10.76C Vancouver 10.76C VancouverFeb 16, 2022 8:20 PM - The Canadian Press
ਔਟਵਾ ਦੇ ਡਾਊਨਟਾਊਨ ਇਲਾਕੇ 'ਚ ਪ੍ਰਦਰਸ਼ਨਕਾਰੀਆਂ ਨੂੰ ਨੋਟਿਸ ਸੌਂਪੇ ਜਾ ਰਹੇ ਹਨ।
ਨੋਟਿਸ 'ਚ ਪ੍ਰਦਰਸ਼ਨਕਾਰੀਆਂ ਨੂੰ ਇਲਾਕਾ ਖਾਲੀ ਕਰਨ ਲਈ ਆਖਿਆ ਗਿਆ ਹੈ ਅਤੇ ਕੋਰਟ ਇੰਜੰਕਸ਼ਨ ਅਨੁਸਾਰ ਟਰੱਕਾਂ ਦੇ ਹੌਰਨ ਨਾ ਮਾਰਨ ਲਈ ਆਖਿਆ ਜਾ ਰਿਹਾ ਹੈ।
ਹਾਲਾਂਕਿ ਨੋਟਿਸ ਮਿਲਣ ਤੋਂ ਬਾਅਦ ਵੀ ਪ੍ਰਦਰਸ਼ਨਕਾਰੀ ਇਲਾਕਾ ਛੱਡਣ ਦੇ ਮੂਡ 'ਚ ਵਿਖਾਈ ਨਹੀਂ ਦੇ ਰਹੇ ਹਨ।
ਰਿਪੋਰਟਸ ਅਨੁਸਾਰ ਨੋਟਿਸ ਮਿਲਣ ਤੋਂ ਬਾਅਦ ਪ੍ਰਦਰਸ਼ਨਕਾਰੀਆਂ ਨੇ ਹੌਰਨ ਮਾਰਨੇ ਵੀ ਵਧਾ ਦਿੱਤੇ ਹਨ।
ਪਿਛਲੇ ਕੁਝ ਦਿਨਾਂ ਵਾਂਗ ਪਾਰਲੀਅਮੈਂਟ ਦੇ ਸੈਂਟਰ ਬਲੌਕ ਕੋਲ ਸਥਿਤ ਇੰਟਰਸੈਕਸ਼ਨ 'ਤੇ ਪ੍ਰਦਰਸ਼ਨਕਾਰੀਆਂ ਦੇ ਇਕੱਠ ਵੇਖਿਆ ਜਾ ਸਕਦਾ ਹੈ ਜੋ ਕੈਨੇਡਾ ਦੇ ਝੰਡੇ ਲਹਿਰਾ ਰਹੇ ਹਨ ਅਤੇ ਨੱਚਟੱਪ ਰਹੇ ਹਨ।
ਐਮਰਜੈਂਸੀਸ ਐਕਟ ਅਨੁਸਾਰ ਹੁਣ ਪ੍ਰਦਰਸ਼ਨਾਂ 'ਚ ਬੱਚਿਆਂ ਨੂੰ ਲਿਆਉਣਾ ਗੈਰਕਨੂੰਨੀ ਹੈ ਅਤੇ 'ਚਿਲਡਰਨਸ ਏਡ ਸੋਸਾਈਟੀ ਆਫ ਔਟਵਾ' ਨੇ ਮਾਪਿਆਂ ਨੂੰ ਮੰਗ ਕੀਤੀ ਹੈ ਕਿ ਬੱਚਿਆਂ ਨੂੰ ਪ੍ਰਦਰਸ਼ਨਾਂ ਤੋਂ ਦੂਰ ਰੱਖਿਆ ਜਾਵੇ।
ਲੋਕਾਂ ਨੂੰ ਪੁਲਿਸ ਐਕਸ਼ਨ ਵਿਚਾਲੇ ਬੱਚਿਆਂ ਦਾ ਖਿਆਲ ਰੱਖਣ ਲਈ ਸਾਵਧਾਨ ਕੀਤਾ ਗਿਆ ਹੈ।
ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਐਮਰਜੈਂਸੀਸ ਐਕਟ ਪ੍ਰਤੀ ਸੱਪੋਰਟ ਇਸੇ 'ਤੇ ਨਿਰਭਰ ਕਰੇਗੀ ਕਿ ਸਰਕਾਰ ਇਸ ਦੀ ਵਰਤੋਂ ਕਿਵੇਂ ਕਰਦੀ ਹੈ।
