11.1C Vancouver 11.1C VancouverJul 20, 2021 10:38 PM -
ਬੀ.ਸੀ. 'ਚ ਵਾਈਲਡਫਾਇਰਸ ਦੇ ਬੇਕਾਬੂ ਹਾਲਾਤਾਂ ਵਿਚਾਲੇ ਪ੍ਰੋਵਿੰਸ਼ੀਅਲ ਸਟੇਟ ਆਫ ਐਮਰਜੈਂਸੀ ਐਲਾਨ ਦਿੱਤੀ ਗਈ ਹੈ।
ਕੋਵਿਡ-19 ਦੇ ਕਾਰਨ ਰਿਕਾਰਡਤੋੜ ਸਮੇਂ ਲਈ ਸੂਬੇ 'ਚ ਸਟੇਟ ਆਫ ਐਮਰਜੈਂਸੀ ਜਾਰੀ ਰਹਿਣ ਤੋਂ ਬਾਅਦ ਬੀਤੇ ਮਹੀਨੇ ਹੀ ਸਟੇਟ ਆਫ ਐਮਰਜੈਂਸੀ ਦੇ ਖਤਮ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਹਾਲਾਂਕਿ ਫਰਕ ਇਹ ਹੈ ਕਿ ਇਸ ਵਾਰ ਸਟੇਟ ਆਫ ਐਮਰਜੈਂਸੀ ਬਿਮਾਰੀ ਕਾਰਨ ਨਹੀਂ ਬਲਕਿ ਬੇਕਾਬੂ ਅੱਗਾਂ ਕਾਰਨ ਐਲਾਨੀ ਗਈ ਹੈ।
ਇਹ ਐਮਰਜੈਂਸੀ ਅੱਜ ਅੱਧੀ ਰਾਤ ਤੋਂ ਲਾਗੂ ਹੋਵੇਗੀ।
ਪਬਲਿਕ ਸੇਫਟੀ ਮੰਤਰੀ ਅਤੇ ਅਟੌਰਨੀ ਜਨਰਲ, ਮਾਈਕ ਫਾਰਨਵਰਥ ਨੇ ਐਮਰਜੈਂਸੀ ਦਾ ਐਲਾਨ ਕੀਤਾ।
ਉਨ੍ਹਾਂ ਕਿਹਾ ਕਿ ਬੀਤੀ ਰਾਤ ਅਧਿਕਾਰੀਆਂ ਨਾਲ ਕੀਤੀ ਗਈ ਗੱਲਬਾਤ ਤੋਂ ਬਾਅਦ ਐਮਰਜੈਂਸੀ ਐਲਾਨਣ ਦਾ ਨਿਰਣਾ ਲਿਆ ਗਿਆ ਹੈ।
ਯਾਦ ਰਹੇ ਸੂਬੇ 'ਚ 300 ਤੋਂ ਵਧੇਰੇ ਵਾਈਲਡਫਾਇਰਸ ਬਲ ਰਹੀਆਂ ਹਨ।
ਇਹ ਐਮਰਜੈਂਸੀ 14 ਦਿਨ ਤਕ ਜਾਰੀ ਰਵੇਗੀ ਅਤੇ ਉਸ ਤੋਂ ਬਾਅਦ ਲੋੜ ਅਨੁਸਾਰ ਇਸ ਨੂੰ ਅੱਗੇ ਵਧਾਇਆ ਜਾ ਸਕਦਾ ਹੈ ਜਾਂ ਖਤਮ ਕੀਤਾ ਜਾ ਸਕਦਾ ਹੈ।
ਸੂਬੇ 'ਚ ਇਸ ਵੇਲੇ 40 ਇਵੈਕੂਏਅਸ਼ਨ ਆਰਡਰ ਜਾਰੀ ਦੱਸੇ ਗਏ ਹਨ।
ਇਸ ਤੋਂ 5,700 ਤੋਂ ਵਧੇਰੇ ਲੋਕ ਪ੍ਰਭਾਵਿਤ ਦੱਸੇ ਗਏ ਹਨ।
ਇਸ ਤੋਂ ਇਲਾਵਾ 69 ਇਵੈਕੂਏਅਸ਼ਨ ਐਲਰਟ ਵੀ ਜਾਰੀ ਹਨ ਜਿਸ ਤੋਂ 32,000 ਤੋਂ ਵਧੇਰੇ ਲੋਕ ਪ੍ਰਭਾਵਿਤ ਹਨ।
ਇਹਨਾਂ ਅੱਗਾਂ 'ਤੇ ਕਾਬੂ ਪਾਉਣ ਲਈ 3,180 ਫਾਇਰਫਾਈਟਰ ਮੁਸ਼ੱਕਤ ਕਰ ਰਹੇ ਹਨ।
ਵਧੇਰੇ ਜਾਣਕਾਰੀ ਲਈ ਪੜ੍ਹੋ:
