31.21C Vancouver 31.21C VancouverDec 14, 2020 8:23 PM -
ਬੀ.ਸੀ. 'ਚ ਪਬਲਿਕ ਸੇਫਟੀ ਮੰਤਰਾਲੇ ਨੇ ਛੁੱਟੀਆਂ ਨਾਲ ਸੰਬੰਧਤ ਅੱਗਾਂ ਦੇ ਖਤਰੇ ਬਾਰੇ ਚੇਤਾਵਨੀ ਦਿੱਤੀ ਹੈ।
ਫੈਸਟਿਵ ਲਾਈਟਸ ਅਤੇ ਮੋਮਬੱਤੀਆਂ ਬਾਲਣ ਕਾਰਨ ਅੱਗਾਂ ਲੱਗਣ ਦੇ ਖਤਰੇ ਬਾਰੇ ਚੇਤਾਵਨੀ ਦਿੱਤੀ ਗਈ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਫਾਇਰ ਕਮਿਸ਼ਨਰ ਦੀ ਰਿਪੋਰਟ ਦਰਸ਼ਾਉਂਦੀ ਹੈ ਕਿ ਬੀ.ਸੀ. 'ਚ ਬੀਤੇ ਇੱਕ ਦਹਾਕੇ 'ਚ ਕ੍ਰਿਸਮਸ ਨਾਲ ਸੰਬੰਧਤ 113 ਅੱਗਾਂ ਰਿਪੋਰਟ ਹੋਈਆਂ ਹਨ।
ਇਸ ਦੌਰਾਨ 4 ਮੌਤਾਂ ਕਈ ਲੋਕਾਂ ਦੇ ਜ਼ਖਮੀ ਹੋਣ ਅਤੇ $14.5 ਮਿਲੀਅਨ ਦੇ ਨੁਕਸਾਨ ਦਾ ਅੰਕੜਾ ਪੇਸ਼ ਕੀਤਾ ਗਿਆ ਹੈ।
ਐਮਰਜੈਂਸੀ ਪ੍ਰਿਪੇਅਰਡਨੈਸ ਦੇ ਪਾਰਲੀਅਮੈਂਟਰੀ ਸਕੱਤਰ, ਜੈਨੀਫਰ ਰਾਈਸ ਦਾ ਕਹਿਣਾ ਹੈ ਕਿ ਅਜਿਹੀਆਂ ਅੱਗਾਂ ਲੱਗਣ ਦੀਆਂ ਬਹੁਤੀਆਂ ਘਟਨਾਵਾਂ 'ਚ ਸਜਾਵਟ ਲਈ ਵਰਤੀ ਜਾਣ ਵਾਲੀਆਂ ਲਾਈਟਸ ਨੂੰ ਕਾਰਨ ਮੰਨਿਆ ਜਾਂਦਾ ਹੈ।
ਉਨ੍ਹਾਂ ਕਿਹਾ ਕਿ ਫਾਇਰ ਕਮਿਸ਼ਨਰ ਦੀ ਰਿਪੋਰਟ 'ਚ ਕੁਝ ਅਜਿਹੇ ਮਾਮਲੇ ਵੀ ਹਨ, ਜਿੱਥੇ ਮੋਮਬੱਤੀਆਂ ਤੋਂ ਪਰਦਿਆਂ ਅਤੇ ਹੋਰ ਥਾਵਾਂ 'ਤੇ ਅੱਗ ਲਗ ਗਈ ਸੀ।
