15.34C Vancouver 15.34C VancouverSep 21, 2020 9:20 PM -
ਕੋਵਿਡ-19 ਪੈਂਡੇਮਿਕ ਦੀ ਦੂਜੀ ਵੇਵ ਦੇ ਦਸਤਕ ਦੇਣ ਦੀਆਂ ਖਬਰਾਂ ਵਿਚਾਲੇ ਪਬਲਿਕ ਹੈਲਥ ਅਜੈਂਸੀ ਆਫ਼ ਕੈਨੇਡਾ ਨੂੰ ਨਵਾਂ ਪ੍ਰਧਾਨ ਮਿਲ ਗਿਆ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇਹ ਜ਼ਿੰਮੇਵਾਰੀ, ਨੈਸ਼ਨਲ ਰਿਸਰਚ ਕਾਉਂਸਿਲ ਆਫ਼ ਕੈਨੇਡਾ ਦੇ ਮੁਖੀ, ਇਅਨ ਸਟਿਊਅਰਟ ਨੂੰ ਸੌਂਪੀ ਹੈ।
ਬੀਤੇ ਹਫ਼ਤੇ ਫੈਡਰਲ ਪਬਲਿਕ ਹੈਲਥ ਅਜੈਂਸੀ ਦੀ ਪ੍ਰਧਾਨ, ਟੀਨਾ ਨੇਮੀਏਸਨਿਓਸਕੀ ਨੇ ਅਹੁਦਾ ਛੱਡਣ ਦਾ ਐਲਾਨ ਕੀਤਾ ਸੀ।
ਉਨ੍ਹਾਂ ਕਿਹਾ ਸੀ ਕਿ ਪੈਂਡੇਮਿਕ ਨਾਲ ਨਜਿੱਠਣ ਦੇ ਕਈ ਮਹੀਨਿਆਂ ਬਾਅਦ, ਉਨ੍ਹਾਂ ਨੂੰ ਬ੍ਰੇਕ ਦੀ ਲੋੜ ਹੈ।
ਨਵੇਂ ਪ੍ਰਧਾਨ ਸਟਿਊਅਰਟ ਵੱਲੋਂ ਇਹ ਜ਼ਿੰਮੇਵਾਰੀ 28 ਸਿਤੰਬਰ ਤੋਂ ਸੰਭਾਲੀ ਜਾਵੇਗੀ।
ਅਹੁਦਾ ਛੱਡ ਰਹੀ ਟੀਨਾ ਨੇਮੀਏਸਨਿਓਸਕੀ ਨੂੰ ਪ੍ਰਾਈਵੀ ਕਾਉਂਸਿਲ ਦਫ਼ਤਰ 'ਚ ਸੀਨੀਅਰ ਅਧਿਕਾਰੀ ਦੀ ਜ਼ਿਮੇਵਾਰੀ ਦਿੱਤੀ ਗਈ ਹੈ।
