13.7C Vancouver 13.7C VancouverSep 7, 2023 5:21 PM - The Canadian Press
ਪਬਲਿਕ ਸੁਰੱਖਿਆ ਮੰਤਰੀ ਡੋਮਿਨਿਕ ਲੇਬਲੈਂਕ ਨੇ ਵੀਰਵਾਰ ਨੂੰ ਐਲਾਨ ਕੀਤਾ ਕਿ ਕਿਊਬਿਕ ਕੋਰਟ ਆਫ ਅਪੀਲ ਦੇ ਜਸਟਿਸ Marie-Josée Hogue ਕੈਨੇਡਾ ਦੀਆਂ ਚੋਣਾਂ ਵਿੱਚ ਵਿਦੇਸ਼ੀ ਦਖਲਅੰਦਾਜ਼ੀ ਦੀ ਜਨਤਕ ਜਾਂਚ ਦੀ ਅਗਵਾਈ ਕਰਨਗੇ।
Hogue ਦੀ ਪਹਿਲੀ ਰਿਪੋਰਟ 29 ਫਰਵਰੀ ਨੂੰ ਆਵੇਗੀ।
ਉਹਨਾਂ ਦਾ ਮੁੱਖ ਫੋਕਸ ਚੀਨ ਅਤੇ ਰੂਸ ਸਮੇਤ ਹੋਰ ਰਾਜਾਂ ਵੱਲੋਂ ਕਥਿਤ ਦਖਲਅੰਦਾਜ਼ੀ ਦੀਆਂ ਕਾਰਵਾਈਆਂ 'ਤੇ ਕੇਂਦਰਿਤ ਹੋਵੇਗਾ।
ਇਸ ਤੋਂ ਪਹਿਲਾਂ ਪੀ. ਐੱਮ. ਜਸਟਿਨ ਟਰੂਡੋ ਵਲੋਂ ਵਿਦੇਸ਼ੀ ਦਖਲਅੰਦਾਜ਼ੀ ਦੇ ਦੋਸ਼ਾਂ ਦੀ ਜਾਂਚ ਕਰਨ ਲਈ ਸਾਬਕਾ ਗਵਰਨਰ ਜਨਰਲ ਡੇਵਿਡ ਜੌਹਨਸਟਨ ਨੂੰ ਕੰਮ ਸੌਂਪਿਆ ਗਿਆ ਸੀ।
ਪਰ ਉਨ੍ਹਾਂ ਨੇ ਜੂਨ ਵਿੱਚ ਅਹੁਦੇ ਤੋਂ ਅਸਤੀਫਾ ਦਿੰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੀ ਨਿਯੁਕਤੀ 'ਤੇ ਹੋ ਰਹੀ ਰਹੀ ਸਿਆਸਤ ਕਾਰਨ ਉਹ ਇਸ ਜਾਂਚ ਤੋਂ ਵੱਖ ਹੋ ਰਹੇ ਹਨ।
ਵਿਰੋਧੀ ਧਿਰਾਂ ਦਾ ਇਲਜ਼ਾਮ ਸੀ ਕਿ ਜੌਹਨਸਟਨ ਦੇ ਟਰੂਡੋ ਪਰਿਵਾਰ ਨਾਲ ਪੁਰਾਣੇ ਸਬੰਧ ਹਨ ਅਤੇ ਉਹ ਇਸ ਮਾਮਲੇ ਵਿਚ ਨਿਰਪੱਖ ਜਾਂਚ ਨਹੀਂ ਕਰਨਗੇ।
ਹੁਣ ਪਬਲਿਕ ਸੁਰੱਖਿਆ ਮੰਤਰੀ ਡੋਮਿਨਿਕ ਲੇਬਲੈਂਕ ਨੇ ਐਲਾਨ ਕੀਤਾ ਕਿ ਇਸ ਮਾਮਲੇ ਦੀ ਨਿਰਪੱਖ ਜਾਂਚ ਹੋਵੇਗੀ ਤੇ ਜਸਟਿਸ Marie-Josée Hogue ਕਰਨਗੇ।
ਦੱਸ ਦਈਏ ਕਿ ਹੋਗ ਨੇ 1986 ਵਿੱਚ ਯੂਨੀਵਰਸਟੀ ਡੀ ਸ਼ੇਰਬਰੂਕ ਤੋਂ ਸਿਵਲ ਲਾਅਜ਼ ਦੀ ਆਪਣੀ ਬੈਚਲਰ ਕੀਤੀ ਅਤੇ ਅਗਲੇ ਸਾਲ ਕਿਊਬਿਕ ਦੇ ਬਾਰ ਵਿੱਚ ਦਾਖਲਾ ਲਿਆ ਗਿਆ।
ਉਨ੍ਹਾਂ ਨੂੰ 19 ਜੂਨ, 2015 ਨੂੰ ਕਿਊਬਿਕ ਦੀ ਅਪੀਲ ਕੋਰਟ ਵਿੱਚ ਨਿਯੁਕਤ ਕੀਤਾ ਗਿਆ ਸੀ।
