ਪੰਜਾਬ ਕਾਂਗਰਸ ਨੇ ਇਲੈਕਸ਼ਨ ਕਮਿਸ਼ਨ ਨੂੰ ਸੂਬੇ ਲਈ ਵੋਟਿੰਗ ਤਾਰੀਖ਼ ਬਦਲਣ ਦੀ ਕੀਤੀ ਮੰਗ

ਪੰਜਾਬ ਕਾਂਗਰਸ ਨੇ ਇਲੈਕਸ਼ਨ ਕਮਿਸ਼ਨ ਨੂੰ ਸੂਬੇ ਲਈ ਵੋਟਿੰਗ ਤਾਰੀਖ਼ ਬਦਲਣ ਦੀ ਮੰਗ ਕੀਤੀ ਹੈ। ਪ੍ਰਤਾਪ ਸਿੰਘ ਬਾਜਵਾ ਦਾ ਕਹਿਣਾ ਹੈ ਕਿ ਜਦੋਂ ਸੂਬੇ ਵਿਚ ਲੋਕ ਸਭਾ ਇਲੈਕਸ਼ਨ ਲਈ ਵੋਟਿੰਗ ਹੋਣੀ ਹੈ ਉਸ ਸਮੇਂ ਕਿਸਾਨ ਖੇਤਾਂ ਵਿਚ ਝੋਨੇ ਦੀ ਬਿਜਾਈ ਵਿਚ ਵਿਅਸਤ ਹੋਣਗੇ, ਇਸ ਲਈ ਵੋਟ ਫੀਸਦੀ ਡਿੱਗ ਸਕਦਾ ਹੈ।

ਬਾਜਵਾ ਨੇ ਇਲਜ਼ਾਮ ਲਗਾਇਆ ਕਿ ਇਹ ਸਾਰਾ ਸ਼ਡਿਊਲ ਸਾਜ਼ਿਸ਼ ਤਹਿਤ ਬਣਾਇਆ ਗਿਆ ਹੈ ਜਿਸ ਨਾਲ ਭਾਜਪਾ ਨੂੰ ਫਾਇਦਾ ਮਿਲੇਗਾ। ਗੌਰਤਲਬ ਹੈ ਕਿ ਲੋਕ ਸਭਾ ਲਈ ਵੋਟਿੰਗ 19 ਅਪ੍ਰੈਲ ਤੋਂ 7 ਗੇੜ ਵਿਚ ਹੋਣੀਆਂ ਹਨ, ਪੰਜਾਬ ਵਿਚ 13 ਲੋਕ ਸਭਾ ਸੀਟਾਂ ਹਨ ਅਤੇ ਸੂਬੇ ਵਿਚ ਵੋਟਿੰਗ ਦੀ ਤਾਰੀਖ 1 ਜੂਨ ਹੈ, ਉਸ ਦਿਨ ਹਿਮਾਚਲ ਪ੍ਰਦੇਸ਼ ਅਤੇ ਚੰਡੀਗੜ੍ਹ ਦੀ ਇੱਕ ਸੀਟ ਉੱਤੇ ਵੀ ਵੋਟਿੰਗ ਹੋਵੇਗੀ।