14.15C Vancouver 14.15C VancouverNov 19, 2020 1:27 AM -
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਕਿਹਾ ਹੈ ਕਿ ਵੈਨਕੂਵਰ ਆਈਲੈਂਡ ਵੱਲ ਕਿਸੇ ਵੀ ਜਾਣ-ਆਉਣ ਵਾਲੇ ਲਈ 2 ਹਫ਼ਤੇ ਦਾ ਕੁਆਰੰਟੀਨ ਕਰਨ ਦਾ ਪ੍ਰਸਤਾਵ, ਸ਼ਾਇਦ ਅੱਗੇ ਵਧਣ ਦਾ ਸਭ ਤੋਂ ਬਿਹਤਰ ਤਰੀਕਾ ਨਹੀਂ ਹੋਵੇਗਾ।
ਵੈਨਕੂਵਰ ਆਈਲੈਂਡ ਦੇ ਚੀਫ਼ ਮੈਡਿਕਲ ਅਫ਼ਸਰ, ਡਾ. ਰਿਚਰਡ ਸਟੈਨਵਿਕ ਦੇ ਪ੍ਰਸਤਾਵ 'ਤੇ ਟਿੱਪਣੀ ਕਰਦਿਆਂ ਹੌਰਗਨ ਨੇ ਇਹ ਗੱਲ ਆਖੀ।
ਪ੍ਰੀਮਿਅਰ ਨੇ ਕਿਹਾ ਕਿ ਉਹ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੂੰ ਇਸ 'ਤੇ ਫੈਸਲਾ ਕਰਨ ਦੇਣਗੇ ਕਿ ਇਸ ਪਲੈਨ ਨਾਲ ਅੱਗੇ ਵਧਿਆ ਜਾਣਾ ਚਾਹੀਦਾ ਹੈ ਜਾਂ ਨਹੀਂ।
ਪਰ ਉਨ੍ਹਾਂ ਕਿਹਾ ਕਿ ਕੁਆਰੰਟੀਨ ਪਲੈਨ ਸ਼ਾਇਦ ਸਹੀ ਐਪਰੋਚ ਨਹੀਂ ਹੋਵੇਗੀ।
ਹਾਲਾਂਕਿ ਡਾ. ਸਟੈਨਵਿਕ ਦਾ ਕਹਿਣਾ ਹੈ ਕਿ 1 ਸਿਤੰਬਰ ਤੋਂ 10 ਨਵੰਬਰ ਵਿਚਾਲੇ ਵੈਨਕੂਵਰ ਆਈਲੈਂਡ 'ਤੇ ਰਿਪੋਰਟ ਹੋਏ ਕਰੀਬ ਅੱਧੇ ਮਾਮਲੇ ਯਾਤਰਾ ਨਾਲ ਸੰਬੰਧਤ ਸਨ।
ਡਾ. ਸਟੈਨਵਿਕ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਇਸ ਮਾਮਲੇ 'ਚ ਐਟਲਾਂਟਿਕ ਕੈਨੇਡਾ ਜਿਹੀ ਬਬਲ ਐਪਰੋਚ ਦੀ ਸੋਚ ਹੈ, ਜਿੱਥੇ ਸੂਬੇ ਦੇ ਅੰਦਰ ਹੀ ਯਾਤਰਾ ਸੰਬੰਧੀ ਪਬੰਦੀ ਹੈ।
