15.96C Vancouver 15.96C VancouverApr 29, 2022 9:19 PM - The Canadian Press
ਅੱਜ ਵੈਨਕੂਵਰ ਦੇ ਡਾਊਨਟਾਊਨ ਇਲਾਕੇ 'ਚ ਇੱਕ ਹੋਟਲ 'ਤੇ ਕੁਝ ਪ੍ਰਦਰਸ਼ਨਕਾਰੀਆਂ ਨੇ ਪਹੁੰਚ ਕੀਤੀ।
ਪ੍ਰਦਰਸ਼ਨਕਾਰੀਆਂ ਨੇ ਖੁਦ ਨੂੰ ਹੋਟਲ ਦੇ ਨਾਲ ਚੇਨਾਂ ਨਾਲ ਬੰਨ ਲਿਆ ਜਾਂ ਕੁਝ ਨੇ ਖੁਦ ਨੂੰ ਹੋਟਲ ਦੇ ਨਾਲ ਗਲੂ ਕਰ ਲਿਆ।
ਅਜਿਹਾ ਉਸ ਸਮੇਂ ਕੀਤਾ ਗਿਆ ਜਦ ਕਾਉਂਸਿਲ ਆਫ ਫੌਰੈਸਟ ਇੰਡਸਟਰੀਸ ਕਨਵੈਨਸ਼ਨ ਦਾ ਆਖਰੀ ਦਿਨ ਜਾਰੀ ਸੀ।
ਸੇਵ ਓਲਡ ਗਰੋਥ ਨਾਮ ਨਾਮ ਦੇ ਗਰੁੱਪ ਦੇ ਮੈਂਬਰਾਂ ਨੇ ਇਸ ਦੌਰਾਨ ਬੀ.ਸੀ. 'ਚ ਓਲਡ ਗਰੋਥ ਜੰਗਲਾਂ ਦੀ ਲੌਗਿੰਗ ਨੂੰ ਖਤਮ ਕਰਨ ਦੀ ਮੰਗ ਕੀਤੀ।
ਗਰੁੱਪ ਨੇ ਮੰਗ ਕੀਤੀ ਕਿ ਫੌਰੈਸਟਸ ਮੰਤਰੀ ਕੈਟਰੀਨ ਕੌਨਰੌਏ ਉਨ੍ਹਾਂ ਨਾਲ ਮੁਲਾਕਾਤ ਕਰਨ।
ਯਾਦ ਰਹੇ ਇਸ ਕਨਵੈਨਸ਼ਨ ਤੋਂ ਪਹਿਲਾਂ ਉਸ ਸਮੇਂ ਪ੍ਰਦਰਸ਼ਨ ਕੀਤਾ ਗਿਆ ਜਦ ਦੁਪਹਿਰ ਕਰੀਬ 12.45 ਵਜੇ ਪ੍ਰੀਮਿਅਰ ਜੌਨ ਹੌਰਗਨ ਵੱਲੋਂ ਕਨਵੈਨਸ਼ਨ ਦਾ ਹਿੱਸਾ ਬਣਿਆ ਜਾਣਾ ਸੀ।
ਪ੍ਰਦਰਸ਼ਨਕਾਰੀਆਂ ਦਾ ਕਹਿਣਾ ਸੀ ਕਿ ਉਨ੍ਹਾਂ ਲਈ ਈਵੈਂਟ 'ਚ ਵਿਘਨ ਪਾਉਣਾ ਇਸਲਈ ਜਰੂਰੀ ਹੋ ਗਿਆ ਸੀ ਕਿਉਂਕਿ ਸਰਕਾਰ ਇਸ ਮਾਮਲੇ ਨਾਲ ਸੰਪਰਕ ਤੋਂ ਬਾਹਰ ਹੈ ਅਤੇ ਸਿਰਫ ਖੁਦ ਨਾਲ ਜਾਂ ਇੰਡਸਟਰੀ ਲੌਬਿਸਟਸ ਨਾਲ ਗੱਲਬਾਤ ਕਰ ਰਹੀ ਹੈ।
