17.8C Vancouver 17.8C VancouverJun 21, 2022 8:28 PM - The Canadian Press
ਪ੍ਰੀਮਿਅਰ ਜੌਨ ਹੌਰਗਨ ਅਤੇ ਬੀ.ਸੀ. ਦੇ ਇੰਡੀਜਨਸ ਰਿਲੇਸ਼ਨਸ ਅਤੇ ਰੀਕੰਸੀਲੀਏਸ਼ਨ ਮੰਤਰੀ, ਮਰੇ ਰੈਂਕਿਨ ਵੱਲੋਂ ਅੱਜ ਨੈਸ਼ਨਲ ਇੰਡੀਜਨਸ ਪੀਪਲਸ ਡੇਅ ਮੌਕੇ ਇੱਕ ਬਿਆਨ ਜਾਰੀ ਕੀਤਾ ਗਿਆ ਹੈ।
ਹੌਰਗਨ ਦਾ ਕਹਿਣਾ ਹੈ ਕਿ ਬੀ.ਸੀ. ਨੂੰ ਫਰਸਟ ਨੇਸ਼ਨਸ, ਮੈਟੀ ਅਤੇ ਇਨੁਇਟ ਲੋਕਾਂ ਦੀ ਲੀਡਰਸ਼ਿਪ ਅਤੇ ਤਾਕਤ 'ਤੇ ਮਾਣ ਹੈ।
ਉਨ੍ਹਾਂ ਕਿਹਾ ਕਿ 26 ਸਾਲ ਪਹਿਲਾਂ ਹੋਏ ਇਸ ਦਿਨ ਦੇ ਪਹਿਲੇ ਜਸ਼ਨ ਤੋਂ ਹੁਣ ਤਕ ਬਹੁਤ ਕੁਝ ਬਦਲ ਗਿਆ ਹੈ।
ਹਾਲਾਂਕਿ ਉਨ੍ਹਾਂ ਮੰਨਿਆ ਕਿ ਰੀਕੰਸੀਲੀਏਸ਼ਨ ਦੀ ਦਿਸ਼ਾ 'ਚ ਅਜੇ ਹੋਰ ਕਦਮ ਚੁੱਕਣ ਦੀ ਲੋੜ ਹੈ ਤਾਂ ਜੋ ਪਹਿਲਾਂ ਦੀਆਂ ਗਲਤੀਆਂ ਨੂੰ ਸੁਧਾਰਿਆ ਜਾ ਸਕੇ।
ਬੀ.ਸੀ. ਲਿਬਰਲਸ ਕੌਕਸ ਵੱਲੋਂ ਜਾਰੀ ਇੱਕ ਬਿਆਨ 'ਚ ਆਖਿਆ ਗਿਆ ਹੈ ਕਿ ਰੀਕੰਸੀਲੀਏਸ਼ਨ ਲਈ ਨਾ ਸਿਰਫ ਇਤਿਹਾਸ ਨੂੰ ਯਾਦ ਰੱਖਣਾ ਜਰੂਰੀ ਹੈ ਪਰ ਇਸ ਜਮੀਨ ਨੂੰ ਆਪਣਾ ਘਰ ਕਹਿਣ ਵਾਲਿਆਂ ਲਈ ਚੰਗੇ ਅਤੇ ਬਿਹਤਰ ਭਵਿੱਖ ਸਥਾਪਿਤ ਕਰਨ ਲਈ ਕਦਮ ਚੁੱਕਣ ਦੀ ਲੋੜ ਹੈ।
