17.46C Vancouver 17.46C VancouverFeb 4, 2021 12:32 AM -
ਟਰੂਡੋ ਸਰਕਾਰ ਨੇ 'ਪਰਾਊਡ ਬਾਇਜ਼' ਸਮੇਤ ਕੁਲ 4 'ਐਕਸਟ੍ਰੀਮ ਰਾਈਟ-ਵਿੰਗ ਗਰੁੱਪਸ' ਨੂੰ ਅੱਤਵਾਦੀ ਸੰਗਠਨਾਂ ਦੀ ਸੂਚੀ 'ਚ ਸ਼ਾਮਿਲ ਕਰ ਦਿੱਤਾ ਹੈ।
ਪਬਲਿਕ ਸੇਫਟੀ ਮੰਤਰੀ ਬਿਲ ਬਲੇਅਰ ਨੇ ਦੱਸਿਆ ਕਿ ਇਹਨਾਂ ਗਰੁੱਪਸ ਨੇ ਸਾਬਿਤ ਕੀਤਾ ਹੈ ਕਿ ਇਹ ਹਿੰਸਕ ਹਨ ਅਤੇ ਇਸ ਦਾ ਇੱਕ ਦ੍ਰਿਸ਼ ਵਾਸ਼ਿੰਗਟਨ 'ਚ ਕੈਪੀਟਲ ਹਿਲ ਦੀ ਹਿੰਸਾ ਦੌਰਾਨ ਵੇਖਣ ਨੂੰ ਮਿਲਿਆ ਸੀ।
ਇਹ 4 ਰਾਈਟ ਵਿੰਗ ਗਰੁੱਪ ਕੁੱਲ 13 ਸੰਗਠਨਾਂ ਦਾ ਹਿੱਸਾ ਹਨ ਜਿੰਨਾ ਨੂੰ ਸਰਕਾਰ ਵੱਲੋਂ ਜਾਰੀ ਅੱਤਵਾਦੀ ਸੰਗਠਨਾਂ ਦੀ ਸੂਚੀ 'ਚ ਸ਼ਾਮਿਲ ਕੀਤਾ ਗਿਆ ਹੈ।
ਇਸ 'ਚ 3 ਗਰੁੱਪ 'ਅਲ-ਕਾਇਦਾ' ਨਾਲ ਸੰਬੰਧਤ ਹਨ ਜਦਕਿ 4 ਗਰੁੱਪ 'ਇਸਲਾਮਿਕ ਸਟੇਟ' ਨਾਲ ਸੰਬੰਧਤ ਹਨ।
ਅੱਤਵਾਦੀ ਸੰਗਠਨਾਂ ਦੀ ਸੂਚੀ 'ਚ ਇੱਕ ਕਸ਼ਮੀਰੀ ਸੰਗਠਨ ਦਾ ਨਾਮ ਵੀ ਸ਼ਾਮਿਲ ਹੈ।
ਬਿਲ ਬਲੇਅਰ ਨੇ ਕਿਹਾ ਕਿ ਐਕਸਟਰੀਮਿਸਟ ਗਤੀਵਿਧੀਆਂ ਨੂੰ ਕੈਨੇਡਾ 'ਚ ਇੱਕ ਗੰਭੀਰ ਖਤਰਾ ਮੰਨਿਆ ਜਾਂਦਾ ਹੈ।
ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਕੈਨੇਡਾ ਸਰਕਾਰ ਵੱਲੋਂ ਕੁਝ ਸੰਗਠਨਾਂ ਨੂੰ ਅੱਤਵਾਦੀ ਸੰਗਠਨਾਂ ਦੀ ਸੂਚੀ 'ਚ ਸ਼ਾਮਿਲ ਕਰਨ ਦਾ ਸਵਾਗਤ ਕੀਤਾ ਹੈ।
ਜਗਮੀਤ ਸਿੰਘ ਨੇ ਕਿਹਾ, ਇੱਕ ਅਜਿਹਾ ਮੁਲਕ ਬਣਾਉਣ ਦੀ ਲੋੜ ਹੈ ਜਿੱਥੇ ਸਭ ਸੁਰੱਖਿਅਤ ਮਹਿਸੂਸ ਕਰਨ।
