22.86C Vancouver 22.86C VancouverAug 30, 2023 8:26 PM - Connect News
ਫਿਲੀਪੀਨਜ਼ ਵਿੱਚ ਇੱਕ ਪੰਜਾਬਣ ਦਾ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ।
ਮਿਲੀ ਜਾਣਕਾਰੀ ਅਨੁਸਾਰ ਜਗਨਪ੍ਰੀਤ ਕੌਰ ਆਪਣੇ ਪਤੀ ਮਨਜੀਤ ਸਿੰਘ ਤੇ ਬੱਚਿਆਂ ਸਮੇਤ ਲਗਭਗ 14 ਸਾਲਾਂ ਤੋਂ ਫਿਲੀਪੀਨਜ਼ ਦੇ ਸ਼ਹਿਰ ਮਨੀਲਾ ’ਚ ਆਪਣਾ ਫਾਇਨਾਂਸ ਦਾ ਬਿਜ਼ਨੈੱਸ ਕਰਦੀ ਸੀ।
ਜਗਨਪ੍ਰੀਤ ਦਾ ਪਤੀ ਮਨਜੀਤ ਸਿੰਘ ਆਪਣਿਆਂ ਬੱਚਿਆਂ ਸਮੇਤ ਭਾਰਤ ਆਇਆ ਹੋਇਆ ਸੀ।
ਜਗਨਪ੍ਰੀਤ ਕੌਰ ਜ਼ਿਲ੍ਹਾ ਫਿਰੋਜ਼ਪੁਰ ਦੇ ਪਿੰਡ ਢੰਡੀਆਂ ਦੀ ਰਹਿਣ ਵਾਲੀ ਸੀ।
ਬੀਤੇ ਕੱਲ੍ਹ ਉਸ ਦੀ ਦੁਕਾਨ ’ਤੇ ਆ ਕੇ ਮੋਟਰਸਾਈਕਲ ਸਵਾਰ ਵੱਲੋਂ ਗੋਲੀਆਂ ਮਾਰ ਕੇ ਉਸ ਦਾ ਕਤਲ ਕਰ ਦਿੱਤਾ ਗਿਆ। ਹਾਲਾਂਕਿ ਇਹ ਕਤਲ ਕਿਸਨੇ ਅਤੇ ਕਿਉਂ ਕੀਤਾ ਹੈ, ਇਸਦੀ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।
ਮਨਜੀਤ ਸਿੰਘ ਦੇ ਵਾਪਿਸ ਮਨੀਲਾ ਪਰਤਣ ਅਤੇ ਪੁਲਿਸ ਵੱਲੋਂ ਜਾਂਚ ਪੜਤਾਲ ਤੋਂ ਬਾਅਦ ਹੀ ਹੋਰ ਨਵੀਂ ਜਾਣਕਾਰੀ ਸਾਹਮਣੇ ਆਵੇਗੀ।
