ਪੰਜਾਬ ਸਰਕਾਰ ਨੇ ਅੰਮ੍ਰਿਤਪਾਲ ’ਤੇ ਐੱਨ.ਐੱਸ.ਏ. ਦੀ ਕਾਰਵਾਈ ਨੂੰ ਦੱਸਿਆ ਸਹੀ

ਪੰਜਾਬ ਸਰਕਾਰ ਨੇ ਡਿਗਰੂਗੜ੍ਹ ਜੇਲ੍ਹ ਵਿਚ ਬੰਦ ਅੰਮ੍ਰਿਤਪਾਲ ’ਤੇ ਐੱਨ.ਐੱਸ.ਏ. ਦੀ ਕਾਰਵਾਈ ਨੂੰ ਸਹੀ ਦੱਸਿਆ ਹੈ। ਸੂਬਾ ਸਰਕਾਰ ਨੇ ਇਹ ਜਵਾਬ ਪੰਜਾਬ-ਹਰਿਆਣਾ ਹਾਈਕੋਰਟ ਵਿਚ ਅੰਮ੍ਰਿਤਪਾਲ ਦੀ ਪਟੀਸ਼ਨ ਦੇ ਸਬੰਧ ਵਿਚ ਦਾਖ਼ਲ ਕੀਤਾ, ਜਿਸ ਵਿਚ ਅੰਮ੍ਰਿਤਪਾਲ ਨੇ ਖੁਦ ’ਤੇ ਐੱਨ.ਐੱਸ.ਏ. ਲਗਾਉਣ ਨੂੰ ਚੁਣੌਤੀ ਦਿੱਤੀ ਸੀ।

ਸਰਕਾਰ ਨੇ ਕਿਹਾ ਕਿ ਅੰਮ੍ਰਿਤਪਾਲ ਗੈਰ ਕਾਨੂੰਨੀ ਗਤੀਵਧੀਆਂ ਵਿਚ ਸ਼ਾਮਲ ਸੀ ਅਤੇ ਉਸ ਖਿਲਾਫ ਕਈ ਖੁਫੀਆ ਸੂਚਨਾਵਾਂ ਹਨ ਜੇ ਹਾਈਕੋਰਟ ਹੁਕਮ ਕਰਦਾ ਹੈ ਤਾਂ ਪੂਰੀ ਜਾਣਕਾਰੀ ਸੀਲਬੰਦ ਲਿਫਾਫੇ ਵਿਚ ਸੌਂਪੀ ਜਾ ਸਕਦੀ ਹੈ। ਉਥੇ ਹੀ, ਕੇਂਦਰ ਸਰਕਾਰ ਨੇ ਵੀ ਆਪਣੇ ਪ੍ਰਤੀਕਰਮ ਵਿਚ ਅੰਮ੍ਰਿਤਪਾਲ ਦੀ ਐੱਨ.ਐੱਸ.ਏ. ਤਹਿਤ ਨਜ਼ਰਬੰਦੀ ਦਾ ਸਮਰਥਨ ਕੀਤਾ।