੀ ਕਰਨੀ ਪੈ ਸਕਦੀ ਹੈ।
ਉਨ੍ਹਾਂ ਕਿਹਾ ਕਿ ਇਸ ਦੇ ਨਾਲ ਕਨੇਡੀਅਨਸ ਦੀ ਸਿਹਤ ਲਈ ਖਤਰਾ ਖੜਾ ਹੋ ਸਕਦਾ ਹੈ।
ਉਨ੍ਹਾਂ ਕਿਹਾ ਇਸ ਦੇ ਨਾਲ ਕੁਝ ਮੈਨੂਫੈਕਚ੍ਰਰ ਅਤੇ ਡਰੱਗ ਕੰਪਨੀਆਂ, ਔਟਵਾ ਨਾਲ ਵਪਾਰ ਕਰਨ ਤੋਂ ਹੱਥ ਪਿੱਛੇ ਖਿੱਚ ਸਕਦੀਆਂ ਹਨ।
ਵਿਰੋਧੀ ਪਾਰਟੀਆਂ ਵੱਲੋਂ ਅੱਜ ਦੁਪਹਿਰ, ਇਸ ਪ੍ਰਪੋਜ਼ਲ ਵਿਰੁੱਧ ਉੱਠਦੀਆਂ ਇੰਡਸਟਰੀ ਅਤੇ ਮਾਹਿਰਾਂ ਦੀਆਂ ਆਵਾਜ਼ਾਂ ਦੇ ਬਾਵਜੂਦ, ਇਸ ਨੂੰ ਮਨਜ਼ੂਰੀ ਦਿੱਤੀ ਜਾ ਸਕਦੀ ਹੈ।
ਇਸ ਮਤੇ ਤਹਿਤ ਪਰਸਨਲ ਪ੍ਰੋਟੈਕਟਿਵ ਇਕਵਿਪਮੈਂਟ, ਵੈਕਸੀਨ ਅਤੇ ਰੈਪਿਡ ਟੈਸਟ ਕਿੱਟਾਂ ਸੰਬੰਧੀ ਅੜਿੱਕੇ ਪੈਣ ਦੀ ਗੱਲ ਆਖੀ ਗਈ ਹੈ।
ਇਸ ਮਤੇ ਤਹਿਤ ਸਰਕਾਰ ਦੇ ਪੈਂਡੇਮਿਕ ਦਰਮਿਆਨ ਖਰਚਿਆਂ ਦੀ ਜਾਂਚ ਕੀਤੀ ਜਾਵੇਗੀ।
ਫਾਰਮਾਸਿਊਟੀਕਲ ਦਿੱਗਜ 'ਫਾਈਜ਼ਰ ਕੈਨੇਡਾ' ਨੇ ਵੀ ਮਾਮਲੇ 'ਚ ਫਿਕਰ ਜ਼ਾਹਿਰ ਕੀਤਾ ਹੈ, ਅਤੇ ਪੁੱਛਿਆ ਹੈ ਕਿ ਉਨ੍ਹਾਂ ਦੀ ਕਮਰਸ਼ਲ ਗੁਪਤਤਾ ਕਿਵੇਂ ਪ੍ਰਭਾਵਿਤ ਹੋਣ ਵਾਲੀ ਹੈ।
