12.07C Vancouver 12.07C VancouverJun 16, 2022 12:16 AM - Connect News
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਆਇਰਨਵਰਕਰਸ ਮੈਮੋਰੀਅਲ ਬ੍ਰਿਜ 'ਤੇ ਸੋਮਵਾਰ ਸਵੇਰ ਅੜਿੱਕੇ ਪੇਸ਼ ਕਰਨ ਦੀ ਕੋਸ਼ਿਸ਼ ਕਰਨ ਵਾਲੇ ਲੋਕਾਂ ਵਿੱਚੋਂ 3 'ਤੇ ਦੋਸ਼ ਤੈਅ ਕੀਤੇ ਗਏ ਹਨ।
ਅਟੈਂਪਟਿਡ ਬਲੌਕੇਡ ਦੇ ਮਾਮਲੇ 'ਚ 3 ਲੋਕਾਂ 'ਤੇ ਅਪਰਾਧਿਕ ਦੋਸ਼ ਤੈਅ ਕਰਨ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਵੈਨਕੂਵਰ ਪੁਲਿਸ ਨੇ ਪ੍ਰਦਰਸ਼ਨਕਾਰੀਆਂ ਨੂੰ ਰਸ਼-ਆਵਰ (rush-hour) ਦੌਰਾਨ ਗ੍ਰਿਫਤਾਰ ਕੀਤਾ ਸੀ।
ਕਥਿਤ ਤੌਰ 'ਤੇ ਇਨ੍ਹਾਂ ਪ੍ਰਦਰਸ਼ਨਕਾਰੀਆਂ ਨੇ ਪੁਲ ਤਕ ਇੱਕ ਗੱਡੀ 'ਤੇ ਪਹੁੰਚ ਕੀਤੀ ਸੀ ਅਤੇ ਖੁਦ ਨੂੰ ਗੱਡੀ 'ਚ ਬੰਦ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ।
ਪੁਲਿਸ ਨੇ ਦੱਸਿਆ ਕਿ 28 ਸਾਲਾ ਕੈਥਲੀਨ ਹਿਗਿਨਸ, 69 ਸਾਲਾ ਵਿਲੀਅਮ ਵਿੰਡਰ ਅਤੇ 37 ਸਾਲਾ ਡੈਬੋਰਾਹ ਟਿਨ ਟੁਨ 'ਤੇ ਮਿਸਚੀਫ ਦੇ ਦੋਸ਼ ਲੱਗੇ ਹਨ।
ਇਨ੍ਹਾਂ ਲੋਕਾਂ ਨੂੰ ਹਿਰਾਸਤ ਤੋਂ ਰਿਹਾਅ ਕਰ ਦਿੱਤਾ ਗਿਆ ਸੀ।
ਹਾਲਾਂਕਿ ਉਨ੍ਹਾਂ ਨੂੰ ਕੋਰਟ 'ਚ ਪੇਸ਼ ਕੀਤਾ ਗਿਆ ਸੀ ਅਤੇ ਉਨ੍ਹਾਂ ਮੰਨਿਆ ਕਿ ਉਹ ਬੀ.ਸੀ. 'ਚ ਮੁੜ ਤੋਂ ਜਾਣਬੁੱਝ ਕੇ ਟਰੈਫਿਕ ਰੋਕਣ ਦੀ ਕੋਸ਼ਿਸ਼ ਨਹੀਂ ਕਰਨਗੇ।
ਸੋਮਵਾਰ ਨੂੰ 2 ਹੋਰ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ ਜਿੰਨਾ ਦਾ ਕੋਰਟ 'ਚ ਪੇਸ਼ ਕੀਤਾ ਜਾਣਾ ਬਾਕੀ ਹੈ।
ਯਾਦ ਰਹੇ ਇਹ ਪ੍ਰਦਰਸ਼ਨਕਾਰੀ ਸੇਵ ਓਲਡ ਗਰੋਥ ਨਾਮ ਦੇ ਗਰੁੱਪ ਵੱਲੋਂ ਇਲਾਕੇ 'ਚ ਕੀਤੇ ਜਾ ਰਹੇ ਪ੍ਰਦਰਸ਼ਨਾਂ ਦਾ ਹਿੱਸਾ ਸਨ।
