19.92C Vancouver 19.92C VancouverMay 7, 2024 5:56 PM - The Associated Press
ਰੂਸ ’ਤੇ ਲੰਮੇ ਸਮੇਂ ਤੋਂ ਸਾਸ਼ਨ ਕਰ ਰਹੇ ਵਲਾਦੀਮੀਰ ਪੁਤਿਨ 5ਵੀਂ ਵਾਰ ਰਾਸ਼ਟਰਪਤੀ ਬਣ ਗਏ ਹਨ। ਪੁਤਿਨ ਨੇ ਮਾਸਕੋ ਦੇ ਗ੍ਰੈਂਡ ਕ੍ਰੇਮਲਿਨ ਪੈਲੇਸ ਵਿਚ 33 ਸ਼ਬਦਾਂ ਵਿਚ ਸਹੁੰ ਚੁੱਕੀ। ਇਹ ਉਹੀ ਸਥਾਨ ਹੈ ਜਿੱਥੇ ਰੂਸ ਦੇ ਚਾਰ ਪਰਿਵਾਰ ਦੇ ਤਿੰਨ ਰਾਜਿਆਂ ਅਲੈਗਜ਼ੈਂਡਰ 2, ਅਲੈਗਜ਼ੈਂਡਰ 3 ਅਤੇ ਨਿਕੋਲਸ 2 ਦੀ ਤਾਜਪੋਸ਼ੀ ਹੋਈ ਸੀ।
ਸਹੁੰ ਚੁੱਕਣ ਤੋਂ ਬਾਅਦ ਪੁਤਿਨ ਨੇ ਕਿਹਾ, ‘ਅਸੀਂ ਹੋਰ ਮਜ਼ਬੂਤ ਹੋਵਾਂਗੇ ਅਤੇ ਉਨ੍ਹਾਂ ਦੇਸ਼ਾਂ ਨਾਲ ਵੀ ਆਪਣੇ ਸੰਬੰਧਾਂ ਨੂੰ ਮਜ਼ਬੂਤ ਕਰਾਂਗੇ, ਜੋ ਸਾਨੂੰ ਦੁਸ਼ਮਣ ਸਮਝਦੇ ਹਨ।’ ਪੁਤਿਨ ਨੇ ਕਿਹਾ ਕਿ ਮੈਂ ਜਨਤਾ ਦਾ ਵਿਸ਼ਵਾਸ ਬਣਾਈ ਰੱਖਣ ਲਈ ਹਰ ਸੰਭਵ ਕੋਸ਼ਿਸ਼ ਕਰਾਂਗਾ।
ਗੌਰਤਲਬ ਹੈ ਕਿ ਰੂਸ ਵਿਚ 15-17 ਮਾਰਚ ਨੂੰ ਹੋਈਆਂ ਇਲੈਕਸ਼ਨ ਵਿਚ ਪੁਤਿਨ ਨੂੰ 88 ਫੀਸਦੀ ਵੋਟਾਂ ਮਿਲੀਆਂ ਸਨ। ਉਨ੍ਹਾਂ ਦੇ ਵਿਰੋਧੀ ਨਿਕੋਲੇ ਖਾਰੀਤੋਨੋਵ ਸਿਰਫ਼ 4 ਫੀਸਦੀ ਵੋਟਾਂ ਹਾਸਲ ਕਰ ਸਕੇ ਸਨ।
ਅਮਰੀਕਾ, ਬ੍ਰਿਟੇਨ ਅਤੇ ਕਈ ਯੂਰਪੀ ਦੇਸ਼ਾਂ ਨੇ ਰੂਸ ਵਿਚ ਪੁਤਿਨ ਦੇ ਸਹੁੰ ਚੁੱਕ ਸਮਾਗਮ ਦਾ ਬਾਈਕਾਟ ਕੀਤਾ। ਹਾਲਾਂਕਿ ਇਸ ਮੌਕੇ ਭਾਰਤੀ ਰਾਜਦੂਤ ਵਿਨੈ ਕੁਮਾਰ ਮੌਜੂਦ ਸਨ। ਪੁਤਿਨ ਨੇ ਸਾਲ 2000 ਵਿਚ ਪਹਿਲੀ ਵਾਰ ਰਾਸ਼ਟਰਪਤੀ ਵਜੋਂ ਸਹੁੰ ਚੁੱਕੀ ਸੀ।
