17.59C Vancouver 17.59C VancouverFeb 2, 2021 8:28 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਕੋਵਿਡ-19 ਵੇਰੀਐਂਟਸ ਦੀ ਕਮਿਊਨਿਟੀ ਟ੍ਰਾਂਸਮਿਸ਼ਨ ਦੇ ਸੰਕੇਤ ਮਿਲ ਰਹੇ ਹਨ।
ਉਨ੍ਹਾਂ ਕਿਹਾ ਕਈ ਸੂਬਿਆਂ 'ਚ ਅਜਿਹਾ ਹੋ ਰਿਹਾ ਹੈ।
ਡਾ. ਟੈਮ ਦਾ ਕਹਿਣਾ ਹੈ ਕਿ ਦੱਖਣੀ ਅਫਰੀਕਾ ਅਤੇ ਯੂ.ਕੇ. ਨਾਲ ਸੰਬੰਧਤ ਵੇਰੀਐਂਟਸ ਦੇ 148 ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਦੇਸ਼ 'ਚ ਕੋਰੋਨਾ ਵਾਇਰਸ ਦੇ ਰਿਪੋਰਟ ਹੋ ਰਹੇ ਮਾਮਲਿਆਂ 'ਚ ਕੁਝ ਗਿਰਾਵਟ ਦਰਜ ਕੀਤੀ ਗਈ ਹੈ।
ਉਨ੍ਹਾਂ ਕਿਹਾ ਕਿ ਪ੍ਰੋਵਿੰਸ਼ੀਅਲ ਅਧਿਕਾਰੀਆਂ ਨੂੰ ਕਿਸੇ ਵੀ ਪਬੰਦੀਆਂ 'ਚ ਢਿੱਲ ਦਿੰਦੇ ਹੋਏ ਬੇਹੱਦ ਸਾਵਧਾਨ ਰਹਿਣ ਦੀ ਲੋੜ ਹੈ।
ਉਨ੍ਹਾਂ ਕਿਹਾ ਕਿ ਇਹਨਾਂ ਨਵੇਂ ਵੇਰੀਐਂਟਸ ਦੇ ਬੇਹੱਦ ਆਸਾਨੀ ਨਾਲ ਸੰਕ੍ਰਮਣ ਦੇ ਸਬੂਤ ਉਜਾਗਰ ਹੋਏ ਹਨ।
ਡਾ. ਟੈਮ ਨੇ ਕਿਹਾ ਕਿ ਔਂਟੈਰੀਓ, ਐਲਬਰਟਾ ਅਤੇ ਬ੍ਰਿਟਿਸ਼ ਕੋਲੰਬੀਆ 'ਚ ਇਹਨਾਂ ਵੇਰੀਐਂਟਸ ਦੇ ਪਹੁੰਚਣ ਤੋਂ ਬਾਅਦ, ਹੁਣ ਅਧਿਕਾਰੀਆਂ ਨੂੰ ਆਪਣੀ ਟੈਸਟਿੰਗ ਕਪੈਸਟੀ ਵਧਾਉਣ ਦੀ ਲੋੜ ਹੈ।
