ਪੰਜਾਬ ਦੇ ਮੁੱਖ ਮੰਤਰੀ ਨੇ ਹਾਸਿਲ ਕੀਤੀ ਵੈਕਸੀਨ ਦੀ ਦੂਜੀ ਖੁਰਾਕ, ਲੋਕਾਂ ਨੂੰ ਵੈਕਸੀਨ ਹਾਸਿਲ ਕਰਨ ਲਈ ਕੀਤਾ ਪ੍ਰੇਰਿਤ

ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਕੋਰੋਨਾ ਵਾਇਰਸ ਤੋਂ ਬਚਾਅ ਲਈ ਵੈਕਸੀਨ ਦੀ ਦੂਜੀ ਖੁਰਾਕ ਹਾਸਿਲ ਕਰ ਲਈ ਹੈ।

ਸੋਮਵਾਰ ਨੂੰ ਚੰਡੀਗੜ੍ਹ 'ਚ ਕੈਪਟਨ ਨੇ ਵੈਕਸੀਨ ਦਾ ਦੂਜਾ ਸ਼ੌਟ ਲਗਵਾਇਆ।

ਉਨ੍ਹਾਂ ਇਸ ਬਾਰੇ ਇੱਕ ਟਵੀਟ ਕਰਦੇ ਹੋਏ ਜਾਣਕਾਰੀ ਦਿੱਤੀ ਅਤੇ ਆਪਣੀ ਇੱਕ ਤਸਵੀਰ ਵੀ ਸਾਂਝੀ ਕੀਤੀ।

ਕੈਪਟਨ ਨੇ ਆਪਣੇ ਟਵੀਟ 'ਚ ਲਿਖਿਆ, "ਅੱਜ ਮੈਂ ਦੂਜੀ ਕੋਵਿਡ-19 ਵੈਕਸੀਨ ਖੁਰਾਕ ਹਾਸਿਲ ਕਰ ਲਈ ਹੈ। ਕੋਵਿਡ-19 ਵਾਇਰਸ ਖਿਲਾਫ਼ ਲੜਾਈ 'ਚ ਸਮੇਂ ਸਰ ਵੈਕਸੀਨ ਹਾਸਿਲ ਕਰਨਾ ਹੀ ਆਪਣੇ ਬਚਾਅ ਦਾ ਸਭ ਤੋਂ ਬਿਹਤਰ ਤਰੀਕਾ ਹੈ। ਮੈਂ ਸਾਰੇ ਲੋਕਾਂ ਨੂੰ ਅਪੀਲ ਕਰਦਾ ਹਾਂ ਕਿ, ਸੂਬੇ 'ਚ ਸਰਕਾਰ ਦੀਆਂ ਵੱਖੋ-ਵੱਖਰੀਆਂ ਫੈਸਿਲਟੀਆਂ 'ਤੇ ਪਹੁੰਚ ਕੇ ਵੈਕਸੀਨ ਸ਼ੌਟ ਹਾਸਿਲ ਕੀਤੇ ਜਾਣ।"

ਯਾਦ ਰਹੇ ਕੈਪਟਨ ਅਮਰਿੰਦਰ ਸਿੰਘ ਨੇ ਮੋਹਾਲੀ 'ਚ 5 ਮਾਰਚ ਨੂੰ ਵੈਕਸੀਨ ਦੀ ਪਹਿਲੀ ਖੁਰਾਕ ਹਾਸਿਲ ਕੀਤੀ ਸੀ।

ਕੈਪਟਨ ਅਮਰਿੰਦਰ ਸਿੰਘ ਦਾ ਟਵੀਟ:

Got my second dose of #Covid19 vaccination today. In this fight against the #Covid19 virus, timely vaccination is our most potent shield. I urge all eligible persons to take their shot at the earliest by registering at the medical facilities of Punjab Government across the State.