ਤਰੈਜ਼ਰੀ ਬੋਰਡ ਦੇ 120,000 ਵਰਕਰਾਂ ਨਾਲ ਅਸਥਾਈ ਸਮਝੌਤਾ ਹੋਇਆ: ਪੀ.ਐਸ.ਏ.ਸੀ

ਕੈਨੇਡਾ ਦੇ 120,000 ਤੋਂ ਵੱਧ ਫੈਡਰਲ ਵਰਕਰਾਂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਪਬਲਿਕ ਸਰਵਿਸ ਅਲਾਇੰਸ ਓਫ ਕੈਨੇਡਾ ਅਤੇ ਸਰਕਾਰ ਵਿਚਕਾਰ ਡੀਲ ਹੋ ਗਈ ਹੈ, ਜਿਸ ਮਗਰੋਂ ਤਰੈਜ਼ਰੀ ਬੋਰਡ ਦੇ ਵਰਕਰਾਂ ਨੇ ਰਾਸ਼ਟਰੀ ਪੱਧਰ 'ਤੇ ਹੜਤਾਲ ਸਮਾਪਤ ਕਰ ਦਿੱਤੀ ਹੈ।

ਹਾਲਾਂਕਿ, PSAC ਦਾ ਕਹਿਣਾ ਹੈ ਕਿ ਕੈਨੇਡਾ ਰੈਵੇਨਿਊ ਏਜੰਸੀ ਨਾਲ ਜੁੜੇ 35,000 ਵਰਕਰਾਂ ਦੀ ਹੜਤਾਲ ਅਜੇ ਵੀ ਕੁਝ ਮੁੱਦਿਆਂ ਨੂੰ ਲੈ ਕੇ ਜਾਰੀ ਹੈ ਜਿਨ੍ਹਾਂ ਬਾਰੇ ਸਰਕਾਰ ਨਾਲ ਗੱਲਬਾਤ ਹੋ ਰਹੀ ਹੈ।

ਜਾਣਕਾਰੀ ਮੁਤਾਬਕ ਯੂਨੀਅਨ ਅਤੇ ਸਰਕਾਰ ਵਿਚਕਾਰ 12.6 ਫ਼ੀਸਦੀ ਤਨਖਾਹ ਵਿੱਚ ਵਾਧਾ ਅਤੇ ਰਿਟਾਇਰਮੈਂਟ ਸਮੇਂ $2500 ਦੀ ਵਨ ਟਾਈਮ ਲੰਪ ਸਮ ਪੇਮੈਂਟ 'ਤੇ ਸਹਿਮਤੀ ਬਣੀ ਹੈ।