17.02C Vancouver 17.02C VancouverOct 5, 2021 8:26 PM -
ਬੀ.ਸੀ. ਦੇ ਕਰੀਬ 30,000 ਪ੍ਰੋਵਿੰਸ਼ੀਅਲ ਕਰਮਚਾਰੀਆਂ ਨੂੰ ਕੋਵਿਡ-19 ਦੀਆਂ ਖੁਰਾਕਾਂ ਹਾਸਿਲ ਕਰਨਾ ਲਾਜਮੀ ਬਣਾ ਦਿੱਤਾ ਗਿਆ ਹੈ।
ਸੂਬਾ ਸਰਕਾਰ ਨੇ ਐਲਾਨ ਕੀਤਾ ਹੈ ਕਿ 22 ਨਵੰਬਰ ਤਕ ਸਾਰੇ ਪ੍ਰੋਵਿੰਸ਼ੀਅਲ ਕਰਮਚਾਰੀਆਂ ਨੂੰ ਕੋਵਿਡ-19 ਲਈ ਪੂਰੀ ਤਰ੍ਹਾਂ ਵੈਕਸੀਨੇਟ ਹੋਣਾ ਹੋਵੇਗਾ।
ਸੂਬਾ ਸਰਕਾਰ ਨੇ ਇਹ ਨਵਾਂ ਕਦਮ ਚੁੱਕਦੇ ਹੋਏ ਕਿਹਾ ਹੈ ਕਿ ਵੈਕਸੀਨੇਸ਼ਨ 'ਚ ਵਾਧੇ ਦੀਆਂ ਕੋਸ਼ਿਸ਼ਾਂ ਤਹਿਤ ਇਹ ਫੈਸਲਾ ਲਾਗੂ ਕੀਤਾ ਜਾ ਰਿਹਾ ਹੈ।
ਦੱਸਿਆ ਗਿਆ ਕਿ ਇਸ ਪਤਝੜ ਰੁੱਤੇ ਕੰਮ 'ਤੇ ਪਰਤ ਰਹੇ ਵਧੇਰੇ ਕਰਮਚਾਰੀਆਂ ਲਈ ਵੈਕਸੀਨੇਸ਼ਨ ਇੱਕ ਐਡੀਸ਼ਨਲ ਅਤੇ ਭਰੋਸੇ ਵਾਲੀ ਸੁਰੱਖਿਆ ਸੰਬੰਧੀ ਪਰਤ ਪ੍ਰਦਾਨ ਕਰੇਗੀ।
ਸਰਕਾਰ ਦਾ ਕਹਿਣਾ ਹੈ ਕਿ ਸਰਕਾਰੀ ਮੰਤਰਾਲਿਆਂ 'ਚ ਕੰਮ ਕਰਦੇ ਵਰਕਰਾਂ ਲਈ ਬੀ.ਸੀ. ਵੈਕਸੀਨ ਕਾਰਡ ਜਰੀਏ ਪੂਰੀ ਤਰ੍ਹਾਂ ਵੈਕਸੀਨੇਟ ਹੋਣ ਦਾ ਪ੍ਰਮਾਣ ਪੇਸ਼ ਕਰਨਾ ਹੋਵੇਗਾ।
