12.02C Vancouver 12.02C VancouverMay 1, 2023 6:38 PM - B.C. Government
ਸੂਬੇ ਭਰ ਵਿੱਚ ਪਹੁੰਚਯੋਗਤਾ ਦੀਆਂ ਚੁਣੌਤੀਆਂ ਵਾਲੇ ਵਧੇਰੇ ਲੋਕਾਂ ਕੋਲ ਜਲਦੀ ਹੀ ਵ੍ਹੀਲਚੇਅਰ-ਐਕਸੈਸਿਬਲ ਟੈਕਸੀਆਂ ਤੱਕ ਬੇਹਤਰ ਪਹੁੰਚ ਹੋਵੇਗੀ, ਉਡੀਕ ਸਮੇਂ ਨੂੰ ਘਟਾਇਆ ਜਾਵੇਗਾ, ਅਤੇ ਉਹ ਆਪਣੇ ਭਾਈਚਾਰਿਆਂ ਵਿੱਚ ਆਸਾਨੀ ਨਾਲ ਘੁੰਮ-ਫਿਰ ਸਕਣਗੇ।
ਇਸ ਸਾਲ ਜਨਵਰੀ ਵਿੱਚ ਇਸਦੀ ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ, ਸੂਬਾ 51 ਟੈਕਸੀ ਕੰਪਨੀਆਂ ਨੂੰ ਆਪਣੇ ‘ਪੈਸੰਜਰ ਟ੍ਰਾਂਸਪੋਰਟੇਸ਼ਨ ਐਕਸੈਸਬੀਲਿਟੀ ਪ੍ਰੋਗਰਾਮ ਮੇਨਟੇਨੈਂਸ ਰਿਬੇਟ’ ਰਾਹੀਂ ਕੁੱਲ $2.6 ਮਿਲੀਅਨ ਗ੍ਰਾਂਟਸ ਵਿੱਚ ਦੇ ਚੁੱਕਾ ਹੈ।
ਇਸ ਫੰਡਿੰਗ ਨਾਲ ਲਗਭਗ 400 ਵ੍ਹੀਲਚੇਅਰ-ਐਕਸੈਸਿਬਲ ਟੈਕਸੀਆਂ 'ਤੇ ਜ਼ਰੂਰੀ ਰੱਖ-ਰਖਾਅ ਦੇ ਕੰਮ ਦੇ ਵਿੱਤੀ ਪ੍ਰਭਾਵਾਂ ਨੂੰ ਘਟਾਉਣ ਵਿੱਚ ਮਦਦ ਮਿਲੀ ਹੈ।
"ਵ੍ਹੀਲਚੇਅਰ-ਐਕਸੈਸਿਬਲ ਟੈਕਸੀਆਂ ਦੇ ਰੱਖ-ਰਖਾਅ ਦੇ ਖਰਚਿਆਂ ਨੂੰ ਘਟਾਉਣ ਨਾਲ ਮੌਜੂਦਾ ਵਾਹਨਾਂ ਨੂੰ ਚੰਗੀ ਸਥਿਤੀ ਵਿੱਚ ਰੱਖਿਆ ਜਾ ਸਕੇਗਾ ਅਤੇ ਵਧੇਰੇ ਸਪਲਾਈ ਨੂੰ ਉਤਸ਼ਾਹਿਤ ਕੀਤਾ ਜਾਵੇਗਾ," ਢੋਆ ਢੁਆਈ ਅਤੇ ਬੁਨਿਆਦੀ ਢਾਂਚੇ ਦੇ ਮੰਤਰੀ, ਰੌਬ ਫਲੈਮਿੰਗ ਨੇ ਕਿਹਾ।
"ਇਸ ਨਾਲ ਕੰਪਨੀਆਂ ਨੂੰ ਇਹਨਾਂ ਵਾਹਨਾਂ ਲਈ ਡਰਾਈਵਰਾਂ ਦੀ ਭਰਤੀ ਅਤੇ ਉਹਨਾਂ ਨੂੰ ਬਰਕਰਾਰ ਰੱਖਣਾ ਵੀ ਆਸਾਨ ਬਣੇਗਾ, ਜਿਸ ਨਾਲ ਇਹ ਯਕੀਨੀ ਬਣਾਇਆ ਜਾ ਸਕੇਗਾ ਕਿ ਸੂਬੇ ਭਰ ਵਿੱਚ ਵਧੇਰੇ ਲੋਕਾਂ ਦੀ ਇਹਨਾਂ ਵਿਸ਼ੇਸ਼ ਟੈਕਸੀਆਂ ਤੱਕ ਪਹੁੰਚ ਹੋਵੇਗੀ।"
ਐਕਸੈਸਿਬਲ ਟੈਕਸੀਆਂ ਦੀ ਮਾਲਕੀ ਅਤੇ ਰੱਖ-ਰਖਾਅ ਨਾਲ ਸੰਬੰਧਤ ਖਰਚਿਆਂ ਨੂੰ ਘਟਾ ਕੇ, ਸੂਬਾ ਵਧੇਰੇ ਔਪਰੇਟਰਾਂ ਲਈ ਇਸ ਤਰ੍ਹਾਂ ਦੇ ਹੋਰ ਵਾਹਨਾਂ ਨੂੰ ਆਪਣੀ ਫਲੀਟ (ਕਈ ਟੈਕਸੀਆਂ) ਵਿੱਚ ਲਿਆਉਣਾ ਆਸਾਨ ਬਣਾ ਰਿਹਾ ਹੈ।
ਇਸ ਨਾਲ ਬ੍ਰਿਟਿਸ਼ ਕੋਲੰਬੀਆ ਦੇ ਵਧੇਰੇ ਲੋਕਾਂ ਨੂੰ ਆਪਣੀ ਜ਼ਰੂਰਤ ਦੀਆਂ ਜਗ੍ਹਾਵਾਂ ‘ਤੇ ਜਾਣ ਦੀ ਬੇਹਤਰ ਸੁਵਿਧਾ ਹੋਵੇਗੀ, ਜਦੋਂ ਵੀ ਉਹਨਾਂ ਨੂੰ ਕਿਤੇ ਜਾਣ ਦੀ ਲੋੜ ਹੁੰਦੀ ਹੈ।
"ਇਹ ਛੋਟਾਂ ਉਹਨਾਂ ਵਿੱਤੀ ਰੁਕਾਵਟਾਂ ਨੂੰ ਦੂਰ ਕਰ ਰਹੀਆਂ ਹਨ ਜਿਨ੍ਹਾਂ ਕਾਰਣ ਅਪਾਹਜ ਲੋਕਾਂ ਲਈ ਪਹੁੰਚ ਨੂੰ ਬੇਹਤਰ ਬਣਾਉਣ ਵਿੱਚ ਅਸਲ ਤੌਰ ‘ਤੇ ਚੁਣੌਤੀ ਪੈਦਾ ਹੁੰਦੀ ਹੈ," ਬੁਨਿਆਦੀ ਢਾਂਚਾ ਅਤੇ ਟ੍ਰਾਂਜ਼ਿਟ ਲਈ ਮਨਿਸਟਰ ਔਫ ਸਟੇਟ, ਡੈਨ ਕੂਲਟੇਰ ਨੇ ਕਿਹਾ।
"ਪੈਸੇਂਜਰ ਟਰਾਂਸਪੋਰਟੇਸ਼ਨ ਐਕਸੈਸਬਿਲਟੀ ਪ੍ਰੋਗਰਾਮ ਦਾ ਧੰਨਵਾਦ, ਜਿਸ ਕਾਰਣ ਵਧੇਰੇ ਲੋਕਾਂ ਕੋਲ ਕੰਮ ਕਰਨ, ਪਰਿਵਾਰ ਅਤੇ ਦੋਸਤਾਂ ਨੂੰ ਮਿਲਣ ਅਤੇ ਆਪਣੇ ਭਾਈਚਾਰਿਆਂ ਵਿੱਚ ਘੁੰਮਣ-ਫਿਰਨ ਲਈ ਭਰੋਸੇਯੋਗ ਆਵਾਜਾਈ ਹੋਵੇਗੀ।"
ਅਗਲੇ ਦੋ ਸਾਲਾਂ ਦੌਰਾਨ, ਮੰਤਰਾਲਾ ਹੋਰ ਵਧੇਰੇ ਫੰਡਿੰਗ ਸਟ੍ਰੀਮਾਂ ਦੀ ਸ਼ੁਰੂਆਤ ਕਰੇਗਾ ਜੋ ਵ੍ਹੀਲਚੇਅਰ-ਐਕਸੈਸਿਬਲ ਟੈਕਸੀਆਂ ਨੂੰ ਚਲਾਉਣ, ਖਰੀਦਣ ਅਤੇ ਬਦਲਣ ਦੀ ਲਾਗਤ ਨੂੰ ਘਟਾਉਣ 'ਤੇ ਕੇਂਦ੍ਰਤ ਹੋਣਗੀਆਂ, ਅਤੇ ਡਰਾਈਵਰਾਂ ਨੂੰ ਸਿਖਲਾਈ ਵੀ ਮਿਲੇਗੀ, ਜਿਸ ਨਾਲ ਯਾਤਰੀਆਂ ਨੂੰ ਉਨ੍ਹਾਂ 'ਤੇ ਜ਼ਿਆਦਾ ਭਰੋਸਾ ਕਰਨ ਵਿੱਚ ਮਦਦ ਮਿਲੇਗੀ।
ਇਹ ਫੰਡਿੰਗ ਟੈਕਸੀ ਉਦਯੋਗ ਨੂੰ ਇਹ ਯਕੀਨੀ ਬਣਾਉਣ ਵਿੱਚ ਮਦਦ ਕਰੇਗੀ ਕਿ ਬ੍ਰਿਟਿਸ਼ ਕੋਲੰਬੀਆ ਦੇ ਲੋਕਾਂ ਦੀਆਂ ਲੋੜਾਂ ਨੂੰ ਪੂਰਾ ਕਰਨ ਲਈ ਹੁਣ ਵਧੇਰੇ ਵ੍ਹੀਲਚੇਅਰ-ਐਕਸੈਸਿਬਲ ਟੈਕਸੀਆਂ ਉਪਲਬਧ ਹਨ।
