21.74C Vancouver 21.74C VancouverSep 7, 2023 5:51 PM - Connect News
ਏਅਰ ਕੈਨੇਡਾ ਦੀ ਫ਼ਲਾਈਟ ਵਿੱਚੋ ਯਾਤਰੀਆਂ ਨੂੰ ਜਹਾਜ਼ ਚੋਂ ਉਤਾਰਨ ਦਾ ਮਾਮਲਾ ਹੁਣ ਕੈਨੇਡਾ ਦੀ ਪਬਲਿਕ ਹੈਲਥ ਏਜੰਸੀ ਕੋਲ ਪਹੁੰਚ ਗਿਆ ਹੈ।
ਪਬਲਿਕ ਹੈਲਥ ਏਜੰਸੀ ਆਫ਼ ਕੈਨੇਡਾ ਨੇ ਕਿਹਾ ਕਿ ਉਹ ਏਅਰ ਕੈਨੇਡਾ ਨਾਲ ਸੰਪਰਕ ਵਿੱਚ ਹਨ।
ਦਰਅਸਲ 26 ਅਗਸਤ ਨੂੰ ਲਾਸ ਵੇਗਸ ਤੋਂ ਮੌਂਟਰੀਅਲ ਆ ਰਹੀ ਇੱਕ ਫ਼ਲਾਈਟ ਵਿੱਚ 2 ਯਾਤਰੀਆਂ ਨੇ ਉਲਟੀ ਨਾਲ ਲਿਬੜੀ ਸੀਟ ‘ਤੇ ਬੈਠਣ ਤੋਂ ਮਨਾ ਕਰ ਦਿੱਤਾ ਸੀ ਜਿਸ ਕਰਕੇ ਜਹਾਜ਼ ਵਿੱਚ ਕਾਫ਼ੀ ਬਹਿਸ ਵੀ ਹੋਈ ਤੇ ਯਾਤਰੀਆਂ ਨੂੰ ਜਹਾਜ਼ ਚੋਂ ਉਤਾਰ ਦਿੱਤਾ ਗਿਆ ਸੀ।
ਇਹ ਸਾਰੀ ਘਟਨਾ ਸੂਜ਼ਨ ਬੈਨਸਨ ਨਾਂ ਦੀ ਇੱਕ ਔਰਤ ਨੇ ਆਪਣੀ ਫੇਸਬੁੱਕ ਪੋਸਟ ‘ਤੇ ਸਾਂਝੀ ਕੀਤੀ ਸੀ।
ਹਾਲਾਂਕਿ ਬੀਤੇ ਦਿਨ ਏਅਰ ਕੈਨੇਡਾ ਨੇ ਇਸ ਮਾਮਲੇ ਵਿੱਚ ਮੁਆਫ਼ੀ ਮੰਗੀ ਹੈ ਕਿ ਯਾਤਰੀਆਂ ਨੂੰ ਉਹ ਸਰਵਿਸ ਨਹੀਂ ਮਿਲੀ ਜਿਸ ਦੇ ਉਹ ਹੱਕਦਾਰ ਸਨ।
ਪਬਲਿਕ ਹੈਲਥ ਏਜੰਸੀ ਆਫ਼ ਕੈਨੇਡਾ ਦਾ ਕਹਿਣਾ ਹੈ ਕਿ ਇਹ ਯਕੀਨੀ ਬਣਾਉਣਾ ਉਸਦੀ ਜ਼ਿੰਮੇਵਾਰੀਆਂ ਦਾ ਹਿੱਸਾ ਹੈ ਕਿ ਜਹਾਜ਼ਾਂ ਜਾਂ ਰੇਲ ਗੱਡੀਆਂ ਵਿਚ ਸਰੀਰ ਦੇ ਤਰਲ ਪਦਾਰਥ ਦੇ ਸੰਪਰਕ ਵਿਚ ਆਉਣ ਨਾਲ ਦੇਸ਼ ਵਿਚ ਕਿਸੇ ਬਿਮਾਰੀ ਦੇ ਫ਼ੈਲਣ ਦਾ ਖ਼ਤਰਾ ਨਾ ਪੈਦਾ ਹੋਵੇ।
ਫਿਲਹਾਲ ਇਸ ਮਾਮਲੇ ਦੀ ਜਾਂਚ ਗੰਭੀਰਤਾ ਨਾਲ ਕੀਤੀ ਜਾਵੇਗੀ।
